II Phung Hađăch 21:13 - Nau Brah Ndu Ngơi 2023

¹³ Gâp mra nthăng ta klơ Yêrusalem rse veh ƀon Samari jêh ri rse yông ndơ jâk ngih Y-Ahap. Gâp mra pih kloh ƀon Yêrusalem tâm ban bu jut du mlâm ngan pala, jêh nây kŭp tâm dâng, klơ jêh rao kŭp lơi păng.

II Phung Hađăch 21:13 ပူးပေါင်းရင်းမြစ်များ

I Phung Hađăch 14:10

Yor ri, Gâp mra ăn tât nau mhĭk ma ngih Y-Jêrôbôam: Gâp mra ƀư rai lĕ rngôch bunuyh bu klâu bơh ngih nây, mâu chrê phung dĭk mâu lah bunuyh kon me tâm phung Israel, jêh ri pih kloh ngih Y-Jêrôbôam nâm bu pih kloh lĕ ek, kŏ tât mâu hôm klen tay du ntil ndơ ôh.

II Phung Hađăch 10:11

Pônây, Y-Jêhu nkhĭt lĕ rngôch phung hôm e tâm ngih Y-Ahap ta Jesrêel, lĕ rngôch bunuyh lư n'găr, phung mĭt jiăng jêh ri phung kôranh ƀư brah păng, kŏ tât mâu hôm geh du huê hôm klen.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 21:14

Gâp mra chalơi kô̆ drăp ndơn Gâp hôm e klen, jao khân păng tâm ti phung rlăng. Khân păng mra jêng ndơ pit in jêh ri jêng ndơ sa ma lĕ rngôch phung rlăng,

II Phung Hađăch 23:27

Brah Yêhôva lah: “Gâp mra mprơh du phung Yuđa tă bơh tanăp măt Gâp, nâm bu Gâp mprơh jêh phung Israel. Gâp mra chalơi ƀon Yêrusalem, ƀon Gâp hŏ săch jêh, tâm ban đŏng ngih brah Gâp lah ma păng pô aơ: ‘Amoh Gâp mra gŭ ta nây.’”

II Phung Hađăch 9:8

Lĕ ngih Y-Ahap mra rai lôch. Gâp mra ƀư rai lĕ rngôch phung bu klâu bơh ngih Y-Ahap, mâu chrê dĭk bu mâu lah kon me tâm n'gor Israel.

Êsai 10:22

Hơi Israel, nđâp lah phung ƀon lan may mra jêng âk tâm ban ma choih tâm dak mƀŭt, knŏng du kô̆ hôm e klen mra plơ̆ sĭt. Bu tâm nal jêh nau ƀư rai, nau di mra ăp ntŭk.

Êsai 14:23

“Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 28:17

Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 34:11

Ƀiălah klang grât jêh ri blŏ mra sŏk ntŭk nây, Klang kô jêh ri nđak mra gŭ ta nây. Brah Ndu mra nthăng rse veh ƀư rai bri nây, Jêh ri rse yông ndơ jâk mâu glo ta khân păng.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Nau Nhĭm Vơl 2:8

Brah Yêhôva hŏ lĕ dăp nal ƀư rai jêh Mpêr ƀon kon druh Siôn; Păng hŏ nthăng jêh rse veh, Nkhĭt mâu rlu ôh ti Păng ƀư ăn ma mpêr jêh pôih rngot klâng, Nsum ndrel tâm nau rgănh huăr rai lĕ.

Êsêkiêl 7:5

Yêhôva Brah Ndu lah: ‘Nau mhĭk tât, dôl du nau mhĭk krit toyh tât!

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.