II Phung Hađăch 19:26 - Nau Brah Ndu Ngơi 2023

²⁶ Phung ƀon lan gŭ tâm lĕ ƀon nây mâu hôm geh nau ktang ôh, Klach krit jêh ri bêk prêng; Khân păng jêng nâm bu tơm si gơ̆ rêp tâm mir, Nâm bu gơ̆ ndrêh, Nâm bu gơ̆ nse hon ta klơ chor ngih, Nâm bu ba ƀlê hŏ klêu êlor hao prêh.

II Phung Hađăch 19:26 ပူးပေါင်းရင်းမြစ်များ

Nau Ntơm 41:23

Jêh nây, geh tay pơh ndrŏng ba nsiăp, kro, yorlah sial puh, luh tĭng pơh ndrŏng ba ri;

Nau Ntơm 41:6

Jêh nây, geh pơh ndrŏng ba êng, nsiăp jêh ri kro yor sial puh, luh tĭng pơh ndrŏng lor ri.

Nau Mprơ Ơm 102:11

Nar khay ngăch rlau nâm bu gui dăch roh, Nau rêh kro nâm bu kao gơ̆.

Nau Mprơ Ơm 127:1

Tơlah Brah Yêhôva mâu rdâk ngih Phung rdâk pah kan dơm dam. Tơlah Brah Yêhôva mâu gak njrăng ƀon, Pôri nơm tahan gak rngeh lĕ măng jêng dơm dam .

Nau Mprơ Ơm 92:7

Nđâp tơlah phung ƀai hon nâm bu gơ̆. Jêh ri phung mhĭk geh nau ndrŏng, Khân păng bu mra ƀư rai n'ho ro.

Êsai 13:8

Khân păng mra râm nsâr. Nau ji ktang jêh ri nau rngot mra tât ma khân păng; Khân păng mra ji tâm ban ma nau ji rngot klâng bu ur dôl deh kon. Khân păng mra tâm uănh ndrăng khân păng nơm ma nau klach, Muh măt khân păng chăng tâm ban ma ŭnh!

Yêrêmi 37:10

Nđâp lah phung khân may dơi lơh lĕ rngôch phung tahan Kaldê lah khân păng tâm lơh đah khân may kŏ tât tâm ngih bok khân păng knŏng hôm e phung sôt rmanh, pôri ăp nơm ăt dâk su ƀon aơ ma ŭnh.”

Yêrêmi 51:30

Phung tahan bri Babilôn rlu tâm lơh, Plơ̆ rŭch tâm lĕ ntŭk pôih nâp; Khân păng hŏ huăr ngăn jêh, Jêng tâm ban ma bu ur. Ngih vâl tâm ƀon toyh bu su ma ŭnh, Mâng rnăng mpông ƀon hŏ nkê̆ch pă jêh.

Yêrêmi 51:32

Lĕ mbong dak lĕ bu sŏk da dê jêh, Lĕ tŭk djut rpho treng lĕ ŭnh sa jêh, Phung tahan klach nsâr ngăn.”

Nau Kơp Bunuyh 11:23

Brah Yêhôva lah ma Y-Môis: “Ti Brah Yêhôva jêng gleh ir lĕ? Ăn may kâp uănh nau Gâp ngơi jêh ma may mra dơi jêng nau ngăn mâu lah mâu!”

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Mathay 10:27

Yor nây moh nau Gâp lah ma khân may tâm nau ngo, mbơh hom tâm ntŭk ang; moh nau khân may tăng ngơi huêt jêh êp tôr khân ay may, mbơh hom ta klơ chor ngih.

I Pêtrôs 1:24

Yorlah, “Lĕ rngôch nglay săk nâm bu gơ̆, Jêh ri lĕ rngôch nau chrêk rmah păng nâm bu kao gơ̆. Gơ̆ kro, kao rŭng,