II Phung Hađăch 22:10 - Nau Brah Ndu Ngơi 2023

¹⁰ Kôranh nchih samƀŭt Y-Saphan lah tay: “Kôranh ƀư brah toyh lơn Y-Hilkia ăn ma gâp du ndrom samƀŭt.” Jêh nây Y-Saphan răk ndrom samƀŭt nây ma hađăch tăng.

II Phung Hađăch 22:10 ပူးပေါင်းရင်းမြစ်များ

II Phung Hađăch 22:11

Lah tăng lĕ nau ngơi tă bơh ndrom samƀŭt nau vay, hađăch nkhêk ro ao păng nơm.

II Phung Hađăch 22:9

Jêh nau nây, kôranh nchih samƀŭt Y-Saphan hăn mâp ma hađăch jêh ri mbơh: “Phung oh mon may sŏk jêh prăk tâm ngih brah, jêh ri jao jêh prăk nây ma phung ƀư kan nkra tay ngih Brah Yêhôva.”

II Nau Rêh Jêng 34:18

Kôranh nchih samƀŭt Y-Saphan mbơh ma hađăch: “Y-Hilkia, kôranh ƀư brah geh ăn ma gâp du ndrom samƀŭt.” Y-Saphan răk samƀŭt nây tanăp hađăch.

Nêhêmi 13:1

Tâm nar nây, bu răk ndrom samƀŭt Y-Môis ăn phung ƀon lan iăt jêh ri saơ tâm nây geh nchih phung Ammôn jêh ri phung Môap ƀaƀơ n'ho ro mâu dơi lăp ôh tâm nau tâm rƀŭn Brah Ndu,

Nêhêmi 8:18

Ăp nar, ntơm bơh nar ntơm ma tât nar nglĕ dŭt, bu rŏ tâm ndrom samƀŭt nau vay Brah Ndu. Khân păng nhêt sa nau rƀŭn tâm pơh năng nar, jêh ri tât năng pham geh nau rƀŭn ma nau khư yơk tĭng nâm nau vay ƀư.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Yêrêmi 36:13

Y-Mika nkoch ăn ma khân păng lĕ rngôch nau păng hŏ tăng jêh nôk Y-Baruk rŏ ndrom samƀŭt ăn phung ƀon lan iăt.

Yêrêmi 36:15

Khân păng lah ma păng; “Gŭ hom jêh ri rŏ ăn hên iăt.” Y-Baruk rŏ ăn ma khân păng iăt.

Yêrêmi 36:21

Hađăch prơh Y-Jêhudi njŭn ndrom samƀŭt tât, Y-Jêhudi sŏk ndrom samƀŭt tă bơh jrô kôranh nchih samƀŭt Y-Êlisama jêh ri rŏ ăn hađăch ndrel ma lĕ rngôch phung kôranh gŭ êp hađăch tăng.

Yêrêmi 36:6

Yor nây ta nar ver ât sông sa, ăn may lăp ta ngih Brah Yêhôva jêh ri rŏ ăn ma phung ƀon lan tăng nau Brah Yêhôva tâm ndrom samƀŭt gâp hŏ rŏ ăn may nchih jêh. Tâm ban lĕ may răk ăn lĕ rngôch phung Yuđa văch tă bơh ma lĕ ƀon iăt đŏng.