II Phung Hađăch 21:26 - Nau Brah Ndu Ngơi 2023

²⁶ Bu tâp Y-Amôn tâm môch păng nơm tâm n'gar kao Y-Usa. Jêh nây kon păng jêng Y-Jôsia chiă uănh thoi ntrok păng.

II Phung Hađăch 21:26 ပူးပေါင်းရင်းမြစ်များ

I Phung Hađăch 13:5

Nơng ƀư brah đang jêh ri buh ta klơ nơng ƀư brah hŭk, di nâm nau mbên khlay bunuyh Brah Ndu hŏ tông bâr nau ntăm Brah Yêhôva ngơi jêh.

II Phung Hađăch 21:18

Y-Manasê khĭt hăn gŭ ndrel ma phung chô yau păng jêh ri bu tâp păng tâm n'gar kao ngih păng nơm, tâm n'gar kao Y-Usa. Kon păng jêng Y-Amôn chiă uănh ntrok păng.

II Phung Hađăch 21:25

Mâu di hĕ lĕ kan êng Y-Amôn, lĕ nau kan păng ƀư jêh bu hŏ nchih da dê tâm ndrom samƀŭt nau rêh jêng ma phung hađăch Yuđa?

II Phung Hađăch 22:1

Y-Jôsia gŭ ta sưng hađăch tơlah geh pham năm, jêh ri chiă uănh pe jât ma nguay năm ta ƀon Yêrusalem. Amoh mê̆ păng jêng H'Jêdida, kon bu ur Y-Adaya, sau Y-Bôskat.

I Nau Rêh Jêng 3:14

kon Y-Manasê jêng Y-Amôn, kon Y-Amôn jêng Y-Jôsia.

Sôphôni 1:1

Tâm rnôk Y-Jôsia, kon bu klâu Y-Amôn, hađăch n'gor Yuđa, geh nau Brah Yêhôva lah ma Y-Sêphania, kon bu klâu Y-Kusi, sau Y-Gêdalia, se Y-Amaria săn Y-Hêsêkia.

Mathay 1:10

Y-Hêsêkia jêng mbơ̆ Y-Manasê. Y-Manasê jêng mbơ̆ Y-Amôn; Y-Amôn jêng mbơ̆ Y-Jôsia;