II Phung Hađăch 21:8 - Nau Brah Ndu Ngơi 2023

⁸ Tơlah phung Israel djôt prăp lĕ rngôch nau vay Gâp hŏ ntĭm nti, jêng lĕ nau vay, Y-Môis, oh mon Gâp, ntĭnh jêh ma khân păng, pôri Gâp mâu mra ăn phung Israel hăn nsong mblêng tă bơh n'gor Gâp hŏ ăn jêh ma phung chô yau khân păng.”

II Phung Hađăch 21:8 ပူးပေါင်းရင်းမြစ်များ

II Samuel 7:10

Gâp hŏ rơm ndrăp jêh ma phung ƀon lan Israel Gâp du ntŭk gŭ, Gâp mra tăm khân păng ta nây, jêh ri khân păng mra gŭ mro tâm n'gor păng nơm, mâu geh nau rŭng răng ôh; phung djơh mhĭk mâu mra hôm tŭn jot khân păng nâm bu nar kăl e,

I Nau Rêh Jêng 17:9

Gâp mra săch du ntŭk ma phung ƀon lan Israel Gâp, jêh ri tăm khân păng, gay ma khân păng dơi gŭ rêh ta nây, jêh ri khân păng mâu geh nau rŭng răng ôh. Phung djơh mhĭk mâu mra hôm tŭn jot đŏng ôh khân păng nâm bu rnôk saơm,

II Nau Rêh Jêng 33:8

Tơlah phung Israel mât mray ƀư tĭng lĕ rngôch nau vay dăp jêh ri nau vay ƀư, Gâp hŏ dŏng jêh Y-Môis ntĭm nti khân păng, pôri Gâp mâu mra ăn ma mpang jâng phung Israel luh du tă bơh n'gor Gâp hŏ ăn jêh ma phung chô yau khân păng.”

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Êsai 1:19

Tơlah khân may ŭch jêh ri tông bâr, Khân may mra dơi sa play kao ueh lơn tâm bri.

Yêrêmi 7:23

Ƀiălah aơ jêng nau ntăm Gâp hŏ mbơh ăn khân păng: ‘Iăt hom nau Gâp pôri Gâp mra ƀư Brah Ndu khân may jêh ri khân may mra ƀư phung ƀon lan Gâp. Nhuat tĭng hom lĕ trong Gâp nti, ma khân may, gay khân may geh nau ueh maak.’