II Phung Hađăch 21:23 - Nau Brah Ndu Ngơi 2023

²³ Phung oh mon Y-Amôn tâm rdâng đah păng jêh ri nkhĭt păng tâm ngih hađăch păng nơm.

II Phung Hađăch 21:23 ပူးပေါင်းရင်းမြစ်များ

I Phung Hađăch 15:27

Y-Baêsa, kon bu klâu Y-Ahija, jêng noi deh Isakar, tâm chră nau tâm rdâng ma hađăch. Tâm dôl Y-Nadap jêh ri lĕ rngôch phung Israel nchueng jêh Gibêthôn, jêng phung Philistin, pôri Y-Baêsa nkhĭt lơi hađăch ta nây.

I Phung Hađăch 16:9

Ƀiălah Y-Simri, oh mon Y-Êla, jêng kôranh chiă uănh toyh du n'gul lĕ rngôch ndeh seh, tâm chră tâm rdâng đah hađăch. Tâm dôl Y-Êla nhêt ndrănh jêh ri nhŭl tâm ngih Y-Arsa, nơm jêng kôranh chiă uănh ngih hađăch ta ƀon Tirsa,

II Phung Hađăch 12:20

Bar hê phung oh mon Y-Jôas dâk jêh ri nchră ŭch tâm rdâng đah Y-Jôas jêh ri nkhĭt păng tâm ngih Milô, ta trong hăn trŭnh Sila.

II Phung Hađăch 14:19

Ta ƀon Yêrusalem, bu tâm nchră tâm rdâng đah hađăch, pôri păng nchuăt du tât ma Lakis. Ƀiălah khân păng prơh bunuyh hăn tĭng hađăch tât ta ƀon Lakis jêh ri nkhĭt hađăch ta nây.

II Phung Hađăch 15:25

Du huê kôranh chiă uănh ma phung tahan Y-Peka, kon Y-Rêmalia, nchră nau tâm rdâng đah păng jêh ri lơh nkhĭt păng tâm ƀon Samari, tâm pôih nâp ngih hađăch, nkhĭt lĕ Y-Argôp jêh ri Y-Ariêh. Y-Pêka djôt leo ndrel prăm jât bunuyh Gilêat, păng nkhĭt Y-Pekahia jêh ri pit sŏk sưng hađăch.

II Phung Hađăch 15:30

Nôk nây, kon Y-Êla jêng Y-Hôsêa nchră nau tâm rdâng đah hađăch Pêka, kon Y-Rêmalia, jêh ri dong nkhĭt hađăch, jêh nây pit sŏk sưng hađăch, di tâm năm rơh bar jât rnôk rô̆ hađăch Jôtham, kon Y-Usia chiă uănh.

II Phung Hađăch 9:27

Tơlah Y-Ahasia, hađăch Yuđa, saơ nau nây, păng nchuăt du rlet ma mpeh ƀon Bet-Hagan. Ƀiălah Y-Jêhu hăn tĭng jêh ri ntăm: “Lơh nkhĭt hom păng dôl gŭ ta klơ ndeh seh, ta sop Gur, dăch ƀon Iblêam!” Y-Ahasia sôt jêh ri nchuăt du tât ta Mêgidô, jêh ri khĭt ta nây.