II Phung Hađăch 19:19 - Nau Brah Ndu Ngơi 2023

¹⁹ Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt pô aơ knŏng êng Brah Yêhôva jêng Brah Ndu.”

II Phung Hađăch 19:19 ပူးပေါင်းရင်းမြစ်များ

I Phung Hađăch 20:28

Nôk nây, geh du huê bunuyh Brah Ndu hăn văch dăch hađăch Israel jêh ri lah pô aơ: “Brah Yêhôva lah: Yorlah phung Aram hŏ lah: ‘Brah Yêhôva jêng brah yôk mâu di brah rlŭng,’ yor nây Gâp mra jao phung tahan âk râk aơ tâm ti may, jêh ri khân may mra gĭt ma Gâp jêng Brah Yêhôva.”

I Phung Hađăch 8:42

(Yorlah khân păng hŏ tăng jêh ma amoh toyh May, ma ti brah May jêh ri ti May yơr sŏng jêh). Tơlah khân păng văch tât mbơh sơm tâm ngih brah aơ,

I Phung Hađăch 8:43

pôri dăn Kôranh Brah ta klơ trôk, jêng ntŭk May gŭ, rkêng tôr iăt jêh ri ƀư ma khân păng lĕ nau khân păng mbơh sơm dăn ma May, gay ma lĕ rngôch phung ƀon lan ta neh ntu dơi gĭt năl amoh Kôranh Brah jêh ri klach yơk ma May nâm bu phung ƀon lan Israel May, jêh ri gay ma bu gĭt năl ngih brah aơ gâp ndâk jêh ma May bu ntơ tâm amoh May.

I Phung Hađăch 8:60

gay ăn lĕ rngôch ntil mpôl bunuyh ta klơ neh gĭt ma Brah Yêhôva jêng Brah Ndu, mâu hôm geh brah êng ôh.

II Phung Hađăch 19:15

Y-Hêsêkia mbơh sơm tanăp Brah Yêhôva: “Ơ Brah Yêhôva, Brah Ndu Israel! Nơm gŭ ta klơ phung chêrubim, knŏng êng du huê May jêng Brah Ndu ma lĕ rngôch ƀon bri hađăch ta neh ntu. May yơh hŏ rhăk njêng jêh trôk jêh ri neh ntu.

II Phung Hađăch 5:15

Y-Naaman ndrel ma lĕ phung hăn tĭng păng plơ̆ tay tâm mâp đah bunuyh Brah Ndu. Păng tât dâk panăp Y-Êlisê jêh ri lah: “Aƀaơ aơ, gâp gĭt năl lam klơ neh ntu, mâu geh ôh brah êng rlau lơn Brah Ndu phung Israel. Pônây, dăn ma may sŏk dơn hom ndơ nhhơr aơ bơh oh mon may.”

I Nau Rêh Jêng 16:8

Mprơ tâm rnê hom ma Brah Yêhôva, jêh ri kuăl mbơh sơm ma amoh Păng, Mbơh hom nau kan Păng ta nklang phung mpôl băl bunuyh!

II Nau Rêh Jêng 32:1

Lôch kan aơ jêh ri nau răp jăp Y-Hêsêkia ƀư nây, geh Y-Sênakêrip hađăch Asiri văch tât lăp n'gor Yuđa, nchueng ŭch tâm lơh đah ƀon geh pôih tahan jêh ri đă bu ƀư rai ƀon nây.

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Ngluh Êjipt 7:17

Yor ri, Brah Yêhôva ngơi: ‘Ma nau aơ may mra gĭt Gâp jêng Brah Yêhôva.’ Aơ, gâp mra sŏk mâng jra tâm ti gâp mbang tâm dak krong, jêh ri dak nây mra jêng mham;

Yôsuê 4:24

Pônây, lĕ rngôch phung bunuyh ta neh ntu dơi gĭt mpang ti nau dơi Brah Yêhôva, jêh ri khân may tâm ban đŏng klach yơk ma Yêhôva Brah Ndu khân may ƀaƀơ.”

Yôsuê 7:9

Phung Kanaan jêh ri lĕ rngôch phung gŭ tâm bri nây mra tăng nau nĕ, mra nchueng hên jêh ri jut lơi amoh hên bơh neh. Nôk nây, mâm May mra ƀư amoh May jêng toyh?”