II Phung Hađăch 21:11 - Nau Brah Ndu Ngơi 2023

¹¹ “Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

II Phung Hađăch 21:11 ပူးပေါင်းရင်းမြစ်များ

Nau Ntơm 15:16

Tât rô̆ tal puăn, phung kon sau may mra plơ̆ sĭt ta aơ, yorlah nau djơh mhĭk phung Amôrit ê hŏ nă rĭng.”

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

I Phung Hađăch 15:30

yor nau tih Y-Jêrôbôam hŏ ƀư tih, ƀư tih đŏng ma phung Israel jêh ri nsônh nau ji nuih Yêhôva Brah Ndu phung Israel.

I Phung Hađăch 16:19

Nây jêng yor lĕ nau tih Y-Simri hŏ ƀư tih, ƀư nau mhĭk tanăp măt Brah Yêhôva, hăn tĭng ndô̆ trong Y-Jêrôbôam, jêh ri hŏ ƀư tih jêh tâm ban ma Y-Jêrôbôam hŏ ƀư tih, jêng nau leo ma phung Israel ƀư tih.

I Phung Hađăch 21:26

Hađăch ƀư jêh nau mưch rmot ngăn jêng mbah lĕ rup brah nâm bu phung Amôrit hŏ ƀư, jêng phung ƀon lan Brah Yêhôva mprơh jêh bơh panăp phung ƀon lan Israel.

II Phung Hađăch 16:3

Ƀiălah hađăch hăn tĭng trong phung hađăch Israel, kŏ tât su kon bu klâu păng tâm ŭnh jêng ndơ ƀư brah, tĭng nâm nau vay ƀơ̆ ƀơch phung ƀon lan Brah Yêhôva hŏ mprơh du jêh tă bơh phung ƀon lan Israel.

II Phung Hađăch 21:10

Brah Yêhôva hŏ dŏng nơm mbơh lor, jêng phung oh mon Păng lah pô aơ:

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

II Phung Hađăch 21:2

Păng ƀư nau mhĭk tanăp măt Brah Yêhôva, jêh ri tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Phung Hađăch 21:20

Păng ƀư nau mhĭk tanăp măt Brah Yêhôva, nâm bu Y-Manasê, mbơ̆ păng ƀư jêh.

II Phung Hađăch 21:21

Tâm lĕ nau, păng hăn tĭng lĕ trong mbơ̆ păng hăn jêh, mbah ma phung rup brah mbơ̆ păng hŏ mbah jêh ri chon mbah tanăp măt khân păng.

II Phung Hađăch 21:9

Ƀiălah khân păng mâu tông bâr ôh; Y-Manasê nsŭk nsôr khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

II Phung Hađăch 23:24

Rlau ma nây, Y-Jôsia mprơh du lĕ rngôch phung gru rƀên jêh ri phung n'hŭm, lĕ rup brah jê̆ tâm ngih jêh ri lĕ rup brah êng, nđâp lĕ rngôch ndơ dŭt ƀơ̆ ƀơch bu saơ tâm n'gor Yuđa jêh ri tâm ƀon Yêrusalem. Hađăch ƀư lĕ nau nây gay ƀư tĭng kơt lĕ nau ngơi tâm nau vay hŏ nchih jêh tâm ndrom samƀŭt, kôranh ƀư brah Y-Hilkia joi saơ tâm ngih Brah Yêhôva.

I Nau Rêh Jêng 1:14

jêh ri phung Jêbusit, phung Amôrit, phung Girgasit,

Yêrêmi 15:4

Gâp mra njêng khân păng jêng nau klach krit ăn ăp bri hađăch ta neh ntu yorlah lĕ ndơ Manasê, kon bu klâu Y-Hêsêkia, hađăch Yuđa, hŏ ƀư ntŭk ƀon Yêrusalem.

Êsêkiêl 16:3

May lah hom: ‘Kôranh Brah Yêhôva lah ma ƀon Yêrusalem: Ntŭk ntơm saơm jêh ri nau deh ay jêng ta n'gor Kanaan; mbơ̆ ay jêng du huê bunuyh Amôrit, mê̆ ay jêng bunuyh Hitit.

Êsêkiêl 16:45

Ay jêng kon bu ur ma mê̆ ay, mê̆ ay tâm rmot ma kon ma sai; ay ăt tâm ban ma phung nur ay, jêng phung tâm rmot ma kon ma sai. Mê̆ ay jêng du huê bu ur Hitit jêh ri mbơ̆ ay jêng du huê bu klâu Amôrit.

Êsêkiêl 18:12

tŭn jot phung o ach mâu geh ndô ndơ, ntŭng ndơ bu, mâu mplơ̆ ôh ndơ nchăm ăn ma nơm geh rnon, kâp gân ma phung rup brah jêh ri ƀư ma nau ƀơ̆ ƀơch,

Êsêkiêl 5:6

Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.