II Phung Hađăch 18:6 - Nau Brah Ndu Ngơi 2023

⁶ Păng kuăn nâp ngăn Brah Yêhôva, mâu du tă bơh Păng ôh, ƀiălah djôt prăp lĕ nau vay Brah Yêhôva ntăm, hŏ ntăm jêh ma Y-Môis.

II Phung Hađăch 18:6 ပူးပေါင်းရင်းမြစ်များ

II Phung Hađăch 17:13

Ƀiălah, Brah Yêhôva hŏ dŏng nơm mbơh lor, nơm geh nau tâm saơ gay mbơh ma phung ma phung Israel jêh ri phung Yuđa pô aơ: “Chalơi hom bơh trong djơh mhĭk khân may! Djôt prăp hom nau vay ntăm jêh ri nau vay bơh Gâp, tĭng nâm lĕ nau vay Gâp ntrŭnh ma phung chô yau khân may, jêh ri lĕ nau Gâp hŏ dŏng oh mon Gâp jêng phung nơm mbơh lor ngơi ma khân may.”

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

II Phung Hađăch 17:19

Phung Yuđa mâu đŏng djôt prăp lĕ nau vay Yêhôva Brah Ndu ntăm khân păng. Khân păng hăn tĭng lĕ nau vay phung Israel hŏ nkra jêh.

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Êsai 38:3

“Ơ Brah Yêhôva, dăn kah gĭt hom pô aơ gâp hôm chuat hăn răp jăp tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Yêrêmi 11:4

Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.

Yôhan 14:15

“Lah khân may rŏng ma Gâp, khân may mra djôt prăp lĕ nau vay Gâp.

Yôhan 14:21

Mbu nơm geh nau vay Gâp jêh ri djôt prăp, nơm nây yơh rŏng ma Gâp. Mbu nơm rŏng ma Gâp Mbơ̆ Gâp mra rŏng ma păng, Gâp mra rŏng ma păng lĕ, jêh ri tâm mpơl Gâp nơm ma păng.”

Yôhan 15:10

Lah khân may djôt prăp nau Gâp ntăm, khân may mra gŭ tâm nau Gâp rŏng, tâm ban ma Gâp djôt prăp nau Mbơ̆ Gâp ntăm jêh ri Gâp gŭ tâm nau rŏng Păng.

Yôhan 15:14

Lah khân may ƀư tĭng nau Gâp ntĭm nti, khân may jêng băl Gâp.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Nau Vay Nkah Tay 10:12

“Pôri, Hơi phung Israel, aƀaơ aơ moh nau Yêhôva Brah Ndu khân may gay ŭch ăn khân may ƀư, knŏng klach yơk ma Yêhôva Brah Ndu, hăn tâm trong Păng, rŏng ma păng lĕ nuih n'hâm, ma lĕ huêng may jêh ri pah kan ma Yêhôva Brah Ndu,

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Yôsuê 23:8

Ƀiălah tâm rnglăp hom đah Yêhôva Brah Ndu khân may, nâm bu khân may ƀư jêh tât ta nar aơ.

I Yôhan 5:3

He rŏng ma Brah Ndu nâm bu ntĭt he tông prăp lĕ nau vay Păng ntăm; nau vay Păng ntăm mâu jâk jêr ôh.