II Phung Hađăch 2:24 - Nau Brah Ndu Ngơi 2023

²⁴ Păng n'gĭl uănh pakơi jêh ri sŏk amoh Brah Yêhôva gay rak rtăp khân păng. Ta nây ro geh bar mlâm kau me luh tă bơh tâm krŏng, kăp nkhêk puăn jât ma bar nuyh tâm phung kon se ndăm nây.

II Phung Hađăch 2:24 ပူးပေါင်းရင်းမြစ်များ

Nau Ntơm 9:25

păng lah: “Ăn Kanaan geh nau rtăp rak! Păng mra jêng dĭk ma oh nâu păng.”

II Samuel 17:8

Y-Husai lah tay: “May gĭt lĕ ma mbơ̆ may jêh ri phung tĭng ndô̆ păng jêng phung tahan janh ktang; khân păng ji nuih nâm bu du mlâm kau tâm bri bu nhŭp ntŭng kon păng. Rlau lơn ma nây, mbơ̆ may jêng du huê tahan vay găn jêh âk nau tât, păng mâu mra bê̆ch măng ndrel ma phung tahan ôh.

I Phung Hađăch 13:24

Bunuyh aơ luh hăn, rŏ trong păng mâp du mlâm yau mŭr jêh ri yau mŭr nây kăp nkhĭt păng. Săk jăn khĭt păng mplâng ta trong, geh seh bri gŭ grem êp meng păng, yau mŭr đŏng gŭ grem ta meng săk jăn khĭt.

I Phung Hađăch 19:17

Mbu nơm klaih bơh đao Y-Hasael, Y-Jêhu mra nkhĭt păng, mbu nơm klaih bơh đao Y-Jêhu, Y-Êlisê mra nkhĭt păng.

I Phung Hađăch 20:36

Păng lah tay: “Yorlah may mâu tông ôh bâr Brah Yêhôva, pôri tơlah may du tă bơh gâp, mra geh du mlâm yau mŭr kăp nkhĭt may.” Tơlah bunuyh băl nây mhe du tă bơh nơm mbơh lor, tâm mâp ro đah du mlâm yau mŭr kăp nkhĭt păng.

II Phung Hađăch 2:25

Ntơm bơh nây, Y-Êlisê hăn tât ta yôk Karmel, jêh nây plơ̆ sĭt ma Samari.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Hôr 17:12

Ueh lơn bu mâp kau me lĕ bu ntŭng kon Rlau lơn mâp bunuyh rluk dôl păng ƀư nau rluk.

Nau Hôr 19:29

Nau tâm rmal hŏ prăp rơm jêh ma phung mưch, Mâng rvĕ rpăt ndrăp rơm ăn ma ndŭr kơi phung rluk.

Nau Hôr 28:15

Phung djơh chiă uănh phung ndĭt trơi Tâm ban yau mŭr rđuh ngrông, mâu lah kau hăn tĭng kăp mpa sa.

Yêrêmi 28:16

Yor nây, Brah Yêhôva lah: ‘Aơ, Gâp mra mprơh may bơh klơ neh ntu. Năm aơ yơh may mra khĭt yorlah may hŏ ƀư nau uh ah tâm rdâng đah Brah Yêhôva.’”

Nau Nhĭm Vơl 3:65

Ăn ma nuih n'hâm khân păng dăng ktang, Jêh ri ăn nau rak rtăp ta khân păng.

Ndrom Samƀŭt bơh Ôsê 13:8

Gâp mra mpoh khân păng nâm bu kau me roh kon. Gâp mra sa hêk hăch ntang ntơh khân păng Jêh ri mra sa rvăn khân păng ta nây nâm bu yau mŭr; Mpô mpa bri mra hêk săk khân păng jêng hăch rhên.

Kan Lêvi 26:22

Gâp mra mƀơk âk mpô mpa bri janh tât jêh ri ntŭng sŏk phung kon khân may, ƀư rai mpô mpa rong jêh ri ƀư ma rnoh bunuyh khân may n'hŭch kŏ tât lĕ trong jêng hŏng.

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Markôs 11:14

Păng lah ma tơm rvi: “Mâu geh du huê nuyh hôm sa play may đŏng ôh!” Phung oh mon Păng tăng da dê nau nây.

Markôs 11:21

Y-Pêtrôs kah gĭt tay nau nđaơ tê̆ jêh ri lah ma Brah Yêsu: “Hơi Nơm Nti, uănh ri! Tơm rvi May rtăp lĕ kro jêh.”

Kôranh Oh Mon 5:5

Dôl Y-Ananias tăng nau ngơi nây, păng cha lôt ta neh jêh ri khĭt. Lĕ rngôch phung tăng nau nây klach da dê.

Kôranh Oh Mon 5:9

Y-Pêtrôs lah: “Mâm ƀư khân ay du ai tâm chră jêh gay ma rlong uănh Brah Huêng Ueh Kôranh Brah? Ri, jâng phung bunuyh hăn tâp jêh sai ay dôl gŭ padih mpông, khân păng mra tung tâp ay đŏng.”

Kôranh Oh Mon 8:20

Ƀiălah Y-Pêtrôs plơ̆ lah pô aơ: “Prăk may rai yot ndrel ma may, yorlah may mĭn bu dơi rvăt ma prăk nau Brah Ndu ăn!

II Kôrintô 10:6

Hên rơm ndrăp jêh gay tâm rmal lĕ rngôch bunuyh mâu tông bâr kŏ tât khân may tông bâr da dê.

Phung Kôranh Phat Dôih 9:20

Bi tơlah mâu di ôh pônây, ăn ŭnh luh bơh Y-Abimêlek su lơi phung kôranh chiă uănh ƀon toyh Sichem jêh ri Bet-Milô; jêh ri ăn ŭnh luh bơh phung bunuyh Sichem jêh ri Bet-Milô su lơi Y-Abimêlek!”

Phung Kôranh Phat Dôih 9:57

Brah Ndu tâm ban đŏng mplơ̆ plơng ma phung ƀon lan ƀon toyh Sichem yor lĕ rngôch nau djơh khân păng ƀư jêh. Nau mhĭk ăn tât klơ bôk khân păng di nâm nau rak rtăp Y-Jôtham, kon bu klâu Y-Jêrubaal.