II Phung Hađăch 2:5 - Nau Brah Ndu Ngơi 2023

⁵ Phung oh mon phung nơm mbơh lor gŭ ta Yêrikô hăn văch dăch Y-Êlisê, jêh ri ôp: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 2:5 ပူးပေါင်းရင်းမြစ်များ

Nau Ntơm 48:19

Ƀiălah mbơ̆ păng dun jêh ri lah: “Hơi kon, mbơ̆ gĭt rah vah ngăn. Y-Manasê mra dơi jêng du phung ƀon lan jêh ri păng mra jêng toyh đŏng. Ƀiălah oh păng mra jêng toyh lơn ma păng jêh ri noi deh oh păng mra dơi jêng âk mpôl băl bunuyh.”

I Phung Hađăch 20:35

Nôk nây, geh du huê tâm phung nơm mbơh lor, tông nau ntăm Brah Yêhôva, lah đah băl păng nơm: “Gâp dăn ma may, dong hom gâp!” Ƀiălah păng dun mâu ŭch dong.

II Phung Hađăch 2:3

Phung oh mon phung nơm mbơh lor gŭ ta Bêthel hăn tât ôp ma Y-Êlisê: “May gĭt lĕ ma nar aơ Brah Yêhôva mra djôt kôranh may hao bơh may?” Păng plơ̆ lah: “Gâp gĭt nau nây! Khân may gŭ rklăk hom.”

II Phung Hađăch 4:1

Nôk nây, ur du huê tâm phung oh mon phung nơm mbơh lor vơl ma Y-Êlisê: “Sai gâp jêng oh mon may lĕ khĭt jêh, jêh ri may gĭt jêh ma oh mon may klach yơk jêh ma Brah Yêhôva. Aƀaơ aơ, nơm tơm rnon văch gay nhŭp lơi bar hê kon bu klâu gâp gay ƀư dĭk.”

II Phung Hađăch 5:22

Y-Gêhasi plơ̆ lah: “Lĕ rngôch nau jêng nau đăp mpăn. Kôranh gâp prơh gâp hăn lah ma may: ‘Ndơh nơh, geh bar hê phung bu klâu ndăm, jêng oh mon phung nơm mbơh lor, tă bơh n'gor klơ dor yôk Êphraim văch tât. Gâp dăn ma may ăn ma khân păng pe jât kilô prăk jêh ri bar gu kho ao.’”

II Phung Hađăch 6:1

Phung oh mon ma phung nơm mbơh lor lah ma Y-Êlisê: “Uănh hom, ntŭk hên gŭ iăt nau may ntĭm nti, rhăt ngăn ma hên.

II Phung Hađăch 9:1

Nơm mbơh lor Y-Êlisê kuăl du huê tâm phung oh mon phung nơm mbơh lor jêh ri lah: “Vân hom bŭt jêh ri sŏk leo du gri dak ƀâu kah aơ hăn rlet ma ƀon Ramôt-Gilêat.

Nơm Nti 3:7

Geh năng hêk sat, geh năng jĭm njĭr; Geh năng gŭ rklăk, geh năng ngơi;

Êsai 41:1

Ơ lĕ rngôch gôl dak mƀŭt, gŭ rklăk hom tanăp Gâp! Ăn hom lĕ ntil mpôl bunuyh sŏk dơn nau ktang mhe; Ăn khân păng văch dăch jêh ri ăn khân păng ngơi! Ăn he hăn dăch ndrel n'grŭp gay ma phat dôih!

Amôt 7:14

Y-Amôt plơ̆ lah ma Y-Amasia pô aơ: “Gâp mâu jêng du huê nơm mbơh lor ôh, mâu lĕ jêng kon du huê nơm mbơh lor; ƀiălah gâp jêng du huê rmăk biăp jêh ri nơm mât mray tơm si sikamôr.

Habakuk 2:20

Ƀiălah Brah Yêhôva gŭ tâm ngih brah kloh ueh păng; Tanăp Păng, gŭ rklăk hom lĕ rngôch bunuyh klơ neh ntu!”

Luka 24:51

Dôl ăn nau ueh uĭn, Păng du tă bơh phung oh mon jêh ri dơi djôt leo hao klơ trôk.

Kôranh Oh Mon 1:11

jêh ri lah: “Hơi phung Galilê, mâm ƀư khân may dâk n'gơr uănh ta klơ trôk ri? Brah Yêsu aơ Brah Ndu chông hao klơ trôk tă bơh phung khân may, Păng mra plơ̆ văch tâm ban ma khân may saơ Păng hao klơ trôk nây đŏng.”

Kôranh Oh Mon 1:2

kŏ tât ta nar Brah Ndu sŏk Păng hao klơ trôk, jêh Păng nsing ma Brah Huêng Ueh gay ntĭm nti ma phung kôranh oh mon Păng săch jêh.

Kôranh Oh Mon 26:25

Ƀiălah Y-Pôl plơ̆ lah: “Ơ kôranh toyh Phêtus, gâp mâu roh nau mĭn ôh, ƀiălah gâp dôl ngơi lĕ nau ngơi nanê̆ ngăn jêh ri kah gĭt săk đŏng.

I Samuel 10:5

Jêh nau nây, may mra tât ta Gibêat Êlôhim, ta nây geh du pôih tahan phung Philistin. Tơlah lĕ lăp jêh tâm ƀon, may mra mâp du mpôl mbơh lor tă bơh ntŭk prêh klơ hăn jŭr, djôt gong rêng, gâr jê̆, n'hôm, jêh ri gong rêng loih hăn lor jêh ri khân păng mra mbơh lor.