II Phung Hađăch 21:3 - Nau Brah Ndu Ngơi 2023

³ Păng ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma Baal, ndâk rup brah Asêrah nâm bu Y-Ahap, hađăch Israel, ƀư jêh. Păng chon mbah jêh ri yơk mbah ma lĕ rngôch mănh mbing.

II Phung Hađăch 21:3 ပူးပေါင်းရင်းမြစ်များ

I Phung Hađăch 18:21

Y-Êli văch tât lor panăp phung ƀon lan jêh ri lah: “Khân may tâm nchrĭng hăn bar mbor kŏ tât ndah jŏ? Tơlah Brah Yêhôva jêng Brah Ndu, tĭng ndô̆ hom Păng; bi tơlah Baal jêng Brah Ndu, tĭng ndô̆ hom păng rĭ.” Ƀiălah phung ƀon lan mâu ngơi.

I Phung Hađăch 18:26

Khân păng sŏk ndrôk nkuăng bu ăn ma khân păng jêh ri sreh. Jêh nây ntơm bơh ơm ôi tât nklang bôk nar, khân păng kuăl amoh brah Baal pô aơ: “Hơi brah Baal! Dăn plơ̆ lah ma hên.” Ƀiălah mâu geh bâr ngơi ôh, mâu đŏng geh nau plơ̆ lah. Khân păng pâl ntalơ̆ văr jŭm nơng ƀư brah khân păng hŏ ndâk jêh.

II Phung Hađăch 13:6

Ƀiălah, khân păng mâu chalơi ôh nau tih ngih Y-Jêrôbôam, jêng nau nsŭk phung Israel ƀư tih; khân păng ăt ƀư nau tih nây, kŏ tât n'gâng mbah brah bu ur Asêrah ăt gŭ tâm Samari.

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

II Phung Hađăch 18:22

Klăp lah khân may mra lah ma gâp pô aơ: ‘Hên rnơm nsing ma Yêhôva Brah Ndu hên. Mâu hĕ di Y-Hêsêkia nơm ƀư rai jêh lĕ ntŭk prêh jêh ri nơng ƀư brah klơ ta nây, jêh nây ntăm ma phung Yuđa jêh ri ma ƀon Yêrusalem yơk mbah panăp nơng ƀư brah ta Yêrusalem hĕ?’

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

II Phung Hađăch 8:18

Păng hăn tĭng ndô̆ trong phung hađăch Israel, nâm bu ngih Y-Ahap hŏ ƀư jêh; yorlah păng sŏk kon bu ur Y-Ahap jêng ur păng. Păng ƀư nau mhĭk tanăp măt Brah Yêhôva.

II Phung Hađăch 8:27

Păng ăt hăn tĭng trong ndô̆ ngih Y-Ahap, ƀư nau mhĭk tanăp măt Brah Yêhôva, nâm bu ngih Y-Ahap hŏ ƀư jêh. Yorlah păng jêng klay ma ngih Y-Ahap.

II Nau Rêh Jêng 32:12

Mâu hĕ di Y-Hêsêkia aơ yơh lĕ sŏk mƀăr lơi jêh ta lĕ ntŭk prêh jêh ri nơng ƀư brah ma Păng jêh nây ntĭnh phung ƀon lan Yuđa jêh ri Yêrusalem pô aơ: ‘Khân may knŏng yơk mbah panăp du mlâm nơng jêh ri knŏng su ndơ ƀâu kah ta klơ nơng nây dơm ƀơh’?

II Nau Rêh Jêng 34:3

Năm rơh pham rô̆ păng chiă uănh, dôl păng hôm mom, păng ntơm joi Brah Ndu Y-Đavit, che păng. Tâm năm rơh jât ma bar, păng ntơm ƀư kloh n'gor Yuđa jêh ri ƀon Yêrusalem, mƀăr lơi lĕ ntŭk prêh, rup brah Asêrim, rup brah trah jêh ri rup tŏ chiăr.

Ndrom Samƀŭt bơh Yôp 31:26

Tơlah gâp treng uănh nar nchrat ang, Uănh khay luh mpơl nchrang lơ vơ.

Êsai 65:11

Bi ma khân may, jêng phung chalơi jêh Brah Yêhôva Jêh ri chuêl yôk kloh ueh Gâp; Jêng phung nkra sưng sông sa ma brah Ƀŭn Lap, Jêh ri kêt bêng ndrănh tâm lŭk ăn ma brah Veh;

Yêrêmi 7:30

Brah Yêhôva lah: “Phung kon ƀon lan Yuđa hŏ ƀư nau mhĭk tâm dâng măt Gâp. Khân păng dơm lĕ ndơ ƀơ̆ ƀơch tâm ngih dơi ntơ ma amoh Gâp, gay ƀư ăn păng ƀơ̆ ƀơch.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Nau Vay Nkah Tay 16:21

“Khân may mâu dơi ôh ndâk n'gâng ƀư ma si gay mbah rup brah Asêrah ta meng nơng ƀư brah khân may mra ndâk ma Yêhôva Brah Ndu khân may.

Nau Vay Nkah Tay 17:2

Tơlah tâm nklang khân may ta du ntŭk tâm ƀon Yêhôva Brah Ndu khân may ăn jêh ma khân may, geh du huê bu klâu mâu lah du huê bu ur ƀư nau mhĭk tanăp măt Brah Ndu, ƀư tih rlau nau Păng tâm rnglăp,

Nau Vay Nkah Tay 17:3

hăn pah kan jêh ri yơk mbah ma phung brah êng, mâu lah mbah ma nar, ma khay mâu lah lĕ rngôch mănh mbing, jêng nau gâp mâu ntĭnh ôh,

Nau Vay Nkah Tay 20:18

Pônây khân păng mâu mra nti khân may ƀư kơt lĕ nau ƀơ̆ ƀơch khân păng hŏ ƀư jêh gay pah kan ma phung brah khân păng, gay leo khân may ƀư tih đah Yêhôva Brah Ndu khân may.

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.