II Phung Hađăch 18:8 - Nau Brah Ndu Ngơi 2023

⁸ Păng tâm lơh đah phung Philistin tât ta ƀon Gaxa jêh ri nkual neh jŭm ƀon păng, ntơm bơh ngih tŭm gak tât ma ƀon geh pôih nâp.

II Phung Hađăch 18:8 ပူးပေါင်းရင်းမြစ်များ

I Phung Hađăch 5:4

Ƀiălah aƀaơ ri, Yêhôva Brah Ndu gâp, ăn jêh ma gâp dơi đăp mpăn gŭ jŭm, mâu hôm geh ôh phung rlăng, mâu đŏng hôm geh nau mhĭk tât.

II Phung Hađăch 17:9

Phung ƀon lan Israel ƀư lĕ nau mâu di tâm nau ndâp, ŭch tâm rdâng đah Yêhôva Brah Ndu khân păng. Khân păng ndâk lĕ ntŭk prêh klơ tâm lĕ rngôch ƀon, ntơm bơh ngih tŭm gak tât ma ƀon geh pôih nâp.

I Nau Rêh Jêng 4:41

Tâm rnôk Y-Hêsêkia; hađăch Yuđa, phung nây bu nchih amoh kăl e, khân păng hăn lơh lĕ pôih tahan noi deh Cham jêh ri phung Mêunim gŭ ta nây, ƀư rai lĕ khân păng, pit sŏk n'gor nây, jêh ri gŭ ta n'gor nây tât ma nar aơ; yorlah ta nây geh ndrêch gơ̆ gay siăm ma mpô mpa rong khân păng.

II Nau Rêh Jêng 26:10

Păng ndâk đŏng lĕ ngih tŭm tâm bri rdah, kuyh âk ntu dak, yorlah păng geh âk mpô mpa rong ta nkual Sêphêla nđâp tâm ntŭk nkual prêh. Hađăch geh đŏng phung ƀư mir, phung tăm krăk ƀâu ta klơ dor yôk jêh ri ta Karmel, yorlah păng ŭch nau tuch tăm.

II Nau Rêh Jêng 28:18

Phung Philistin văch rvan đŏng ăp ƀon tâm bri Sêphêla jêh ri Nêgep tâm n'gor Yuđa. Khân păng sŏk pit ƀon Bet-Sêmes, Aijalon, Gêdêrôt, Sôkô nđâp ma ƀon dăch păng, Timna nđâp ma ƀon dăch păng, jêh ri Gimsô nđâp ma ƀon dăch păng; jêh ri khân păng n'ho gŭ tâm ăp ntŭk nây.

Êsai 14:29

“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Êsai 5:2

Păng kuyh pŏk neh, dônh lĕ lŭ, Jêh ri tăm ntil play krăk ƀâu ueh. Păng rdâk du rplay ngih tŭm gak ta nklang đang krăk ƀâu Jêh ri kuyh du ntu păt ndrănh. Păng kâp gân ma păng geh play ueh, Ƀiălah păng geh knŏng play krăk ƀâu mhĭk.

Nau Vay Nkah Tay 2:23

Bi ma phung Avim, kăle ri khân păng gŭ tâm ƀon jê̆ jê̆ n'ho tât ta ƀon Gaxa, phung Kaptôrim tă bơh Kaptôr tât, ƀư rai khân păng jêh ri gŭ ntrok ntŭk khân păng.)

Yôsuê 15:47

Asdôt, lĕ ƀon toyh jêh ri ƀon jê̆ păng, Gaxa, lĕ ƀon toyh jêh ri ƀon jê̆ păng, tât ta dak n'hor Êjipt jêh ri ta kơh Dak Mƀŭt Toyh.