II Phung Hađăch 22:2 - Nau Brah Ndu Ngơi 2023

² Păng ƀư nau sŏng tanăp măt Brah Yêhôva, hăn tĭng tâm lĕ trong Y-Đavit, chô yau păng, jêh ri păng mâu teng mpeh pa ma mâu lah mpeh pa chiau ôh.

II Phung Hađăch 22:2 ပူးပေါင်းရင်းမြစ်များ

I Phung Hađăch 11:38

Tơlah may tông bâr nau vay Gâp ntăm, hăn tĭng ndô̆ lĕ trong Gâp, ƀư nau di tanăp măt Gâp, djôt prăp lĕ nau vay dăp jêh ri lĕ nau ntăm bơh Gâp nâm bu oh mon Gâp jêng Y-Đavit hŏ ƀư jêh, Gâp mra gŭ ndrel ma may, njêng ma may du nau chiă uănh nâp ktang nâm bu Gâp hŏ njêng jêh ma Y-Đavit, jêh ri Gâp mra ăn phung Israel ma may.

I Phung Hađăch 15:11

Y-Asa ƀư nau di tanăp măt Brah Yêhôva, nâm bu Y-Đavit, che păng hŏ ƀư.

I Phung Hađăch 15:5

Yorlah Y-Đavit ƀư jêh nau ueh jêng sŏng tanăp măt Brah Yêhôva, du njăr nau rêh păng mâu chalơi du ntil nau ôh bơh nau Brah Yêhôva hŏ ntĭnh ma păng, padih ma nau đah Y-Uri, bunuyh Hitit.

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

II Phung Hađăch 12:3

Ƀiălah, mâu ƀư rai ôh lĕ ntŭk prêh klơ; phung ƀon lan ăt hôm nhhơr mpa ƀư brah jêh ri su n'hôl ƀâu kah ta ntŭk prêh klơ.

II Phung Hađăch 14:3

Păng ƀư nau di tanăp măt Brah Yêhôva, ƀiălah mâu di nâm bu chô yau păng jêng Y-Đavit; păng ƀư tĭng lĕ nau bơh Y-Jôas, mbơ̆ păng hŏ ƀư jêh.

II Phung Hađăch 16:2

Tơlah ntơm chiă uănh Y-Ahas geh bar jât năm, jêh ri păng chiă uănh jât ma prao năm tâm ƀon Yêrusalem. Hađăch mâu ƀư nau di tanăp măt Yêhôva Brah Ndu păng nơm, nâm bu chô yau păng jêng Y-Đavit hŏ ƀư jêh.

II Phung Hađăch 18:3

Păng ƀư nau di tanăp măt Brah Yêhôva tâm ban Y-Đavit, chô yau păng, ƀư jêh.

II Nau Rêh Jêng 17:3

Brah Yêhôva gŭ ndrel ma Y-Jôsaphat, yorlah păng tĭng ndô̆ trong Y-Đavit hŏ hăn ntơm saơm, chô yau păng, hŏ hăn jêh, mâu joi brah Baal ôh,

II Nau Rêh Jêng 29:2

Păng ƀư nau di tanăp măt Brah Yêhôva tĭng nâm lĕ rngôch nau chô yau păng Y-Đavit, ƀư jêh.

II Nau Rêh Jêng 31:20

Hađăch Hêsêkia hŏ ƀư nâm pônây tâm lam n'gor Yuđa. Hađăch ƀư nau ueh, sŏng jêh ri răp jăp tanăp Yêhôva Brah Ndu păng.

II Nau Rêh Jêng 34:1

Y-Jôsia geh pham năm, tơlah păng ntơm chiă uănh, jêh ri păng chiă uănh pe jât ma nguay năm ta ƀon Yêrusalem.

Nau Hôr 20:11

Kan kon se ƀư, mâu lah nau kloh mâu lah nau di, Tâm mpơl da dê đah nau păng ƀư.

Nau Hôr 4:27

Lơi teng ôh pa ma mâu lah pa chiau; Ăn jâng may der hom bơh ntŭk nau mhĭk.

Sôphôni 1:1

Tâm rnôk Y-Jôsia, kon bu klâu Y-Amôn, hađăch n'gor Yuđa, geh nau Brah Yêhôva lah ma Y-Sêphania, kon bu klâu Y-Kusi, sau Y-Gêdalia, se Y-Amaria săn Y-Hêsêkia.

Nau Vay Nkah Tay 5:32

Pôri, ăn khân may njrăng ƀư dĭng lĕ nau kan di mâm bu Yêhôva Brah Ndu khân may hŏ ntĭm nti; khân may mâu dơi ôh teng pa ma mâu lah pa chiau.

Yôsuê 1:7

Ăn may janh ktang, nănh nanê̆ jêh ri blau njrăng ƀư tĭng lĕ rngôch nau vay Y-Môis, oh mon Gâp, ntĭnh jêh ma may; lơi teng pa ma mâu lah pa chiau ôh, gay moh ntŭk may hăn mra dơi geh jêng.