II Phung Hađăch 22:13 - Nau Brah Ndu Ngơi 2023

¹³ “Hăn hom ôp ma Brah Yêhôva ăn ma gâp, ma phung ƀon lan, jêh ri ma lĕ rngôch phung Yuđa, ma lĕ nau nchih tâm ndrom samƀŭt hŏ joi saơ jêh. Brah Yêhôva ji nuih hâu ngăn ma he, yorlah phung chô yau he mâu tông ôh ma lĕ nau ngơi tâm ndrom samƀŭt aơ, jêh ri mâu ƀư tĭng nâm nau hŏ ntăm jêh ma phung he.”

II Phung Hađăch 22:13 ပူးပေါင်းရင်းမြစ်များ

II Phung Hađăch 23:26

Nđâp lah pônây, Brah Yêhôva mâu rngơt ôh nau Păng ji nuih, jêng nau ji nuih tâm rdâng đah phung Yuđa, yorlah lĕ rngôch nau tih toyh bơh Y-Manasê lok lôr Păng.

II Phung Hađăch 3:11

Ƀiălah Y-Jôsaphat ôp: “Mâu geh hĕ nơm mbơh lor Brah Yêhôva ta aơ, bơh păng he dơi ôp ma Brah Yêhôva?” Du huê oh mon hađăch Israel plơ̆ lah: “Ta aơ geh Y-Êlisê, kon bu klâu Y-Saphat, jêng nơm hŏ pah kan ma Y-Êli.”

II Nau Rêh Jêng 29:6

Yorlah phung che he hŏ ƀư tih jêh, ƀư nau mhĭk tanăp măt Yêhôva Brah Ndu he, chalơi Păng, jêh ri mâu ŭch rle muh măt uănh ma ntŭk Brah Yêhôva gŭ, ndôn kơi ma Păng.

II Nau Rêh Jêng 34:21

“Yor ma gâp jêh ri yor ma phung Israel hôm e klen jêh ri phung Yuđa, hăn ôp hom Brah Yêhôva ma lĕ rngôch nau ngơi tâm ndrom samƀŭt aơ hŏ joi saơ jêh. Yor nau Brah Yêhôva ji nuih nkhŭt jêh ta klơ he dŭt toyh ngăn, yor tă bơh phung che he mâu ŭch djôt prăp ôh nau Brah Yêhôva ntăm, jêh ri mâu tĭng kơt lĕ ntil nau hŏ nchih jêh tâm ndrom samƀŭt aơ.”

Nêhêmi 9:3

Khân păng dâk du ntŭk jêh ri rŏ tâm ndrom samƀŭt nau vay Yêhôva Brah Ndu du kô̆ tâm puăn nar, jêh ri prăp du kô̆ tâm puăn êng gay khân păng mbơh nau tih jêh ri yơk mbah Yêhôva Brah Ndu khân păng.

Nau Mprơ Ơm 106:6

Hên jêh ri phung chô yau hên hŏ ƀư tih jêh; Hên ƀư nau kue jêh ri hên ƀư ma nau djơh jêh.

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Nau Mprơ Ơm 76:7

Du huê May yơh khư ma bu klach; Nau May hao ji nuih, Mbu nơm dơi gŭ tanăp May?

Nau Mprơ Ơm 76:8

Tă bơh klơ trôk, May ntrŭnh nau phat dôih, Pôri neh ntu klach jêh ri gŭ rklăk.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Yêrêmi 16:12

Bi khân may ƀư nau mhĭk rlau lơn ma phung chô yau khân may đŏng; ăp nơm khân may ma nau dăng bôk tĭng nuih n'hâm mhĭk păng nơm, mâu ŭch tông bâr Gâp ôh.

Yêrêmi 36:7

Klăp lah khân păng mra plơ̆ tay vơh vơl ma Brah Yêhôva jêh ri chalơi trong mhĭk păng, yorlah nau nuih jêh ri hao nuih Brah Yêhôva hŏ mbơh jêh tâm rdâng đah ƀon lan aơ jêng krit toyh ngăn.”

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Yêrêmi 44:17

Ƀiălah, hên mra ƀư nŭm lĕ nau hŏ ton jêh luh bơh ma mbung hên, mra nhhơr ndơ ƀâu kah jêh ri ƀư nau ndơ nhhơr nhêt ma hađăch bu ur tâm trôk, nâm bu hên jêh ri phung chô yau hên, phung hađăch jêh ri phung kôranh hên hŏ ƀư jêh tâm ƀon n'gor Yuđa jêh ri n'gŏ trong toyh ƀon Yêrusalem. Nôk nây, hên hŏ geh ndơ sông sa âk rmeh, gŭ rêh geh nau chăt hao, mâu geh nau mhĭk tât ôh.

Nau Nhĭm Vơl 5:7

Chô yau hên hŏ ƀư tih jêh ri abaơ lĕ khĭt jêh; Hên mra anh nau mhĭk khân păng.

Daniel 9:10

Hên mâu tông bâr ôh nau Yêhôva Brah Ndu hên, mâu gŭ ôh tâm nau vay May dŏng jêh phung oh mon May jêng phung nơm mbơh lor ntĭm nti ma hên.

Kan Lêvi 26:14

‘Ƀiălah tơlah khân may mâu iăt ôh nau Gâp, jêh ri mâu ƀư tĭng lĕ nau vay ntăm aơ,

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Samƀŭt Pôl Njuăl Ăn Ma Phung Nsing Ta Ƀon Rôm 4:15

Yorlah nau vay djôt leo tât nau ji nuih, ƀiălah moh ntŭk mâu geh nau vay mâu đŏng geh nau rlau nau vay ôh.

Samƀŭt Pôl Njuăl Ăn Ma Phung Nsing Ta Ƀon Rôm 7:9

Kăl e, mâu geh nau vay gâp dơi gŭ rêh; ƀiălah dôl geh nau vay ntăm, nau tih plơ̆ rêh,

Nau Vay Nkah Tay 27:26

‘Khư ma rak rtăp ngăn ma mbu nơm mâu ƀư tĭng kơt ôh rplay ngơi nau vay aơ!’ Ăn lĕ rngôch phung ƀon lan mra plơ̆ lah: ‘Amen!’ ”

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”