II Phung Hađăch 22:19 - Nau Brah Ndu Ngơi 2023

¹⁹ ‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

II Phung Hađăch 22:19 ပူးပေါင်းရင်းမြစ်များ

I Phung Hađăch 21:29

“May saơ lĕ nau Y-Ahap ƀư n'hôi săk păng nơm tanăp Gâp? Yorlah păng n'hôi săk păng nơm tanăp Gâp, pôri Gâp mâu mra ăn tât ôh nau mhĭk tâm rnôk păng. Ƀiălah tât ta tâm rnôk rô̆ kon păng, Gâp mra ăn tât nau mhĭk ma ngih păng.”

II Phung Hađăch 19:20

Y-Êsai, kon bu klâu Y-Amôt, njuăl bunuyh hăn tât ngơi ma hađăch Hêsêkia pô aơ: “Yêhôva Brah Ndu Israel lah: Gâp tăng jêh nau may mbơh sơm yor nau Y-Sênakêrip, hađăch Asiri.

II Phung Hađăch 20:5

“Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

II Phung Hađăch 22:11

Lah tăng lĕ nau ngơi tă bơh ndrom samƀŭt nau vay, hađăch nkhêk ro ao păng nơm.

II Nau Rêh Jêng 32:26

Ƀiălah, Y-Hêsêkia jêh ri phung ƀon lan gŭ ta Yêrusalem ntrŭnh săk ma nau dêh rhêt, mâu hôm sưr, pôri nau Brah Yêhôva ji nuih mâu tât ôh rô̆ Y-Hêsêkia.

II Nau Rêh Jêng 33:12

Nôk păng gŭ tâm nau rêh ni, păng vah vơl dăn ma Yêhôva Brah Ndu, jêh ri ntrŭnh săk păng nơm tanăp Brah Ndu phung chô yau păng.

II Nau Rêh Jêng 33:19

Nau păng mbơh sơm jêh ri nau Brah Ndu dơn nau păng vơl, lĕ nau păng ƀư tih jêh ri lĕ nau păng mâu gŭ răp jăp ôh, lĕ ntŭk prêh păng hŏ ndâk, rup brah Asêrim jêh ri rup brah trah, êlor ma păng ntrŭnh săk păng nơm; lĕ rngôch bu nchih da dê tâm ndrom samƀŭt Y-Hôxai.

II Nau Rêh Jêng 33:23

Hađăch Amôn mâu ŭch ntrŭnh săk păng nơm tanăp măt Brah Yêhôva nâm bu Y-Manasê, mbơ̆ păng hŏ ƀư jêh, ƀiălah păng ƀư tih lơ hâu lơn.

II Nau Rêh Jêng 34:27

‘Tơlah may tăng jêh nau Gâp lah tâm rdâng đah ntŭk aơ jêh ri phung ƀon lan gŭ tâm ntŭk aơ, pôri may geh nuih n'hâm rdơ̆ rbăn, ntrŭnh dêh rhêt tanăp măt Gâp, nkhêk ao jêh ri nhhiăng nhĭm tanăp măt Gâp, yor ri Gâp hŏ tăng jêh nau may; Brah Yêhôva lah kơt nây.

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Nêhêmi 1:4

Nôk gâp tăng lĕ nau nây, gâp gŭ nhĭm nhhiăng, rngot rvê jŏ nar; gâp ât sông sa jêh ri mbơh sơm ma Brah Ndu klơ lĕ ndâr trôk dŭt prêh pô aơ:

Nêhêmi 8:9

Y-Nêhêmi, kôranh mât uănh, Y-Êsra kôranh ƀư brah jêng kôranh nchih samƀŭt, nđâp phung Lêvi nti ntĭm phung ƀon lan, nti lah ma lĕ rngôch phung Israel, lah đah lĕ rngôch bunuyh Israel pô aơ: “Nar aơ jêng kloh ueh ma Yêhôva Brah Ndu khân may. Lơi klâng khĭt mâu lah nhhiăng nhĭm.” Yorlah lĕ rngôch phung ƀon lan nhĭm da dê tơlah gŭ iăt nau ngơi tâm nau vay.

Nau Mprơ Ơm 119:120

Nglay săk gâp râm sâr yor klach ma May, Gâp klach râm sâr đŏng gŭ tanăp nau May phat dôih.

Nau Mprơ Ơm 119:136

Dak măt gâp hoch nâm bu dak n'hor, Yorlah bu mâu tông prăp ôh ma nau vay May.

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Nau Mprơ Ơm 51:19

Aƀaơ aơ, May mra maak lĕ ndơ ƀư brah sŏng srăng, Ndrel lĕ rngôch ndơ ƀư brah gŭch jêh ri mpa ƀư brah. Jêh nây bu mra nhhơr ndrôk nkuăng ta nơng ƀư brah May.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Êsai 46:12

Ơ phung geh nuih n'hâm dăng, Ơ phung gŭ ngai bơh nau sŏng srăng, Gŭ iăt hom Gâp.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Yêrêmi 13:17

Ƀiălah tơlah lĕ bunuyh mâu iăt ôh Huêng gâp mra nhĭm ăn ma nau sưr lĕ bunuyh. Gâp mra nhĭm rngot ngăn, hoch truh dak măt, Yorlah phung biăp Brah Yêhôva bu nhŭp rdu.

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 26:6

pôri Gâp mra phat ma ngih aơ nâm bu hŏ phat jêh ma ƀon Silô, jêh ri ƀư ma ƀon aơ jêng du nau rak rtăp ta nklang lĕ rngôch bri dak ta neh ntu.’”

Yêrêmi 36:13

Y-Mika nkoch ăn ma khân păng lĕ rngôch nau păng hŏ tăng jêh nôk Y-Baruk rŏ ndrom samƀŭt ăn phung ƀon lan iăt.

Yêrêmi 36:24

Hađăch nđâp ma phung tĭng ndô̆ păng hŏ tăng lĕ rngôch jêh nau nây, ƀiălah mâu du huê klach ôh mâu lah nkhêk bok ao khân păng nơm.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Nau Kơp Bunuyh 25:6

Dôl nây, du huê tâm phung ƀon lan Israel djôt leo du huê bu ur Madian tât ta nklang oh nâu păng nơm, tanăp măt Y-Môis jêh ri tanăp măt lĕ rngôch phung ƀon lan Israel tâm rƀŭn, dôl lĕ rngôch phung ƀon lan Israel tâm rƀŭn nhhiăng nhĭm ta mpông Ngih Bok Nau Tâm Rƀŭn.

Luka 19:41

Tơlah văch dăch, uănh saơ ƀon nây, Brah Yêsu nhĭm ma păng jêh ri lah:

Nau Vay Nkah Tay 29:23

Tâm lam n'gor knŏng jêng ndrêch gơ̆ kro ŭnh de sa đah lŭ mô ŭnh jêh ri boh, mâu geh tuch tăm, mâu lŏ kan, mâu geh tơm si chăt nkŭr, mâu geh hon gơ̆, tâm ban ma nau ƀư rai ta ƀon Sôdôm, Gômôrơ, Adma, jêh ri Sêbôim jêng lĕ ƀon Brah Yêhôva ƀư rai jêh tâm nau ji nuih klach krit ngăn bơh Păng.

Phung Kôranh Phat Dôih 20:26

Rnôk nây, lĕ rngôch phung ƀon lan Israel hăn hao ma Bêthel, gŭ dâk ta nây jêh ri nhĭm tanăp Brah Yêhôva. Khân păng ât sông sa tâm nar nây kŏ tât kêng măng jêh ri nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

I Samuel 24:5

Phung tĭng ndô̆ Y-Đavit lah ma păng: “Aơ jêng nar Brah Yêhôva hŏ lah ma may: ‘Aơ, Gâp jao phung rlăng may tâm ti may. Lơh hom ma păng tĭng may ŭch.’” Ƀiălah Y-Đavit dâk, koh ntŭng ntôr ao rjai Y-Sôl.