II Phung Hađăch 21:4 - Nau Brah Ndu Ngơi 2023

⁴ Păng ndâk lĕ nơng ƀư brah tâm ngih Brah Yêhôva, jêng ntŭk Brah Yêhôva lah jêh pô aơ: “Tâm ƀon Yêrusalem, Gâp mra dơm amoh Gâp ta nây.”

II Phung Hađăch 21:4 ပူးပေါင်းရင်းမြစ်များ

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

I Phung Hađăch 8:29

Dăn măt Kôranh Brah nar jêh ri măng uănh treng ngih aơ, jêng ntŭk Kôranh Brah hŏ lah pô aơ: ‘Amoh Gâp gŭ ta nây,’ gay tăng nau mbơh sơm oh mon May rle mpeh ntŭk aơ.

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

II Phung Hađăch 23:12

Hađăch Jôsia ƀư rai lơi lĕ nơng ƀư brah phung hađăch Yuđa hŏ ƀư jêh ta klơ chor bôk phok jrô prêh klơ ma Y-Ahas. Bi lĕ nơng ƀư brah Y-Manasê ƀư jêh tâm bar nkual ngih Brah Yêhôva, păng ƀư rai lơi, mbang nchah lơi hăch rhên jêh ri mƀăr ndơ chah hăch môi nây tâm n'hor dak Kidrôn.

II Phung Hađăch 23:27

Brah Yêhôva lah: “Gâp mra mprơh du phung Yuđa tă bơh tanăp măt Gâp, nâm bu Gâp mprơh jêh phung Israel. Gâp mra chalơi ƀon Yêrusalem, ƀon Gâp hŏ săch jêh, tâm ban đŏng ngih brah Gâp lah ma păng pô aơ: ‘Amoh Gâp mra gŭ ta nây.’”

II Nau Rêh Jêng 6:5

Ntơm bơh nar Gâp njŭn leo phung ƀon lan Gâp ngluh bơh n'gor bri Êjipt, Gâp ê hŏ săch ôh du rplay ƀon tâm phung ndŭl mpôl Israel gay ndâk du mlâm ngih brah ma amoh Gâp gŭ ta nây, jêh ri Gâp ăt mâu hŏ săch lĕ du huê bunuyh jêng kôranh chiă uănh phung ƀon lan Israel Gâp.

II Nau Rêh Jêng 6:6

Ƀiălah Gâp hŏ săch jêh Yêrusalem gay dơm amoh Gâp ta nây, jêh ri Gâp hŏ săch jêh Y-Đavit gay chiă uănh phung ƀon lan Israel Gâp.

Nau Ngluh Êjipt 20:24

Ăn may ndâk ma Gâp nơng ƀư brah ma neh jêh ri ta klơ nây nhhơr ndơ ƀư brah gŭch, ndơ ƀư brah ma nau đăp mpăn, mâu lah biăp mâu lah ndrôk khân may. Ta ăp ntŭk Gâp mpơl amoh Gâp gay kah gĭt, Gâp mra văch jêh ri ăn nau ueh uĭn ma may.

Yêrêmi 32:31

Ntơm bơh nar bu dơi ndâk kŏ tât nar aơ, ƀon aơ hŏ ƀư ma Gâp ji nuih jêh ri nuih hâu ngăn. Gâp ŭch mƀăr lơi păng bơh măt Gâp

Yêrêmi 32:34

Khân păng hŏ dơm jêh lĕ ndơ ƀơ̆ ƀơch tâm trôm ngih dơi ntơ ma Amoh Gâp, gay ƀư ƀơ̆.

Yêrêmi 32:35

Khân păng hŏ ndâk jêh lĕ ntŭk prêh klơ ăn ma brah Baal tâm rlŭng Ben-Hinôm, gay nhhơr phung kon bu klâu phung kon bu ur khân păng nơm ăn ma brah Môlek. Nây jêng nau Gâp mâu geh ntĭm nti, mâu mâp lĕ mĭn ma nau nây khân păng dơi ƀư nau tâm rmot aơ tâm ban pônây gay ăn phung Yuđa ƀư tih.

Yêrêmi 7:30

Brah Yêhôva lah: “Phung kon ƀon lan Yuđa hŏ ƀư nau mhĭk tâm dâng măt Gâp. Khân păng dơm lĕ ndơ ƀơ̆ ƀơch tâm ngih dơi ntơ ma amoh Gâp, gay ƀư ăn păng ƀơ̆ ƀơch.

Êsêkiêl 23:38

Khân păng ăt hôm ƀư nau aơ đŏng: Ndrel tâm du nar khân păng hŏ ƀư ƀơ̆ jêh ntŭk kloh ueh Gâp jêh ri ƀư tih lĕ rngôch nar saƀat Gâp!

Êsêkiêl 23:39

Jêh khân păng nkhĭt lơi kon păng nơm nhhơr ma rup brah, tâm nar nây, khân păng lăp tâm ntŭk kloh ueh Gâp gay ƀư ƀơ̆ ƀơch ntŭk nây! Nây jêng nau khân păng ƀư ta nklang ngih Gâp!

Nau Vay Nkah Tay 12:5

Ƀiălah ăn khân may joi ntŭk Yêhôva Brah Ndu mra săch tă bơh ta nklang lĕ rngôch ndŭl mpôl khân may gay dơm amoh Păng, jêng ntŭk Păng gŭ jêh ri jêng ntŭk khân may mra hăn tât.