II Phung Hađăch 2:1 - Nau Brah Ndu Ngơi 2023

¹ Tơlah Brah Yêhôva dăch djôt leo Y-Êli hao klơ trôk tâm trôm sial vănh blông, Y-Êli jêh ri Y-Êlisê hăn luh bơh Gilgal.

II Phung Hađăch 2:1 ပူးပေါင်းရင်းမြစ်များ

Nau Ntơm 5:24

Y-Ênŏk hăn ndrel Brah Ndu, jêh nây roh klăk, yorlah Brah Ndu vơt chông păng.

I Phung Hađăch 18:12

Tơlah gâp du jêh tă bơh may, Huêng Brah Yêhôva mra djôt leo may hăn moh ntŭk gâp mâu gĭt ôh. Pôri, tơlah gâp nkoch tay ma Y-Ahap, jêh ri hađăch mâu saơ ôh may, nanê̆ păng mra nkhĭt lơi gâp. Oh mon may klach yơk ma Brah Yêhôva ntơm bơh hôm kon se jê̆.

I Phung Hađăch 19:11

Brah Yêhôva lah ma păng: “Hăn luh hom, dâk ta klơ yôk panăp Brah Yêhôva.” Ri, Brah Yêhôva mra prot rgăn; geh sial khôm ktang ngăn, kŏ tât rlâm đang yôk jêh ri ƀư nchah lĕ lŭ tanăp măt Brah Yêhôva, ƀiălah mâu geh Brah Yêhôva gŭ tâm sial nây ôh. Jêh sial nây, geh nau n'găr neh ntu, ƀiălah mâu geh Brah Yêhôva gŭ tâm nau n'găr neh ntu nây ôh.

I Phung Hađăch 19:4

Bi păng hăn trong du nar đŏng lăp tâm bri rdah. Păng gŭ tâm dâng du tơm si n'ho toyh jêh ri mbơh sơm dăn ma păng khĭt: “Hơi Kôranh Brah! Lĕ găp jêh. Dăn ma May nglôch lơi nau rêh gâp, yorlah gâp mâu jêng ueh lơn ôh đah phung chô yau gâp.”

II Phung Hađăch 1:18

Lĕ kan êng Y-Ahasia hŏ ƀư bu hŏ nchih da dê tâm ndrom samƀŭt nau rêh jêng ma phung hađăch Israel.

II Phung Hađăch 2:11

Dôl khân păng hăn n'ho ma ngơi, aơ, geh du bôk ndeh seh ŭnh jêh ri seh ŭnh tâm nkhah bar hê khân păng, jêh nây Y-Êli hao rlet klơ trôk tâm sial vănh blông.

II Phung Hađăch 4:38

Y-Êlisê plơ̆ sĭt ma Gilgal. Nôk nây, tâm n'gor bri dôl geh nau ji ngot toyh. Phung oh mon phung nơm mbơh lor dôl gŭ panăp Y-Êlisê. Păng lah ma phung oh mon păng: “Sŏk hom glah ƀŭng toyh, gâm trao ăn ma phung oh mon phung nơm mbơh lor sa.”

Ndrom Samƀŭt bơh Yôp 38:1

Rnôk nây, tă tâm nklang phŭt sial vănh blông Brah Ndu plơ̆ lah ma Y-Yôp:

Luka 9:51

Tơlah dăch tât nar Brah Yêsu hao sĭt ta klơ trôk, Păng tâm nal hăn ta ƀon Yêrusalem.

Kôranh Oh Mon 1:9

Jêh Păng ngơi nau nây, Brah Ndu chông Păng hao klơ trôk, dôl phung oh mon gŭ uănh Păng. Geh du ndâr tŭk nkŭm ndâp Păng tă bơh măt khân păng.

ហេឞ្រើ 11:5

Yor ma nau chroh, Y-Ênŏk hao klơ jêh ri mâu mâp nau khĭt; bu mâu hôm saơ păng đŏng ôh, yorlah Brah Ndu vơt chông păng. Êlor Y-Ênŏk hao klơ, păng geh nau mbơh jêng gŭ rêh maak nuih n'hâm Brah Ndu.

Yôsuê 4:19

Lơ jât khay nguay, phung ƀon lan luh tă bơh dak krong Yurdan jêh ri ƀư rmlak ta Gilgal, ta nglĕ dŭt mpeh luh nar Yêrikô.

Yôsuê 5:9

Rnôk nây, Brah Yêhôva lah ma Y-Yôsuê: “Nar aơ Gâp hŏ sŏk lơi nau bêk prêng khân may bơh Êjipt.” Yor nây bu ntơ ma ntŭk nây jêng Gilgal kŏ tât ta nar aơ.

Nau Tâm Mpơl 11:12

Bar hê khân păng tăng du bâr ngơi huy ngăn tă bơh trôk lah pô aơ: “Hăn hao hom ta aơ!” Bar hê khân păng hao klơ trôk tâm ndâr tŭk; jêh ri phung rlăng khân păng saơ da dê.