II Phung Hađăch 2:13 - Nau Brah Ndu Ngơi 2023

¹³ Y-Êlisê dônh du mlâm ao jâr bơh Y-Êli tŭp jêh. Păng plơ̆ sĭt jêh ri gŭ nsrâng dâk êp kơh dak krong Yurdan.

II Phung Hađăch 2:13 ပူးပေါင်းရင်းမြစ်များ

I Phung Hađăch 19:19

Ntơm bơh nây, Y-Êli luh hăn jêh ri saơ Y-Êlisê, kon bu klâu Y-Saphat, dôl kai mir. Geh jât ma bar gu ndrôk dôl kai panăp Y-Êlisê, jêh ri păng nơm djôt gu ndrôk rơh jât ma bar. Y-Êli hăn rgăn jêh ri mƀăr ao jâr păng nơm ta klơ Y-Êlisê.

I Phung Hađăch 9:26

Hađăch Salômôn ƀư tay đŏng âk bôk kumpăn ta ƀon Êsiôn-Gêber, dăch Êlôt, ta kơh Dak Mƀŭt Chăng, tâm n'gor Êđôm.

II Phung Hađăch 2:12

Y-Êlisê uănh saơ nau nây jêh ri nter huy: “Mbơ̆ gâp! Mbơ̆ gâp! Ndeh seh jêh ri seh ndơ tâm lơh phung Israel!” Jêh nây păng mâu hôm saơ Y-Êli ôh. Păng kuăn ta ao păng nơm khêk jêng bar nchroi.

II Phung Hađăch 2:14

Pôri păng sŏk du mlâm ao jâr tŭp jêh bơh Y-Êli, dong ta klơ n'ha dak jêh ri lah: “Ta ntŭk Yêhôva Brah Ndu Y-Êli?” Tơlah Y-Êlisê hŏ dong ta klơ n'ha dak jêh tâm ban Y-Êli, dak tâm pă rnglah bar đah ding, jêh nây Y-Êlisê hăn rgăn.

II Phung Hađăch 2:8

Y-Êli sŏk ao jâr păng nơm, klôn păng jêh ri dong klơ n'ha dak. Dak krong tâm pă rnglah bar đah ding jêh ri lĕ bar hê hăn rgăn ta neh sơh.

ហេឞ្រើ 11:37

Khân păng dơn nau bu klŭp ma lŭ, ot ma ndruih jêng bar buh, nkhĭt ma đao gưm; nsong mblêng ta aơ ta ri, nsoh ma ntâu biăp, ntâu be, pưt kƀah, bu tŭn jot jêh ri ƀư nau mhĭk.

I Samuel 28:14

Hađăch ôp: “Mâm ay saơ muh măt păng?” Păng lah: “Nây jêng du huê bu klâu bu ranh hăn hao, nsoh du blah ao rjai.” Y-Sôl gĭt nây jêng Y-Samuel yơh, kŭnh bôk ro, chon ta neh jêh ri mbah.