II Phung Hađăch 19:28 - Nau Brah Ndu Ngơi 2023

²⁸ Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp, Pôri Gâp nklĕ ndar ta trôm muh may, Dơm kang thao tâm trôm mbung may. Gâp mra ƀư ăn ma may plơ̆ sĭt Tĭng trong may hŏ văch jêh.’

II Phung Hađăch 19:28 ပူးပေါင်းရင်းမြစ်များ

II Phung Hađăch 19:33

Păng mra plơ̆ sĭt ta trong păng văch tât, mâu dơi lăp tâm ƀon aơ ôh.’ Brah Yêhôva lah pônây.

II Phung Hađăch 19:7

Aơ, Gâp mra dơm du huêng tâm păng, ƀư ăn păng tăng nau bu nkoch bri jêh ri rŭch tahan plơ̆ sĭt ta bri păng nơm. Gâp mra ăn păng cha lôt khĭt tâm dâng mpiăt đao tâm bri păng.’”

Ndrom Samƀŭt bơh Yôp 41:13

Tâm trô ko păng geh n'hâm dăng ngăn, Nau klach krit pâl ntalơ̆ tanăp măt păng.

Ndrom Samƀŭt bơh Yôp 41:2

Mbu nơm hŏ ăn ma Gâp gay Gâp mplơ̆ sĭt tay? Lĕ rngôch ndơ tâm dâng trôk jêng ndơ Gâp da dê.

Nau Mprơ Ơm 32:9

Lơi ta jêng nâm bu seh jêh ri seh bri jêng ndơ mâu geh nau gĭt rbăng Bu n'găm trôm mbung ma gang jêh ri ma rse ndrăn mhe, gay ma khân păng dơi iăt nau, Tơlah mâu, khân păng mâu mra hăn dăch may ôh.

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Mprơ Ơm 65:7

May buay dak rlai ngrông huy, Mpiăt dak khuh lŭng nter; Păng buay nau uh ah mpôl băl bunuyh.

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Mprơ Ơm 74:23

Lơi chuêl ôh bâr nter lah phung rlăng đah May, Nau uh ah phung tâm rdâng đah May hao ƀaƀơ.

Nau Mprơ Ơm 74:4

Phung rlăng May ngrông ta nklang ntŭk tâm rƀŭn; Khân păng ndâk n'hao bok kơ gay ƀư nau tâm mbên.

Nau Mprơ Ơm 83:2

Yorlah ri, phung rlăng May ƀư nau uh ah, Jêh ri phung tâm rmot đah May n'gơr bôk.

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsêkiêl 19:9

Khân păng sŏk nglĕ nklĕ mphâk păng krŭng tâm ndrung Têk leo tât ma hađăch n'gor bri Babilôn; Khân păng nklăch păng tâm ndrung Gay mâu hôm tăng bâr păng đŏng ôh, Ta klơ yôk Israel.

Êsêkiêl 29:4

Gâp mra dơm lĕ nglĕ nklĕ ta bar kang may, Jêh ri ƀư ma ka tâm lĕ dak krong may mra krêp ta rsiap may. Gâp mra đŏt may luh du tă bơh lĕ dak krong may, Ndrel ma lĕ rngôch ka tâm lĕ dak krong Hŏ krêp jêh ta rsiap may đŏng.

Êsêkiêl 35:13

Phung khân may hŏ sŏk bâr mbung ngơi n'hao êng săk nơm jêh gay tâm rdâng đah Gâp jêh ri ngơi nau mhĭk ma Gâp. N'hêl nanê̆ Gâp, lĕ tăng jêh nau nây!’

Êsêkiêl 38:4

Gâp mra plăch may, dơm nglĕ nklĕ ta kang may jêh ri njŭn may hăn tâm lơh ndrel ma lĕ rngôch phung tahan may, seh nđâp ma phung tahan ncho seh, lĕ rngôch nsoh ao loih jêh ri rnglăp ƀư jêng du phung tahan âk ngăn. Lĕ rngôch khân păng cheng âk khêl toyh, khêl jê̆ jêh ri djôt đao da dê.

Amôt 4:2

Kôranh Brah Yêhôva hŏ dŏng nau kloh ueh Păng sơm ton pô aơ: “Mông nar mra tât ma khân may, Bu mra djôt nglĕ nklĕ nhŭp khân may, Dŏng nglĕ ndar gay nhŭp phung hôm gŭ rêh klen tâm phung khân may.

Luka 6:11

Ƀiălah khân păng ji nuih hâu ngăn jêh ri tâm nchră băl gay klăp lah ƀư moh nau ma Brah Yêsu.

Yôhan 15:18

“Lah neh ntu tâm rmot ma khân may, khân may gĭt neh ntu tâm rmot ma Gâp lor jêh.

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!