II Phung Hađăch 18:7 - Nau Brah Ndu Ngơi 2023

⁷ Yor ri, Brah Yêhôva gŭ ndrel păng, ăp nau păng ƀư, păng geh nau dơi. Păng dâk tâm rdâng dah hađăch Asiri, mâu tông bâr ma păng ôh.

II Phung Hađăch 18:7 ပူးပေါင်းရင်းမြစ်များ

Nau Ntơm 21:22

Rnôk nây, hađăch Abimêlek jêh ri Y-Pikôl jêng kôranh tahan, lah ma Y-Abraham: “Brah Ndu kơl may tâm lĕ kan may ƀư.

II Samuel 8:14

Păng njêng pôih tâm lam n'gor Êđôm, jêh ri lĕ rngôch phung Êđôm gŭ tâm dâng Y-Đavit. Brah Yêhôva ăn nau dơi ma Y-Đavit ăp ntŭk păng hăn.

II Samuel 8:6

Jêh ma nây, Y-Đavit njêng pôih ta ƀon Damas n'gor Aram; phung Aram pah kan jêh ri chê̆ pi ma Y-Đavit. Ta ntŭk Y-Đavit hăn tât, pôri Brah Yêhôva ăn păng dơi.

II Phung Hađăch 16:7

Y-Ahas đă phung mbơh hăn tât gay lah đah hađăch Asiri jêng Y-Tiglat-Pilêser: “Gâp jêng oh mon may jêh ri kon may. Dăn ma may văch tâm rklaih gâp bơh ti hađăch Aram jêh ri hađăch Israel yorlah khân păng rduh lơh đah gâp.”

II Phung Hađăch 17:3

Hađăch Asiri jêng Y-Salmanêser hăn hao tâm lơh đah Y-Hôsêa, ƀư ăn păng tông bâr jêh ri chê̆ pi ma Y-Salmanêser.

II Phung Hađăch 18:14

Y-Hêsêkia, hađăch Yuđa, njuăl nơm mbơh hăn tât ta ƀon Lakis gay lah ma hađăch Asiri pô aơ: “Gâp ƀư tih jêh. Dăn ma may rŭch plơ̆ phung tahan may tă bơh gâp; moh ndơ may kêh ta gâp, gâp mra anh.” Hađăch Asiri nchâp ma Y-Hêsêkia, ăn hađăch Yuđa chê̆ sĭn rbăn kilô prăk, jêh ri sĭn rhiăng kilô mah.

II Phung Hađăch 18:20

May mĭn knŏng ma rplay ngơi dơm dam dơi rgâl nau blau nchră jêh ri nau dăng ktang gay tâm lơh hĕ? Pôri aƀaơ, ma mbu may rnơm nsing kŏ tât may janh tâm rdâng đah gâp?

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 31:21

Tâm lĕ kan hađăch ƀư, bơh nau pah kan tâm ngih Brah Ndu tât nau djôt prăp nau vay mâu lah nau vay ntăm, păng tĭng joi Brah Ndu ma lĕ nuih n'hâm, rĭ dĭng păng dơi chăt jêng.

II Nau Rêh Jêng 32:30

Y-Hêsêkia yơh bât n'hor dak Gihôn, jêh ri n'hoch păng hoch mŭr tâm dâng neh mpeh nhâp nar ƀon Đavit. Tâm lĕ kan Y-Hêsêkia ƀư dơi chăt jêng da dê.

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 60:12

Rnơm Brah Ndu, phung kon mra dơi đah tâm lơh toyh; Yorlah Păng yơh mra jot plên phung rlăng đah hên.

Êsai 33:6

Păng mra jêng nau nâp ma nar jêh ri mông khân may, Jêng nau tâm rklaih rmeh ler, nau blau mĭn, jêh ri nau gĭt rbăng; Nau klach yơk ma Brah Yêhôva jêng jay ndơ khlay Păng ăn.

Êsai 36:5

Gâp ôp may pô aơ may mĭn knŏng ma rplay ngơi dơm dam dơi rgâl nau blau nchră jêh ri nau dăng ktang gay tâm lơh hĕ? Aƀaơ ma mbu may rnơm nsing kŏ tât may janh tâm rdâng đah gâp?

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Phung Kôranh Phat Dôih 1:19

Brah Yêhôva gŭ ndrel ndŭl mpôl Yuđa jêh ri khân păng dơi pit n'gor klơ dor yôk. Ƀiălah khân păng mâu dơi mprơh phung ƀon lan gŭ ta n'gor neh lâng yorlah khân păng geh âk ndeh ma loih.

I Samuel 18:14

Y-Đavit geh nau dơi tâm lĕ kan păng ƀư yorlah Brah Yêhôva gŭ ndrel ma păng.

I Samuel 18:5

Tơlah Y-Đavit hăn tâm lơh, lĕ ntŭk Y-Sôl prơh păng hăn, păng dơi jêng da dê. Pôri Y-Sôl n'hao kan ma păng jêng kôranh chiă uănh toyh ma phung tahan. Păng dơi ƀư maak ma lĕ rngôch phung ƀon lan jêh ri phung oh mon Y-Sôl.