II Phung Hađăch 20:12 - Nau Brah Ndu Ngơi 2023

¹² Tâm rnôk nây, hađăch Babilôn jêng Y-Bêrôdak Baladan, kon Y-Baladan, prơh bunuyh hăn njŭn samƀŭt jêh ri ndơ nhhơr ăn ma hađăch Hêsêkia, yorlah păng tăng lư păng ji.

II Phung Hađăch 20:12 ပူးပေါင်းရင်းမြစ်များ

Nau Ntơm 10:10

Ntơm geh ƀon bri hađăch păng jêng ƀon Ƀaƀel, ƀon Êrek, ƀon Akat jêh ri ƀon Kalnê gŭ tâm n'gor Sinar.

Nau Ntơm 11:9

Yor ri, ntŭk nây dơi rnha jêng Ƀaƀel, yorlah ta nây Brah Yêhôva ƀư tâm rlŭk lĕ rngôch nau ngơi ta neh ntu, jêh ri ntơm bơh nây Păng ƀư ma phung bunuyh nchah du êng êng lam bri klơ neh ntu.

II Samuel 10:2

Y-Đavit lah: “Gâp ŭch mpơl nau rŏng dơh dăch ma Y-Hanun, kon Y-Nahas, nâm bu mbơ̆ păng nơm ƀư nau ueh ma gâp.” Pônây Y-Đavit prơh phung oh mon păng gay bonh leng hađăch nĕ yor nau khĭt mbơ̆ păng. Pônây, phung oh mon Y-Đavit hăn tât tâm n'gor phung Ammôn.

II Samuel 8:10

Y-Toi prơh Y-Jôram, kon păng nơm, tât mbah ma hađăch Đavit, jêh ri mât ton ma păng tâm lơh jêh ri dơi jêh đah Y-Hadadêser; yorlah Y-Hadadêser vay tâm lơh đah Y-Toi. Y-Jôram djôt leo ndrel păng ndô ndơ prăk, mah, jêh ri kông ma hađăch Đavit.

II Nau Rêh Jêng 32:25

Ƀiălah Y-Hêsêkia mâu kah gĭt lah ueh nau Brah Yêhôva ƀư jêh ma păng, yorlah nuih n'hâm păng sưr yor nây Kôranh Brah ji nuih tât ma păng nđâp ma phung Yuđa jêh ri Yêrusalem.

II Nau Rêh Jêng 32:31

Ƀiălah tơlah phung mbơh hađăch Babilôn prơh hăn tât gay ôp ma nau mbên khlay hŏ geh jêh tâm n'gor păng, pôri Brah Ndu du, ƀât lât gay ŭch rlong uănh păng, jêh ri ŭch gĭt lĕ rngôch ntil nau tâm nuih n'hâm păng.

Êsai 13:1

Nau mbơh lor ma Babilôn; Y-Êsai, kon bu klâu Y-Amôt, hŏ saơ jêh:

Êsai 13:19

Babilôn jêng nau chrêk rmah ma lĕ rngôch bri hađăch, Jêng nau hưn n'glưh ma phung Kaldê, Mra jêng tâm ban ma Sôdôm jêh ri Gômôrơ, Lah Brah Ndu nklơ̆ rlă khân păng.

Êsai 14:4

khân may mra lah nau mưch rmot aơ ma hađăch Babilôn pô aơ: “Nơm tŭn jot lĕ tât nôk phat dôih jêh! Nau păng ji nuih nglĕ dŭt jêh!