II Phung Hađăch 2:15 - Nau Brah Ndu Ngơi 2023

¹⁵ Tơlah phung oh mon phung nơm mbơh lor gŭ ta Yêrikô saơ Y-Êlisê bơh ngai jêh ri lah: “Huêng brah Y-Êli gŭ jêh ta Y-Êlisê.” Khân păng hăn chuă vơt păng, chon mon ta neh tanăp măt păng

II Phung Hađăch 2:15 ပူးပေါင်းရင်းမြစ်များ

I Phung Hađăch 19:16

may mra tŏ dak ƀâu kah ma Y-Jêhu đŏng, kon bu klâu Y-Nimsi, ƀư hađăch phung Israel; jêh ri may mra tŏ dak ƀâu kah ma Y-Êlisê, kon bu klâu Y-Saphat, ta Abel-Mêhôla, ƀư nơm mbơh lor ntrok ma may.

I Phung Hađăch 20:35

Nôk nây, geh du huê tâm phung nơm mbơh lor, tông nau ntăm Brah Yêhôva, lah đah băl păng nơm: “Gâp dăn ma may, dong hom gâp!” Ƀiălah păng dun mâu ŭch dong.

II Phung Hađăch 2:19

Phung ƀon lan tâm ƀon Yêrikô lah ma Y-Êlisê: “Tĭng nâm kôranh lĕ saơ, ntŭk ƀon aơ jêng ueh, ƀiălah dak jêng kăch jêh ri neh mâu jêng ndơ ôh.”

II Phung Hađăch 2:7

Geh prăm jât nuyh tâm phung oh mon phung nơm mbơh lor hăn ndrel tâm ban lĕ, gŭ râng ngai ƀah, panăp đah ntŭk Y-Êli jêh ri Y-Êlisê dôl dâk êp kơh dak krong Yurdan.

II Phung Hađăch 4:37

Bu ur nây văch dăch, chon mon ta jâng păng jêh ri mbah; jêh nây bu ur nây chông leo kon păng jêh ri hăn luh.

II Phung Hađăch 5:22

Y-Gêhasi plơ̆ lah: “Lĕ rngôch nau jêng nau đăp mpăn. Kôranh gâp prơh gâp hăn lah ma may: ‘Ndơh nơh, geh bar hê phung bu klâu ndăm, jêng oh mon phung nơm mbơh lor, tă bơh n'gor klơ dor yôk Êphraim văch tât. Gâp dăn ma may ăn ma khân păng pe jât kilô prăk jêh ri bar gu kho ao.’”

II Phung Hađăch 9:1

Nơm mbơh lor Y-Êlisê kuăl du huê tâm phung oh mon phung nơm mbơh lor jêh ri lah: “Vân hom bŭt jêh ri sŏk leo du gri dak ƀâu kah aơ hăn rlet ma ƀon Ramôt-Gilêat.

Êsai 11:2

Brah Huêng Ueh Brah Yêhôva mra gŭ ta klơ Păng, Jêng brah nau gĭt mĭn jêh ri gĭt rbăng, Brah nau tâm nchră jêh ri nau brah, Brah nau gĭt rbăng jêh ri klach yơk ma Brah Yêhôva.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Amôt 7:14

Y-Amôt plơ̆ lah ma Y-Amasia pô aơ: “Gâp mâu jêng du huê nơm mbơh lor ôh, mâu lĕ jêng kon du huê nơm mbơh lor; ƀiălah gâp jêng du huê rmăk biăp jêh ri nơm mât mray tơm si sikamôr.

Nau Kơp Bunuyh 27:20

Jao hom ăn ma păng ƀaƀă nau dơi may, gay ma lĕ rngôch phung ƀon lan Israel tâm rƀŭn tông tĭng ma păng.

Kôranh Oh Mon 1:8

Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”

II Kôrintô 12:9

Ƀiălah Kôranh Brah lah: “Nau yô̆ Gâp bêng tŏng ma may, yorlah nau ktang Gâp plơ̆ jêng nŭm rĭng tâm nau rdja.” Pôri, gâp răm maak rnê êng âk ngăn ma lĕ nau rdja gâp, gay ma nau ktang Brah Krist gŭ tâm gâp.

Yôsuê 3:7

Brah Yêhôva lah ma Y-Yôsuê: “Nar aơ Gâp mra ntơm ƀư ma may geh nau yơk tanăp măt lĕ rngôch bunuyh ƀon lan Israel, gay ma khân păng dơi gĭt Gâp mra gŭ ndrel ma may tâm ban Gâp hŏ gŭ jêh ndrel ma Y-Môis.

Yôsuê 4:14

Tâm nar nây, Brah Yêhôva ƀư ma Y-Yôsuê geh nau yơk tanăp măt lĕ rngôch phung ƀon lan Israel; khân păng yơk ma păng tâm lĕ nar păng gŭ rêh tâm ban ma khân păng hŏ yơk ma Y-Môis.

I Pêtrôs 4:14

Tơlah bu suai rak khân may yor amoh Brah Krist, khân may geh ueh lăng ngăn, yorlah nau chrêk rmah Brah Huêng Ueh tă bơh Brah Ndu gŭ tâm khân may.

I Samuel 10:5

Jêh nau nây, may mra tât ta Gibêat Êlôhim, ta nây geh du pôih tahan phung Philistin. Tơlah lĕ lăp jêh tâm ƀon, may mra mâp du mpôl mbơh lor tă bơh ntŭk prêh klơ hăn jŭr, djôt gong rêng, gâr jê̆, n'hôm, jêh ri gong rêng loih hăn lor jêh ri khân păng mra mbơh lor.