II Phung Hađăch 21:9 - Nau Brah Ndu Ngơi 2023

⁹ Ƀiălah khân păng mâu tông bâr ôh; Y-Manasê nsŭk nsôr khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

II Phung Hađăch 21:9 ပူးပေါင်းရင်းမြစ်များ

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

II Phung Hađăch 16:3

Ƀiălah hađăch hăn tĭng trong phung hađăch Israel, kŏ tât su kon bu klâu păng tâm ŭnh jêng ndơ ƀư brah, tĭng nâm nau vay ƀơ̆ ƀơch phung ƀon lan Brah Yêhôva hŏ mprơh du jêh tă bơh phung ƀon lan Israel.

II Phung Hađăch 21:10

Brah Yêhôva hŏ dŏng nơm mbơh lor, jêng phung oh mon Păng lah pô aơ:

II Nau Rêh Jêng 33:9

Ƀiălah, Y-Manasê nsŭk nsôr phung Yuđa jêh ri phung gŭ tâm ƀon Yêrusalem, kŏ tât khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nau Mprơ Ơm 12:8

Phung mhĭk hăn nsong blă blơ lam ntŭk, Tơlah nau rai yot dơi yơk ta nklang kon bunuyh.

Nau Mprơ Ơm 81:10

Gâp jêng Yêhôva Brah Ndu may, Nơm njŭn leo jêh may luh bơh bri Êjipt. Hă hom mbung may ăn huy jêh ri Gâp mra ƀư ăn bêng.

Nau Hôr 29:12

Tơlah kôranh chiă uănh iăt nau ngơi mƀruh, Pôri lĕ rngôch phung oh mon păng jêng djơh.

Êsêkiêl 11:12

Rnôk nây, khân may mra gĭt Gâp jêng Brah Yêhôva, yorlah khân may mâu chuat tĭng ndô̆ ôh nau vay Gâp dăp, mâu lĕ ŭch tông ma nau vay ƀư bơh Gâp, ƀiălah ƀư tĭng nkhơng nau vay phung mpôl băl bunuyh gŭ jŭm khân may.’”

Êsêkiêl 16:47

Bi ay mâu knŏng chuat hăn tâm trong khân păng jêh ri hôm ƀư nau mhĭk tâm ban ma khân păng. Ay kơp nau nây jêng jê̆ lê̆ hĕ? Ay hŏ ƀư êng ma ay nơm mhĭk lơn tâm lĕ rngôch trong ay hăn.

Êsêkiêl 22:3

Lah hom ma păng: ‘Kôranh Brah Yêhôva lah: Du rplay ƀon ƀư pling mham gŭ ta nklang păng tât năng tâm nal; păng ƀư jêh lĕ rup brah gay ƀư nau ƀơ̆ ƀơch êng păng nơm!

Êsêkiêl 5:6

Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.

Êsêkiêl 5:7

Yor ri, Yêhôva Brah Ndu lah: ‘Yorlah khân may dăng ko lơn ma phung ntil mpôl gŭ jŭm khân may, mâu chuat ôh tĭng nau vay dăp Gâp, mâu lĕ ŭch djôt prăp nau vay ƀư bơh Gâp; rlau ma nĕ nau vay ƀư phung ntil mpôl bunuyh gŭ jŭm khân may, khân may ăt mâu dơi tĭng lĕ.’

Daniel 9:6

Hên mâu gŭ iăt ôh ma phung oh mon May jêng phung nơm mbơh lor, lĕ phung hŏ sŏk amoh May ngơi ma phung hađăch, ma phung kôranh, jêh ri ma phung chô yau hên ndrel ma lĕ rngôch phung ƀon lan tâm n'gor bri.

Ndrom Samƀŭt bơh Ôsê 5:11

Êphraim bu tŭn jot, Rchiăt hăch jêh bơh nau phat dôih; Yorlah păng hŏ tâm nal nchuăt tĭng nau ƀơ̆.

Luka 13:34

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng gay pôn lơi tâm dâng năr păng, ƀiălah khân may mâu ŭch ôh.

Yôhan 15:22

Lah Gâp mâu văch jêh ri mâu lah ôh ma khân păng, khân păng mâu geh nau tih ôh. Ƀiălah aƀaơ khân păng mâu dơi koh dŏng ma nau tih khân păng.

Yakơ 4:17

Pôri, mbu nơm gĭt nau ueh, ƀiălah păng mâu ƀư ôh, păng jêng tih yơh.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.

I Samuel 8:19

Ƀiălah phung ƀon lan dun mâu ŭch iăt ôh nau Y-Samuel, jêh ri khân păng lah: “Mâu ôh! ƀiălah hên ŭch geh du huê hađăch.