II Phung Hađăch 20:21 - Nau Brah Ndu Ngơi 2023

²¹ Y-Hêsêkia khĭt hăn gŭ ndrel ma phung chô yau păng. Kon păng jêng Y-Manasê chiă uănh thoi ntrok păng.

II Phung Hađăch 20:21 ပူးပေါင်းရင်းမြစ်များ

I Phung Hađăch 11:43

Y-Salômôn khĭt hăn gŭ ndrel ma phung chô yau păng jêh ri bu tâp păng tâm ƀon Đavit, mbơ̆ păng. Kon bu klâu hađăch jêng Y-Rôbôam chiă uănh thoi ntrok păng.

I Phung Hađăch 14:31

Y-Rôbôam khĭt gŭ ndrel ma phung chô yau păng jêh ri bu tâp păng n'hanh phung chô yau păng tâm ƀon Đavit. Mê̆ păng amoh H'Naama, bunuyh Ammôn. Kon hađăch jêng Y-Abijam, gŭ ta sưng hađăch chiă uănh ntrok păng.

I Phung Hađăch 2:10

Y-Đavit khĭt ndrel ma phung chô yau păng nơm jêh ri bu tâp păng tâm ƀon Đavit.

II Phung Hađăch 21:1

Y-Manasê geh jât ma bar năm tơlah păng ntơm chiă uănh, jêh ri păng chiă uănh prăm jât ma prăm năm ta ƀon Yêrusalem. Amoh mê̆ păng jêng H'Hepsiba.

II Phung Hađăch 21:18

Y-Manasê khĭt hăn gŭ ndrel ma phung chô yau păng jêh ri bu tâp păng tâm n'gar kao ngih păng nơm, tâm n'gar kao Y-Usa. Kon păng jêng Y-Amôn chiă uănh ntrok păng.

I Nau Rêh Jêng 3:13

kon Y-Jôtham jêng Y-Ahas, kon Y-Ahas jêng Y-Hêsêkia, kon Y-Hêsêkia jêng Y-Manasê,

II Nau Rêh Jêng 26:23

Y-Usia khĭt hăn gŭ ndrel phung chô yau păng, jêh ri bu tâp păng dăch kêng phung chô yau păng ta ntŭk môch prăp ma phung hađăch, yorlah bu lah: “Păng geh nau ji phŭng.” Kon bu klâu păng jêng Y-Jôtham hao klơ sưng hađăch chiă uănh thoi păng.

II Nau Rêh Jêng 32:33

Y-Hêsêkia khĭt hăn gŭ ndrel ma phung chô yau păng, jêh ri bu tâp păng tâm môch klơ dor yôk ma kon sau Y-Đavit. Lĕ rngôch phung Yuđa jêh ri phung gŭ tâm ƀon Yêrusalem tâm mpơl nau yơk ma păng da dê tâm nar păng khĭt. Y-Manasê, kon bu klâu păng, chiă uănh thoi ntrok păng.