II Phung Hađăch 20:5 - Nau Brah Ndu Ngơi 2023

⁵ “Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

II Phung Hađăch 20:5 ပူးပေါင်းရင်းမြစ်များ

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

I Phung Hađăch 9:3

Brah Yêhôva lah ma păng pô aơ: “Gâp hŏ tăng jêh nau mbơh sơm jêh ri nau may ŭch dăn tanăp măt Gâp. Gâp prăp êng jêh ngih kloh ueh brah may hŏ ndâk, jêh ri dơm amoh Gâp ta nây n'ho ro. Măt jêh ri nuih n'hâm Gâp mra gŭ ta nây mro mrăng.

II Phung Hađăch 19:20

Y-Êsai, kon bu klâu Y-Amôt, njuăl bunuyh hăn tât ngơi ma hađăch Hêsêkia pô aơ: “Yêhôva Brah Ndu Israel lah: Gâp tăng jêh nau may mbơh sơm yor nau Y-Sênakêrip, hađăch Asiri.

II Phung Hađăch 20:4

Y-Êsai ê hŏ luh ôh bơh nkual ngih ta nklang ngih hađăch, geh nau Brah Yêhôva ngơi ma păng:

II Phung Hađăch 22:19

‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

II Nau Rêh Jêng 13:12

Aơ, Brah Ndu gŭ ndrel ma hên jêh ri chiă uănh ma hên. Phung kôranh ƀư brah Păng djôt nŭng ntrŭt tahan uh huy tâm rdâng đah khân may. Ơ phung Israel! Lơi ta tâm rdâng ôh đah Yêhôva Brah Ndu phung chô yau khân may, yorlah khân may mâu mra dơi ôh!”

II Nau Rêh Jêng 34:3

Năm rơh pham rô̆ păng chiă uănh, dôl păng hôm mom, păng ntơm joi Brah Ndu Y-Đavit, che păng. Tâm năm rơh jât ma bar, păng ntơm ƀư kloh n'gor Yuđa jêh ri ƀon Yêrusalem, mƀăr lơi lĕ ntŭk prêh, rup brah Asêrim, rup brah trah jêh ri rup tŏ chiăr.

Nau Mprơ Ơm 107:20

Păng ăn nau Păng ngơi jêh ri ƀư bah khân păng, Tâm rklaih khân păng bơh môch.

Nau Mprơ Ơm 119:26

Gâp mbơh jêh trong gâp ma May, jêh ri May lŏ plơ̆ lah jêh ma gâp; Sâm nti an nau vay dăp May ma gâp.

Nau Mprơ Ơm 126:5

Mbu nơm srih ntil ma dak măt Mra rek tâm nau răm maak.

Nau Mprơ Ơm 147:3

Păng ƀư bah phung geh nuih n'hâm nchah rai Jêh ri put n'grêp ntŭk sôt khân păng.

Nau Mprơ Ơm 34:18

Brah Yêhôva gŭ dăch đah phung bunuyh geh nuih n'hâm hŏt rgănh Jêh ri tâm rklaih phung geh nuih n'hâm rngot ma nau tih.

Nau Mprơ Ơm 39:12

Ơ Brah Yêhôva! iăt hom nau gâp mbơh sơm, Rkêng tôr iăt nau gâp kuăl; Lơi gŭ rklăk tanăp dak măt gâp Yorlah gâp jêng bu năch tâm ngih May, Phung bu năch hăn nsong ƀât lât nâm bu lĕ chô yau gâp.

Nau Mprơ Ơm 56:8

May kơp ăp nhuat gâp hăn nsong: Dăn May dơ dak măt gâp tâm kachok May. Dak măt gâp mâu dơi nchih tâm ndrom samƀŭt May hĕ?

Nau Mprơ Ơm 56:9

Tâm nar gâp kuăl dăn, Phung rlăng đah gâp mra rŭch du; Gâp gĭt nau nây yor Brah Ndu koh dŏng gâp.

Nau Mprơ Ơm 6:10

Lĕ phung rlăng đah gâp mra bêk prêng jêh ri klach krit; Khân păng plơ̆ rŭch ndal, nau đit ƀât lât.

Nau Mprơ Ơm 65:2

Ơ Kôranh Brah jêng Nơm gŭ iăt nau mbơh sơm! Lĕ rngôch nglay săk mra văch ta May da dê.

Nau Mprơ Ơm 65:3

Nđâp tơlah nau djơh mhĭk dơi lơn ma gâp, Ƀiălah May yô̆ an nau tih hên.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 3:9

Aơ, nau phung Israel nter lŭng hŏ hao tât ta Gâp; Gâp hŏ saơ nau phung Êjipt tŭn jot khân păng.

Êsai 19:22

Brah Yêhôva mra dong bri Êjipt; jêh dong ƀư bah tay khân păng đŏng. Khân păng mra sĭt ma Brah Yêhôva. Păng mra iăt nau khân păng mbơh sơm jêh ri ƀư bah khân păng.

Êsai 38:22

Y-Hêsêkia ôp: “Geh nau tâm mbên gay ăn ma gâp gĭt lĕ, gâp hôm dơi hao ta ngih Brah Yêhôva?”

Êsai 38:5

“Plơ̆ tay hom lah ma Y-Hêsêkia, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ dak măt may. Aơ, Gâp mra ntop jât ma prăm năm ma may gŭ rêh.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Mathay 22:32

‘Gâp jêng Brah Ndu Y-Abraham, Brah Ndu Y-Isăk, Brah Ndu Y-Yakôp’? Păng mâu di jêng Brah Ndu bunuyh khĭt ôh, ƀiălah Brah Ndu bunuyh rêh.”

Luka 1:13

Ƀiălah tông mpăr đă ma păng: “Aơ, hơi Y-Sakari, lơi klach ôh! Yorlah Brah Ndu hŏ tăng jêh nau may mbơh sơm. H'Êlisabet, ur may, mra deh du huê kon bu klâu; may mra tâm amoh păng Y-Yôhan.

Luka 18:10

“Bar hê bunuyh hăn ta ngih brah mbơh sơm: du huê bunuyh Pharisi jêh ri du huê bunuyh riu pi.

Yôhan 5:14

Pakơi nây, Brah Yêsu mâp bunuyh nây tâm ngih Brah, jêh ri lah ma păng: “Aơ, may hŏ bah ji jêh, lơi hôm may ƀư tih ôh, klach lah geh nau mhĭk lơ hô rlau lơn tât ma may.”

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

ហេឞ្រើ 2:10

Yorlah lĕ rngôch ndơ tâm mpơl jêng bơh Brah Ndu jêh ri yor ma Brah Ndu, tơlah Păng ŭch njŭn leo âk kon sau tât ma nau chrêk rmah, Păng ƀư ăn Nơm jêng tơm nau yô̆ tâm rklaih khân păng tâm nau rêh ni gay ma dơn nau ueh rah vah ngăn jêng nau tâm di.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 9:16

“Ôi taơ, di ta mông aơ, Gâp mra prơh du huê bunuyh gŭ ta n'gor Benjamin tât ma may jêh ri may mra mhĭng dak ƀâu kah ma păng gay păng jêng kôranh chiă uănh phung ƀon lan Israel Gâp. Păng mra tâm rklaih phung ƀon lan Gâp tă bơh ti phung Philistin, yorlah Gâp uănh treng jêh phung ƀon lan Gâp, yorlah nau khân păng nter vơl tât jêh ma Gâp.”