II Phung Hađăch 2:4 - Nau Brah Ndu Ngơi 2023

⁴ Y-Êli lah tay ma Y-Êlisê: “Hơi Y-Êlisê, gŭ hom ta aơ, yorlah Brah Yêhôva prơh gâp hăn tât ma ƀon Yêrikô.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu mra du tă bơh may ôh.” Pôri, khân păng hăn tât ma Yêrikô.

II Phung Hađăch 2:4 ပူးပေါင်းရင်းမြစ်များ

I Phung Hađăch 16:34

Tâm rnôk rô̆ Y-Ahap, Y-Hiêl gŭ ta Bêthel ndâk tay ƀon Yêrikô. Tơlah păng ntơm ƀư mbon, pôri Y-Abiram, kon bu klâu bôk rah păng khĭt; tơlah păng ndâk lĕ mpông ƀon, Y-Sêgup, kon mpŏt păng khĭt, di nâm nau Brah Yêhôva ngơi jêh ma bâr mbung Y-Yôsuê, kon bu klâu Y-Nun.

II Phung Hađăch 2:2

Y-Êli lah ma Y-Êlisê: “Gŭ hom ta aơ, yorlah Brah Yêhôva prơh gâp hăn tât ma Bêthel.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu du tă bơh may ôh.” Pôri, khân păng hăn trŭnh ma Bêthel.

II Phung Hađăch 4:30

Ƀiălah mê̆ kon se jê̆ nây lah: “Gâp sŏk amoh Brah Yêhôva gŭ rêh mro mrăng, jêh ri sŏk amoh nau rêh may gay sơm ton pô aơ, gâp mâu mra du tă bơh may ôh.” Pôri, Y-Êlisê dâk jêh ri hăn tĭng ndô̆ păng.

Luka 19:1

Brah Yêsu lăp jêh tâm ƀon Yêrikô, Păng hăn rgăn ƀon nây.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 2:42

Phung chroh nsrôih djôt prăp nau phung kôranh oh mon nti, nau tâm rnglăp ndrăng oh nâu, rƀŭn nkê̆ch piăng let, jêh ri nau mbơh sơm.

Yôsuê 6:1

Rnôk nây, bu nchăng mpông ƀon Yêrikô jêh ri gak njrăng ngăn đah phung ƀon lan Israel, mâu ăn ma du huê bunuyh dơi luh lăp.

Yôsuê 6:26

Rnôk nây, Y-Yôsuê ton lah: “Mbu ndâk jêh ri rdâk njêng đŏng ƀon Yêrikô aơ Mra geh nau rak rtăp tanăp Brah Yêhôva! Mbu nơm n'gân tay mbon, kon bu klâu bôk rah păng khĭt; Mbu nơm rdâk tay mpông, kon mpô̆t păng khĭt.”

Bu ur Rut 1:16

Ƀiălah H'Rut ơh: “Lơi nchâp gâp chalơi ay Mâu lah ndôn plơ̆ sĭt! Ntŭk mê̆ hăn kon tǐng hăn ta nây; Moh ntŭk mê̆ gŭ kon mra gŭ ta ntŭk nây đŏng. Phung ƀon lan ay jêng phung ƀon lan gâp; Brah Ndu ay mra jêng Brah Ndu gâp.

I Samuel 1:26

Păng lah: “Hơi kôranh gâp! Gâp sŏk nau rêh may gay ton pô aơ, gâp jêng bu ur nơm dâk jêh ta aơ, êp kêng may, gay mbơh sơm ma Brah Yêhôva.