II Phung Hađăch 20:14 - Nau Brah Ndu Ngơi 2023

¹⁴ Nơm mbơh lor Y-Êsai hăn mâp ma hađăch Hêsêkia jêh ri lah: “Moh nau phung nây lah, jêh ri mbah tă phung nây văch tât ma may?” Y-Hêsêkia plơ̆ lah: “Khân păng văch tât tă bơh n'gor Babilôn ngai ngăn.”

II Phung Hađăch 20:14 ပူးပေါင်းရင်းမြစ်များ

II Phung Hađăch 20:13

Jêh iăt nau phung mbơh nkoch jêh, Y-Hêsêkia ăn ma khân păng uănh lĕ rngôch jay prăp drăp ndơ khlay păng tâm ban ma prăk, mah, dak si ƀâu kah, dak ngi khlay, jay prăp ndơ tâm lơh, jêh ri lĕ rngôch ndơ tâm lĕ jay prăp drăp ndơ păng. Mâu hôm geh du ntil ndơ ôh tâm ngih hađăch jêh ri tâm lĕ ƀon bri hađăch păng, dĭng Y-Hêsêkia mâu ăn khân păng uănh.

II Phung Hađăch 20:15

Y-Êsai ôp tay: “Moh ndơ khân păng saơ jêh tâm ngih hađăch may?” Y-Hêsêkia plơ̆ lah: “Khân păng lĕ saơ jêh lĕ rngôch ndơ ngih hađăch gâp. Mâu geh du ntil ndơ tâm lĕ jay prăp drăp ndơ khlay dĭng gâp mâu tâm mpơl ăn ma khân păng saơ.”

Nau Mprơ Ơm 141:5

Ăn nơm sŏng srăng lơh gâp yor nuih n'hâm ueh, Jêh ri nau nduyh nkra khân păng jêng nâm bu dak ngi dŭt ueh ta klơ bôk gâp, Bôk gâp mâu mra dun ma nau nây ôh. Ƀiălah tâm nôk phung mhĭk ƀư nau ƀai, gâp ăt mbơh sơm ƀaƀơ.

Nau Hôr 25:12

Ma đah tôr gĭt iăt, nau nduyh bơh bunuyh blau mĭn Nâm bu du mlâm rgên mah, du ndơ nkrơ̆ đah mah chrêk.

Êsai 13:5

Brah Yêhôva jêh ri ndơ tâm lơh nau Păng ji nuih, Văch bơh âk bri ngai, bơh dŭt trôk, Gay ƀư rai lĕ neh ntu.

Êsêkiêl 23:23

nây jêng phung Babilôn, lĕ rngôch phung Kaldê, phung Pêkôt, phung Sôa, jêh ri Kôa ndrel ma lĕ rngôch phung Asiri dôl gŭ ndrel ma khân păng, jêng phung bu klâu ndăm ueh, lĕ rngôch phung kôranh chiă uănh jêh ri phung kôranh tahan, lĕ rngôch phung kôranh chiă uănh jêh ri phung kôranh tahan toyh, lĕ rngôch ncho seh da dê.

Nau Kơp Bunuyh 22:9

Brah Ndu văch ma Y-Balaam jêh ri lah: “Mbu jêng phung dôl gŭ tâm ngih may?”

Nau Vay Nkah Tay 28:49

Brah Yêhôva mra njŭn leo du ndŭl mpôl bơh ntŭk dŭt ngai tât, bơh dŭt bri dŭt neh, tâm ban klang ƀŭng mpăr ngăch ngăn jŭr gay nhŭp khân may, du phung ƀon lan khân may mâu gĭt rbăng ôh nau ngơi khân păng,

Yôsuê 9:6

Khân păng hăn ma Y-Yôsuê ta pôih tahan Gilgal, lah ma păng jêh ri ma Phung ƀon lan Israel pô aơ: “Hên văch tă bơh bri ngai; aƀaơ ri ăn khân may ƀư nau đăp mpăn đah hên.”

Yôsuê 9:9

Khân păng plơ̆ lah: “Phung oh mon may văch tă bơh du n'gor bri ngai ngăn, yor hên tăng ma amoh Brah Yêhôva jêng Brah Ndu khân may. Yorlah hên tăng lư jêh nau bu nkoch bri ma Păng, jêh ri lĕ nau Păng ƀư jêh tâm n'gor Êjipt;