II Phung Hađăch 2:23 - Nau Brah Ndu Ngơi 2023

²³ Tă bơh nây, Y-Êlisê hăn hao tât ta Bêthel. Păng dôl hăn rŏ trong, geh phung kon se luh tă bơh ƀon jêh ri gơm mpray ma păng lah: “Hơi bu klâu hil bôk, hăn hao hom! Hơi bu klâu hil bôk, hăn hao hom!”

II Phung Hađăch 2:23 ပူးပေါင်းရင်းမြစ်များ

Nau Ntơm 21:9

H'Sara saơ kon bu klâu H'Agar, bu ur Êjipt, hŏ deh ăn ma Y-Abraham gơm mưch ma Y-Isăk,

II Phung Hađăch 2:11

Dôl khân păng hăn n'ho ma ngơi, aơ, geh du bôk ndeh seh ŭnh jêh ri seh ŭnh tâm nkhah bar hê khân păng, jêh nây Y-Êli hao rlet klơ trôk tâm sial vănh blông.

II Phung Hađăch 2:2

Y-Êli lah ma Y-Êlisê: “Gŭ hom ta aơ, yorlah Brah Yêhôva prơh gâp hăn tât ma Bêthel.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu du tă bơh may ôh.” Pôri, khân păng hăn trŭnh ma Bêthel.

II Phung Hađăch 2:22

Pônây, dak nây jêng ueh tât ma nar aơ, tĭng nâm Y-Êlisê ngơi jêh.

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Ndrom Samƀŭt bơh Yôp 19:18

Kŏ tât phung kon se jê̆ lơ mưch rmot ma gâp đŏng, Mbăt gâp ma dâk, khân păng hŏ mưch jêh gâp.

Ndrom Samƀŭt bơh Yôp 30:1

“Ƀiălah aƀaơ ri phung ndăm lơn ma gâp mưch rmot gâp, Phung chô yau khân păng jêng phung gâp hŏ uănh mâu khlay, Mâu dăp ndrel ma phung so chiăp biăp gâp.

Nau Mprơ Ơm 31:17

Ơ Brah Yêhôva, lơi ăn geh nau bêk ma gâp Yorlah gâp vah vơl dăn ma may. Ăn phung mhĭk geh nau bêk Jêh ri gŭ rklăk tâm ƀon phung khĭt!

Nau Mprơ Ơm 31:18

Ăn mbung phung mƀruh jêng mlo! Yorlah khân păng ngơi djơh, ngơi sưr jêh ri tâm rmot Ƀiălah ngơi tâm rdâng đah phung sŏng srăng.

Nau Mprơ Ơm 35:15

Ƀiălah tơlah gâp chêh prah, khân păng tâm rƀŭn răm maak, Phung nchơt tâm rƀŭn tâm rdâng ma gâp ƀiălah gâp mâu gĭt ôh; Khân păng sa hêk gâp mâu rlu.

Nau Hôr 20:11

Kan kon se ƀư, mâu lah nau kloh mâu lah nau di, Tâm mpơl da dê đah nau păng ƀư.

Nau Hôr 22:15

Nau rluk mâl kât tâm nuih n'hâm kon se, Ƀiălah mâng rvĕ nau ntĭm mra ƀư ăn nau nây du ngai ma păng.

Nau Hôr 22:6

Nti hom ăn kon se jê̆ trong păng mra tĭng, Gay nôk kêng ranh, mâu lĕ păng chalơi bơh trong nây.

Nơm Nti 11:10

Pôri, ngluh lơi hom nau rŭng răng tă bơh nuih n'hâm, jêh ri mƀăr lơi nau ji tă bơh săk jăn may; yorlah năm ndăm rah jêh ri nôk mom ndăm jêng dơm dam da dê dơm.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 3:5

Phung ƀon lan mra tâm tŭn jot ndrăng khân păng, Nơm aơ đah nơm ri, Phung chiau meng đah chiau meng. Kon se suai rak đah bu ranh, Bunuyh dơm dam tŭn jot ma nơm bu yơk.

Yêrêmi 20:7

Ơ Brah Yêhôva, May hŏ nsŭk nsôr jêh ma gâp, Gâp lĕ geh nau May nsŭk nsôr; May ktang lơn ma gâp, Jêh ri May hŏ dơi jêh. Lĕ nar gâp ƀư ƀaƀơ nau gơm ăn ma neh ntu, Ăp bunuyh mưch rmot ma gâp.

Yêrêmi 20:8

Ăp tơ̆ gâp ngơi gâp mra lah huy, Gâp nter huy, “Nau ƀai jêh ri ƀư rai!” Yorlah nau Brah Yêhôva Rĭ dĭng bu mưch jêh ri bêk prêng ma gâp ăp nar.

Yêrêmi 7:18

Phung kon dônh long, mbơ̆ sŭnh ŭnh, mê̆ piăch rnih, gay ƀư ƀănh nhhơr ăn ma hađăch bu ur tâm trôk, hôm ƀư tay rƀŭn ndơ nhhơr nhêt sa ăn ma lĕ brah êng, gay nsônh nau ji nuih Gâp.”

Ndrom Samƀŭt bơh Ôsê 10:15

Hơi phung Bêthel, Nây jêng nau bu mra ƀư ma khân may, Yorlah nau djơh mhĭk khân may toyh ngăn. Kêng ơm ôi, Hađăch Israel bu mra nkhĭt lơi.

Ndrom Samƀŭt bơh Ôsê 10:5

Phung gŭ tâm n'gor Samari mra krit klach Ăn lĕ ndrôk kon, Bêt-Aven Phung ƀon lan mra nhĭm nhhiăng ma păng, Phung kôranh ƀư brah ŭch ngăn ma păng ăt nhĭm nhhiăng Yorlah nau chrêk rmah păng hŏ du roh jêh.

Ndrom Samƀŭt bơh Ôsê 4:15

Hơi phung Israel, nđâp lah khân may ƀư nau ka n'hong, Mâu lĕ ăn phung Yuđa ƀư tih ôh! Pôri lơi ta lăp ôh ta ƀon Gilgal! Lơi ta hao ma ƀon Bet-Aven! Lơi ta sơm ton tâm amoh ‘Brah Yêhôva gŭ rêh mro mrăng’.

Kan Lêvi 13:40

Tơlah geh du huê rŭng sŏk, plưn bôk, nơm nây ăt jêng kloh.

Amôt 3:14

Tâm nar Gâp tâm rmal phung Israel yor ma nau tih păng, Tâm ban lĕ Gâp mra ƀư rai nơng ƀư brah ƀon Bêthel; Bu mra koh lơi lĕ nke nơng ƀư brah Jêh ri tŭp ta neh.

Amôt 4:4

“Hăn hom tât ta ƀon Bêthel jêh ri ƀư tih; Hăn hom ma ƀon Gilgal jêh ri ƀư tih tay! Ăp ôi, djôt tât hom mpa ƀư brah, Jêh ri pe nar du tơ̆ khân may nhhơr du kô̆ tâm jât!

Amôt 5:5

Lơi joi ôh Bêthel, Lơi lăp ôh Gilgal, Mâu lĕ hăn tât ôh ma Bêr-Sêba. Yorlah Gilgal mra hăn jêng bu nă, Bêthel mra roh rai.”

Amôt 7:13

Ƀiălah lơi ngơi nau mbơh lor ôh ta Bêthel yorlah păng jêng ntŭk kloh ueh ma hađăch jêh ri jêng ngih brah ma ƀon bri hađăch.”

Galati 4:29

Ƀiălah tâm ban ma rnôk nây, nơm bu deh tĭng nâm nglay săk ƀư mhĭk ma nơm bu deh tĭng nâm Brah Huêng Ueh, aƀaơ ăt tâm ban pônây lĕ.

ហេឞ្រើ 11:36

Ƀaƀă êng dơn nau bu mưch rmot, nau bu dong mbang, nau bu nkông ma rse rvăk jêh ri nau bu krŭng.