II Phung Hađăch 21:2 - Nau Brah Ndu Ngơi 2023

² Păng ƀư nau mhĭk tanăp măt Brah Yêhôva, jêh ri tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Phung Hađăch 21:2 ပူးပေါင်းရင်းမြစ်များ

II Phung Hađăch 17:2

Hađăch ƀư nau mhĭk tanăp măt Brah Yêhôva, ƀiălah păng mâu ban ôh ma phung hađăch Israel alor ri.

II Phung Hađăch 21:11

“Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

II Phung Hađăch 21:20

Păng ƀư nau mhĭk tanăp măt Brah Yêhôva, nâm bu Y-Manasê, mbơ̆ păng ƀư jêh.

II Phung Hađăch 21:21

Tâm lĕ nau, păng hăn tĭng lĕ trong mbơ̆ păng hăn jêh, mbah ma phung rup brah mbơ̆ păng hŏ mbah jêh ri chon mbah tanăp măt khân păng.

II Phung Hađăch 21:7

Bi ma rup brah Asêrah păng hŏ ƀư, pôri păng ndâk tâm trôm ngih Brah Yêhôva lah jêh ma Y-Đavit jêh ri Y-Salômôn, kon bu klâu păng, pô aơ: “Tâm ngih aơ jêh ri ta ƀon Yêrusalem, ntŭk Gâp lĕ săch jêh tâm lĕ rngôch ndŭl mpôl phung Israel, jêng ntŭk Gâp mra dơm amoh Gâp gŭ n'ho ro.

II Phung Hađăch 22:17

Yorlah Phung ƀon lan aơ hŏ chalơi jêh Gâp, gŭch ndơ ƀâu kah ăn ma phung brah êng jêh ri nsônh nau Gâp ji nuih ma lĕ rngôch kan ti khân păng ƀư, pôri Gâp hao ji nuih hâu ngăn nđâp ma ntŭk aơ, mâu rngơt ôh.’

II Phung Hađăch 23:32

Păng ƀư nau mhĭk tanăp măt Brah Yêhôva tâm ban ma phung chô yau păng hŏ ƀư jêh.

II Phung Hađăch 24:9

Păng ƀư nau mhĭk tanăp măt Brah Yêhôva tâm ban ma lĕ rngôch nau mbơ̆ păng hŏ ƀư jêh.

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Nơm Nti 9:18

Nau blau mĭn ueh lơn ma lĕ rngôch moh ndô ndơ tâm lơh, Ƀiălah du huê bunuyh tih ƀư rai lơi âk ntil kan ueh.

Êsai 66:4

Gâp mra săch lĕ nau ƀư rêh ni ma khân păng, Mra ăn tât ma khân păng nau klach kir. Yorlah Gâp kuăl jêh ƀiălah mâu geh nơm plơ̆ lah ôh, Gâp ngơi jêh ƀiălah khân păng mâu iăt ôh; Khân păng ƀư jêh nau mhĭk tâm dâng măt Gâp, Jêh ri săch nau Gâp mâu maak.”

Yêrêmi 15:4

Gâp mra njêng khân păng jêng nau klach krit ăn ăp bri hađăch ta neh ntu yorlah lĕ ndơ Manasê, kon bu klâu Y-Hêsêkia, hađăch Yuđa, hŏ ƀư ntŭk ƀon Yêrusalem.

Êsêkiêl 11:12

Rnôk nây, khân may mra gĭt Gâp jêng Brah Yêhôva, yorlah khân may mâu chuat tĭng ndô̆ ôh nau vay Gâp dăp, mâu lĕ ŭch tông ma nau vay ƀư bơh Gâp, ƀiălah ƀư tĭng nkhơng nau vay phung mpôl băl bunuyh gŭ jŭm khân may.’”

Êsêkiêl 16:51

Ƀon Samari mâu mâp ƀư du n'gul nau tih ay ƀư jêh. Ay ƀư jêh nau ƀơ̆ ƀơch âk lơn ma păng, jêh ri tâm rđĭl nau mhĭk ay đah oh nur ay jêng sŏng srăng lơn ma ay.

Êsêkiêl 22:3

Lah hom ma păng: ‘Kôranh Brah Yêhôva lah: Du rplay ƀon ƀư pling mham gŭ ta nklang păng tât năng tâm nal; păng ƀư jêh lĕ rup brah gay ƀư nau ƀơ̆ ƀơch êng păng nơm!

Nau Vay Nkah Tay 12:31

Khân may mâu dơi ƀư ôh kơt nĕ ma Yêhôva Brah Ndu yorlah Brah Yêhôva tâm rmot lĕ kan ƀơ̆ ƀơch khân păng hŏ ƀư jêh ma phung brah khân păng. Khân păng gŭch nđâp phung kon bu klâu jêh ri phung kon bu ur khân păng tâm ŭnh gay ƀư brah ma phung brah khân păng.