II Phung Hađăch 20:17 - Nau Brah Ndu Ngơi 2023

¹⁷ ‘Aơ, tâm lĕ nar mra tât, lĕ rngôch ndơ tâm ngih hađăch may, lĕ rngôch ndơ phung chô yau may hŏ prăp jêh tâm lĕ jay prăp drăp ndơ khlay kŏ tât ta nar aơ, bu mra djôt leo ta Babilôn, mâu hôm geh du ntil ndơ ôh!’ Brah Yêhôva lah kơt nây.

II Phung Hađăch 20:17 ပူးပေါင်းရင်းမြစ်များ

II Phung Hađăch 20:16

Nôk nây, Y-Êsai lah ma Y-Hêsêkia: “Dăn ma may iăt nau Brah Yêhôva ngơi:

II Phung Hađăch 24:13

Di ngăn nâm bu nau Brah Yêhôva hŏ lah, hađăch Babilôn sŏk lĕ rngôch drăp ndơ khlay tâm ngih Brah Yêhôva jêh ri lĕ drăp ndơ khlay tâm ngih hađăch, mbang nchah lĕ ndơ dŏng ma mah, Y-Salômôn, hađăch Israel, hŏ ƀư jêh ngih brah ma Brah Yêhôva.

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

II Nau Rêh Jêng 36:18

Lĕ rngôch ndơ dŏng jê̆ toyh tâm ngih Brah Ndu, lĕ drăp ndơ khlay ngih Brah Yêhôva, drăp ndơ hađăch, jêh ri phung kôranh păng, lĕ rngôch djôt leo ma Babilôn da dê.

Yêrêmi 20:5

Gâp mra jao lĕ rngôch drăp ndơ tâm ƀon, lĕ rngôch ndơ, ăp ndơ khlay, tâm ban lĕ rngôch jay ndơ khlay phung hađăch Yuđa tâm ti phung rlăng khân păng. Phung rlăng mra sŏk ntŭng, sŏk pit jêh ri djôt leo ma bri Babilôn.

Kan Lêvi 26:19

jêh ri nkê̆ch lơi nau sưr jêh ri suan khân may. Gâp mra ăn trôk khân may dăng tâm ban ma loih jêh ri neh tâm n'gor khân may jêng sơh tâm ban ma kông;