II Phung Hađăch 20:3 - Nau Brah Ndu Ngơi 2023

³ “Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

II Phung Hađăch 20:3 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 5:22

Jêh deh Y-Mêtusêla, Y-Ênŏk hăn ndrel ma Brah Ndu tâm pe rhiăng năm, deh kon bu klâu kon bu ur.

Nau Ntơm 5:24

Y-Ênŏk hăn ndrel Brah Ndu, jêh nây roh klăk, yorlah Brah Ndu vơt chông păng.

Nau Ntơm 8:1

Brah Ndu kah gĭt ma Y-Nôê nđâp ma lĕ rngôch mpa bri jêh ri mpô mpa rong gŭ ndrel ma păng tâm kumpăn, yor ri Păng ƀư ăn geh sial khôm klơ neh jêh ri dak hŭch.

I Phung Hađăch 11:4

Di ngăn, tơlah Y-Salômôn ranh jêh, phung ur hađăch nsŭk nuih n'hâm hađăch hăn tĭng phung brah êng. Nuih n'hâm hađăch mâu hôm răp jăp ôh đah Yêhôva Brah Ndu păng nơm nâm bu Y-Đavit, mbơ̆ hađăch,

I Phung Hađăch 15:14

Ƀiălah păng mâu ƀư rai ôh ntŭk prêh klơ. Nđâp lah pônây, nuih n'hâm Y-Asa jêng răp jăp ma Brah Yêhôva tâm du bông nau rêh păng.

I Phung Hađăch 2:4

Nâm bu pônây, Brah Yêhôva mra ƀư tât di ngăn nau Păng ngơi jêh ma gâp pô aơ: ‘Tơlah phung kon sau may njrăng ma trong khân păng nơm, lĕ nuih n'hâm, lĕ huêng hăn tâm nau răp jăp tanăp măt Gâp, may mâu mra pưt ôh du huê nuyh gŭ ta sưng hađăch phung Israel.’

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

I Phung Hađăch 8:23

“Hơi Yêhôva, Brah Ndu Israel! Mâu geh brah êng klơ trôk prêh ri mâu lah tâm dâng neh ntu aơ tâm ban May. Kôranh Brah djôt prăp nau tâm rnglăp jêh ri nuih n'hâm ueh ma phung oh mon May, jêng phung lĕ nuih n'hâm chuat hăn tanăp măt May.

I Phung Hađăch 8:61

Pôri, ăn khân may sŏk lĕ nuih n'hâm răp jăp đah Brah Yêhôva jêng Brah Ndu he, chuat hăn tâm lĕ nau vay dăp, jêh ri djôt prăp nau vay Păng ntăm tĭng nâm khân may hŏ ƀư nar aơ.”

I Phung Hađăch 9:4

Bi ma may, tơlah may chuat hăn panăp Gâp nâm bu Y-Đavit, mbơ̆ may, hŏ chuat hăn jêh, ma lĕ nuih n'hâm n'hêl nanê̆ jêh ri sŏng ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

II Phung Hađăch 20:2

Y-Hêsêkia rle măt păng mpeh ta mpir jêh ri păng mbơh sơm ma Brah Yêhôva:

II Phung Hađăch 20:4

Y-Êsai ê hŏ luh ôh bơh nkual ngih ta nklang ngih hađăch, geh nau Brah Yêhôva ngơi ma păng:

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Nêhêmi 13:14

“Hơi Brah Ndu gâp! Yor ma nau aơ, kah gĭt an ma gâp jêh ri lơi ta jut lĕ kan ueh gâp hŏ ƀư jêh ma ngih Brah Ndu, jêh ri ma nau pah kan Păng.”

Nêhêmi 13:22

Gâp ntĭnh ma phung Lêvi ăn khân păng ƀư kloh lơi khân păng nơm jêh ri hăn văch gak njrăng mpông pêr, gay prăp ma nar saƀat jêng nar kloh ueh. “Hơi Brah Ndu gâp! Dăn kah gĭt hom ma nau nây jêh ri dăn yô̆ nđach gâp tĭng nâm nau ueh toyh bơh May.”

Nêhêmi 13:31

Gâp đă đŏng phung ƀon lan nhhơr long tĭng tâm nal, tâm ban đŏng nhhơr lĕ play bôk yan bơh neh. “Hơi Brah Ndu gâp, dăn kah gĭt hom ma gâp jêh ri yô̆ an ma gâp!”

Nêhêmi 5:19

“Hơi Brah Ndu gâp! Dăn ma Kôranh Brah kah gĭt lĕ rngôch nau gâp hŏ ƀư jêh ma phung ƀon lan aơ jêh ri yô̆ an ma gâp.”

Ndrom Samƀŭt bơh Yôp 1:1

Tâm n'gor Us geh du huê bunuyh amoh săk jêng Y-Yôp. Păng jêng du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk.

Ndrom Samƀŭt bơh Yôp 1:8

Brah Yêhôva ôp tay ma Satan: “May geh mĭn rmiăng treng uănh ma Y-Yôp, oh mon Gâp đŏng? Ta neh ntu aơ mâu geh ôh bunuyh tâm ban ma Y-Yôp; păng jêng du huê bunuyh mâu geh nau bu dơi nduyh ôh jêh ri sŏng, klach yơk ma Brah Ndu jêh ri der lĕ nau mhĭk.”

Ndrom Samƀŭt bơh Yôp 16:20

Phung mĭt jiăng gâp mưch rmot gâp, Ƀiălah gâp nhĭm luh dak măt đah Brah Ndu,

Ndrom Samƀŭt bơh Yôp 4:6

Mâu di bơh nuih n'hâm klach yơk Kôranh Brah jêng ntŭk may rnơm nsing, Jêh ri trong nau sŏng jêng nau may kâp gân ƀơh?

Nau Mprơ Ơm 102:9

Yor nau May nuih jêh ri ji nuih, Gâp sa ŭnh buh tâm ban ma sa ƀănh,

Nau Mprơ Ơm 119:26

Gâp mbơh jêh trong gâp ma May, jêh ri May lŏ plơ̆ lah jêh ma gâp; Sâm nti an nau vay dăp May ma gâp.

Nau Mprơ Ơm 119:49

Dăn May kah gĭt tay hom nau May hŏ ngơi ma oh mon May, Yor nau ngơi nây, May ƀư ăn gâp geh nau kâp gân.

Nau Mprơ Ơm 145:18

Brah Yêhôva gŭ dăch đah lĕ rngôch phung kuăl mbơh sơm ma Păng, Jêng gŭ dăch phung kuăl mbơh sơm ma Păng ma nau nanê̆ ngăn.

Nau Mprơ Ơm 25:7

Lơi ta kah gĭt lĕ nau tih gâp, dôl hôm ndăm, mâu lah nau tâm rdâng gâp; Ơ Brah Yêhôva, kah gĭt tât ma gâp tĭng nâm nau yô̆ nđach Jêh ri nuih n'hâm ueh May.

Nau Mprơ Ơm 26:1

Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.

Nau Mprơ Ơm 26:3

Yor nau ueh Kôranh Brah gŭ tanăp măt gâp, Jêh ri gâp hăn tâm trong nau ngăn May.

Nau Mprơ Ơm 32:2

Ueh maak ngăn ma bunuyh Brah Yêhôva mâu kơp ôh djơh mhĭk Jêh ri tâm nuih n'hâm mâu geh nau ndơm ôh!

Nau Mprơ Ơm 39:13

Ơ Kôranh Brah! Dăn yô̆ an ma gâp gay ma gâp geh tay nau ktang Êlor ma gâp hăn du jêh ri mâu hôm đŏng ôh!”

Nau Mprơ Ơm 6:6

Gâp lĕ huăr yor lŭng nter, Ăp măng tâm sưng bê̆ch gâp mbĕ ma dak măt, Sưng gâp bê̆ch mbĕ dak măt nhĭm.

Nau Mprơ Ơm 6:7

Măt kon tât chăng rhŏnh yor ma nau rngot, Lơ hâu huăr yor ma phung rlăng đah gâp.

Nau Mprơ Ơm 89:47

Ăn May kah gĭt ma nau rêh bunuyh jêng gleh ngăn! Păng njêng kon bunuyh jêng dơm dam ngăn!

Nau Mprơ Ơm 89:50

Ơ Kôranh Brah, Dăn kah gĭt tay nau bêk phung oh mon May; Nau bêk bah lĕ rngôch bunuyh ƀon lan bun prăp tâm nuih n'hâm gâp.

Êsai 38:14

Gâp nter tâm ban ma sĭm njơch dak, sĭm rlêng; Gâp nđêng tâm ban ma sĭm plŭk; Măt gâp rgănh huơi jêh n'gơr uănh klơ prêh.” “Ơ Kôranh Brah, gâp dôl gŭ tâm nau rŭng răng, Dăn May kơl gâp!

Êsai 63:11

Nôk nây, phung ƀon lan Păng kah gĭt Ma Y-Môis rnôk kăl e jêh ri ôp: “Mbah ntŭk Nơm hŏ njŭn leo rmăk biăp Jêh ri phung biăp luh hao bơh dak mƀŭt? Mbah ntŭk Nơm dơm jêh Brah Huêng Ueh Păng Ta nklang khân păng?”

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Amôt 5:4

Aơ jêng nau Brah Yêhôva lah ma ngih Israel: “Joi hom Gâp ri mơ khân may mra rêh!

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.