II Phung Hađăch 19:21 - Nau Brah Ndu Ngơi 2023

²¹ Aơ jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma păng, gơm mưch ma may; Kon bu ur ƀon Yêrusalem Rteh bôk pakơi may.

II Phung Hađăch 19:21 ပူးပေါင်းရင်းမြစ်များ

Ndrom Samƀŭt bơh Yôp 16:4

Tơlah khân may gŭ tâm nau rêh geh kơt gâp, Gâp dơi lah tâm ban khân may đŏng; Gâp ăt drăp nkra rplay ngơi tâm rdâng đah khân may, Jêh ri rteh bôk uănh khân may.

Nau Mprơ Ơm 109:25

Gâp jêng ndơ ma khân păng mưch; Ăp tơ̆ khân păng saơ gâp, khân păng rteh bôk.

Nau Mprơ Ơm 137:8

Ơ kon bu ur Babilôn, nơm bu mra ƀư rai! Ueh maak yơh ma nơm mplơ̆ plơng may Tĭng nâm nau mhĭk may hŏ ƀư jêh ma he!

Nau Mprơ Ơm 44:14

May ƀư ma hên jêng nau ngơi ta nklang lĕ bri dak, Tâm phung mpôl băl bunuyh mbu saơ hên ăt rteh bôk.

Nau Mprơ Ơm 9:14

Gay ma gâp mbơh tay lĕ nau tâm rnê ma Kôranh Brah; Ta mpông ƀon Kon Bu Ur Siôn, Gâp răm maak ma nau May tâm rklaih.

Êsai 1:8

Bu chalơi kon bu ur Siôn Tâm ban ma du mlâm ndưp tâm đang krăk ƀâu, Tâm ban ma du mlâm nkơp gak tâm mir rpŭng, Tâm ban ma du rplay ƀon bu nchueng jêh.

Êsai 23:10

Ơ kon bu ur ƀon Tarsis, hăn rgăn hom bri neh khân ay, Tâm ban ma kuĭl dak krong Nil. Mâu hôm geh nau nhŭp kât ôh.

Êsai 23:12

Păng lah: “Ơ kon bu ur Sidôn, jêng bu ur druh bu tŭn jot, Ay mâu hôm răm maak ôh! Nchuăt gơnh hom tât ma n'gor Kitim! Ƀiălah ta nây may mâu lĕ mra dơi nau đăp.”

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Êsai 47:5

Ơ kon bu ur phung Kaldê, Gŭ rklăk hom, jêh ri rŭch ta ntŭk ngo! Yorlah bu mâu hôm mra rnha ay Jêng hađăch bu ur ma lĕ rngôch ƀon bri hađăch.

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 18:13

Yor ri, Brah Yêhôva lah: “Ôp hom tâm lĕ bri dak Geh nơm hŏ mâp tăng jêh nau tâm ban pônây lĕ? Bu ur druh Israel Hŏ ƀư du nau mhĭk toyh ngăn.

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 46:11

Ơ bu ur druh, kon bu ur bri Êjipt! Hăn hao hom ma bri Gilêat, jêh ri sŏk ntăk si ƀâu kah; Khân ay dŏng âk ntil dak si kŏ mâu khlay lĕ, Mâu geh nau ƀư bah ma khân ay ôh!

Nau Nhĭm Vơl 1:15

Kôranh Brah hŏ mưch jêh Lĕ rngôch phung tahan gŭ ta nklang gâp; Păng rgum du phung tahan âk tâm rdâng đah gâp Gay nchah jê̆ jê̆ phung bu klâu ndăm gâp; Kôranh Brah hŏ jot jêh bu ur druh phung Yuđa Nâm bu jot play krăk ƀâu tâm ntu păt ndrănh.

Nau Nhĭm Vơl 2:13

Hơi bu ur druh Yêrusalem, Moh ndơ gâp ƀư gay mbơh nkoch ăn ma may? Mbu đah ay tâm rđĭl? Hơi bu ur druh Siôn, Moh ndơ gâp sŏk tâm rđĭl đah may gay ma bonh leng ay? Nau mhĭk may toyh nâm bu dak mƀŭt. Mbu nơm dơi ƀư bah?

Nau Nhĭm Vơl 2:15

Lĕ rngôch bunuyh rgăn rŏ trong Tap ti, nsŭch, rteh bôk, Ntêh rmot bu ur druh ƀon Yêrusalem: “Di lĕ aơ jêng ƀon toyh bu ntơ: ‘Nau ueh reh rah vah ngăn, Nau răm rhơn ma lĕ rngôch neh ntu’ lĕ?”

Nau Nhĭm Vơl 4:21

Hơi kon bu ur Êđôm, gŭ tâm bri Us, Maak răm rhơn hom; Ƀiălah kachok ji nuih mra tât ta may, May mra nhŭl ndrănh jêh ri gŭ săk hưl.

Amôt 5:2

“Bu ur druh tang tat Israel lĕ cha lôt jêh, Mâu mra hôm dâk đŏng ôh. Bu lĕ mƀăr lơi jêh păng ta neh Mâu geh bunuyh kơl rdâk.”

Mika 4:8

Bi may jêng tŭm ma phung biăp, Yôk ma kon bu ur Siôn, Mra văch ma may, Nau dơi may chiă uănh kăl e mra plơ̆ tay, Nây jêng ƀon bri hađăch ma kon bu ur ƀon Yêrusalem.”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 27:39

Phung hăn rgăn ta nây gơm mưch, rteh bôk