II Phung Hađăch 2:19 - Nau Brah Ndu Ngơi 2023

¹⁹ Phung ƀon lan tâm ƀon Yêrikô lah ma Y-Êlisê: “Tĭng nâm kôranh lĕ saơ, ntŭk ƀon aơ jêng ueh, ƀiălah dak jêng kăch jêh ri neh mâu jêng ndơ ôh.”

II Phung Hađăch 2:19 ပူးပေါင်းရင်းမြစ်များ

I Phung Hađăch 16:34

Tâm rnôk rô̆ Y-Ahap, Y-Hiêl gŭ ta Bêthel ndâk tay ƀon Yêrikô. Tơlah păng ntơm ƀư mbon, pôri Y-Abiram, kon bu klâu bôk rah păng khĭt; tơlah păng ndâk lĕ mpông ƀon, Y-Sêgup, kon mpŏt păng khĭt, di nâm nau Brah Yêhôva ngơi jêh ma bâr mbung Y-Yôsuê, kon bu klâu Y-Nun.

I Phung Hađăch 18:13

Tơlah H'Jêsêbel nkhĭt phung nơm mbơh lor Brah Yêhôva, gâp hŏ leo pôn jêh du rhiăng nuyh nơm mbơh lor Brah Yêhôva tâm bar trôm lŭ, ăp trôm prăm jât nuyh, djôt leo piăng let jêh ri dak nhêt gay siăm ma khân păng. Mâu hĕ bu nkoch nau nây ma kôranh gâp gĭt lĕ?

I Phung Hađăch 18:7

Y-Apdia hăn rŏ trong, tâm mâp đah Y-Êli văch chuă păng. Y-Apdia gĭt năl Y-Êli, chon mon tanăp măt păng jêh ri ôp: “Di lĕ may jêng Y-Êli, kôranh gâp?”

II Phung Hađăch 2:18

Tơlah khân păng plơ̆ sĭt, Y-Êlisê ăt hôm gŭ kâp ta Yêrikô. Păng lah ma khân păng: “Mâu di hĕ gâp hŏ lah jêh ma khân may lơi hăn ôh ƀơh?”

II Phung Hađăch 2:20

Păng lah: “Djôt leo hom ma gâp du khăl mhe jêh ri ăn boh tâm nây.” Pônây khân păng djôt leo khăl boh ma păng.

Nau Ngluh Êjipt 15:23

Lah khân păng tât jêh ta Mara, yorlah dak ta Mara nây tăng khân păng mâu dơi nhêt; yor nây bu rnha ntŭk nây Mara.

Nau Ngluh Êjipt 23:26

Mâu mra geh ôh bu ur me rlêh kon mâu lah mâu bă kon tâm n'gor may. Gâp mra ăn may dơi rêh jŏ năm.

Nau Ngluh Êjipt 7:19

Brah Yêhôva lah ma Y-Môis: “Lah hom ma Y-Arôn: ‘Djôt hom mâng jra may jêh ri yơr ti may tâm lĕ tu dak n'gor Êjipt, jêng lĕ dak krong, dak n'hong jê̆, dak nglao, jêh ri lĕ ntu prăp dak, gay ma dak nây jêng mham. Mham mra geh ăp ntŭk tâm n'gor Êjipt, nđâp ma dak tâm lĕ thŭng ƀư ma si, ma lŭ.’”

Ndrom Samƀŭt bơh Ôsê 9:14

Ơ Brah Yêhôva, dăn ăn ma khân păng Moh ndơ May mra ăn ma khân păng? Dăn ăn ma khân păng ndŭl deh nse Jêh ri lĕ toh mâu geh dak toh!

Nau Kơp Bunuyh 12:11

Y-Arôn lah ma Y-Môis: “Hơi, kôranh gâp, lơi tâm rmal hên yorlah nau tih hên hŏ ƀư tih tâm nau rluk.

Nau Vay Nkah Tay 28:11

Brah Yêhôva mra ƀư nau chăt hao ma khân may, play bơh ndŭl proch săk jăn khân may, play bơh mpô mpa rong, kao play tâm mir khân may mra dơi geh âk ngăn tâm n'gor Păng mra ăn ma khân may tĭng nâm nau ton ma phung chô yau khân may.

I Timôthê 5:17

Phung kôranh bu ranh blau chiă uănh Phung Ngih Brah Ndu, lơ hô geh nau yơk âk lơn, lor lơn jêng phung srôih jâk jêr tâm nau mbơh nau chroh jêh ri nau ntĭm nti.

Yôsuê 6:17

Ƀon jêh ri lĕ rngôch ndơ tâm ƀon jêng ndơ prăp ma Brah Yêhôva ƀư rai lơi. Knŏng du huê H'Rahap bu ur văng tĭr jêh ri lĕ rngôch phung gŭ tâm ngih ndrel ma păng mra dơi rêh, yorlah păng hŏ sâm pôn an jêh phung mbơh bơh he hŏ đă hăn.

Yôsuê 6:26

Rnôk nây, Y-Yôsuê ton lah: “Mbu ndâk jêh ri rdâk njêng đŏng ƀon Yêrikô aơ Mra geh nau rak rtăp tanăp Brah Yêhôva! Mbu nơm n'gân tay mbon, kon bu klâu bôk rah păng khĭt; Mbu nơm rdâk tay mpông, kon mpô̆t păng khĭt.”