II Phung Hađăch 18:4 - Nau Brah Ndu Ngơi 2023

⁴ Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

II Phung Hađăch 18:4 ပူးပေါင်းရင်းမြစ်များ

I Phung Hađăch 22:43

Hađăch hăn tĭng trong mbơ̆ păng jêng Y-Asa, mâu teng bơh trong nây ôh. Hađăch ƀư nau ueh tanăp măt Brah Yêhôva.

II Phung Hađăch 10:26

ngluh lơi lĕ n'gâng mbah ngih brah Baal jêh ri su lơi păng.

II Phung Hađăch 11:18

Jêh nây lĕ rngôch ƀon lan tâm n'gor văch tât jêh ri rơih lơi ngih brah Baal. Khân păng nchah lơi lĕ nơng ƀư brah jêh ri rup brah Baal jêng âk rngơl. Hôm Y-Matan, kôranh ƀư brah ma brah Baal, bu nkhĭt lơi khân păng. Jêh nau nây, kôranh ƀư brah dơm phung gak njrăng ngih Brah Yêhôva.

II Phung Hađăch 12:3

Ƀiălah, mâu ƀư rai ôh lĕ ntŭk prêh klơ; phung ƀon lan ăt hôm nhhơr mpa ƀư brah jêh ri su n'hôl ƀâu kah ta ntŭk prêh klơ.

II Phung Hađăch 14:4

Bu mâu ƀư rai ôh lĕ ntŭk prêh klơ, pôri phung ƀon lan ăt hôm nhhơr mpa ƀư brah jêh ri su n'hôl ƀâu kah ta lĕ ntŭk prêh klơ nây.

II Phung Hađăch 15:35

Ƀiălah bu mâu ƀư rai ôh lĕ ntŭk prêh klơ; phung ƀon lan ăt hôm nhhơr mpa ƀư brah jêh ri su n'hôl ƀâu kah ta lĕ ntŭk prêh klơ. Y-Jôtham ndâk mpông pêr ta klơ ngih Brah Yêhôva.

II Phung Hađăch 15:4

Bu mâu ƀư rai ôh lĕ ntŭk prêh klơ, pôri phung ƀon lan ăt hôm nhhơr mpa ƀư brah jêh ri su n'hôl ƀâu kah ta lĕ ntŭk prêh klơ.

II Phung Hađăch 16:15

Jêh nây hađăch Ahas ntĭnh ma kôranh ƀư brah Y-Urija pô aơ: “Ta klơ nơng ƀư brah toyh, nhhơr hom ndơ ƀư brah gŭch ăp ôi jêh ri ndơ ƀư brah rnih môi ăp mhaơ, jêh ri ndơ ƀư brah gŭch jêh ri ndơ ƀư brah rnih môi hađăch, ndơ ƀư brah gŭch jêh ri ndơ ƀư brah rnih môi lĕ rngôch phung ƀon lan tâm n'gor ndrel ma ndơ nhhơr nhêt, jêh ri mbrih mham mpa ƀư brah bơh ndơ ƀư brah gŭch, nđâp lĕ mham bơh lĕ mpa ƀư brah êng ta klơ nơng ƀư brah nây. Bi nơng ƀư brah ma kông gâp mra dŏng prăp ma gâp gay ôp nau mĭn Kôranh Brah.”

II Phung Hađăch 18:22

Klăp lah khân may mra lah ma gâp pô aơ: ‘Hên rnơm nsing ma Yêhôva Brah Ndu hên. Mâu hĕ di Y-Hêsêkia nơm ƀư rai jêh lĕ ntŭk prêh jêh ri nơng ƀư brah klơ ta nây, jêh nây ntăm ma phung Yuđa jêh ri ma ƀon Yêrusalem yơk mbah panăp nơng ƀư brah ta Yêrusalem hĕ?’

II Phung Hađăch 21:3

Păng ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma Baal, ndâk rup brah Asêrah nâm bu Y-Ahap, hađăch Israel, ƀư jêh. Păng chon mbah jêh ri yơk mbah ma lĕ rngôch mănh mbing.

II Phung Hađăch 23:14

Păng nchah lơi hăch rhên lĕ n'gâng mbah, kăl lơi lĕ rup Asêrim, jêh ri bun bêng nting ta lĕ ntŭk nây.

II Phung Hađăch 23:4

Hađăch ntĭnh ma Y-Hilkia kôranh ƀư brah toyh lơn jêh ri phung kôranh ƀư brah groi, jêh nây ma phung chiă uănh mpông ngih brah, sŏk ngluh lơi lĕ rngôch tă bơh ngih Brah Yêhôva, lĕ rngôch khăl ngan bu ƀư jêh ma brah Baal, ma brah Asêra, jêh ri ma lĕ rngôch phung tâm trôk. Păng su lơi ndơ nây padih mpâr ƀon Yêrusalem tâm mir Kidrôn, jêh ri djôt leo ŭnh buh ndơ nây ma ƀon Bêthel.

II Nau Rêh Jêng 19:3

Ƀiălah tâm may hôm geh nau ueh, yorlah may pih kloh jêh lĕ rup brah Asêrah ngluh lơi bơh n'gor bri, jêh ri lĕ nuih n'hâm tǐng joi Brah Ndu.”

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

II Nau Rêh Jêng 33:3

Y-Manasê ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma brah Baal, ƀư lĕ rup ma bu ur brah Asêrah, yơk mbah ma lĕ rngôch mănh mbing klơ trôk jêh ri pah kan ma phung nây.

Nau Mprơ Ơm 78:58

Khân păng nsônh nuih Kôranh Brah yor lĕ ntŭk prêh, Ƀư ma Păng ji nuih yor lĕ rup trah.

Nau Ngluh Êjipt 23:24

Lơi chon mbah jêh ri pah kan ma phung brah khân păng; lơi kơt nau kan khân păng ƀư. Ăn kon ƀư rai lĕ ƀhiau phung brah jêh ri mbang hăch ăn lĕ n'gâng khân păng mbah.

Nau Ngluh Êjipt 34:13

Ƀiălah ăn khân may ƀư rai lơi nơng ƀư brah, mbang nchah rai lĕ n'gâng mbah jêh ri kăl lơi lĕ rup khân păng.

Êsai 36:7

Klăp lah may lah ma gâp pô aơ: “Hên rnơm nsing ma Yêhôva Brah Ndu hên.” Ƀiălah mâu di hĕ păng yơh jêng Nơm Y-Hêsêkia hŏ sŏk mƀăr lơi jêh ta lĕ ntŭk prêh jêh ri nơng ƀư brah ma Păng, dôl lah ma phung Yuđa jêh ri ma ƀon Yêrusalem pô aơ: “Khân may yơk mbah hom tanăp nơng ƀư brah aơ,” mâu di?

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Nau Vay Nkah Tay 5:5

Nôk nây, gâp dâk vah vang Brah Yêhôva jêh ri khân may, gay mbơh ma khân may nau Brah Yêhôva ngơi, yorlah khân may saơ ŭnh jêh ri klach, mâu hăn hao ôh klơ yôk. Păng lah:

Nau Vay Nkah Tay 7:5

Ƀiălah ma phung ƀon lan nây ăn khân may nkra kơt aơ: ƀư rlâm lơi lĕ nơng ƀư brah, nchah rai lĕ n'gâng mbah, kăl lơi lĕ rup ndah Asêrim, jêh ri su lơi ma ŭnh lĕ rup khân păng.

Phung Kôranh Phat Dôih 6:25

Tâm măng nây đŏng, Brah Yêhôva lah ma Y-Gidêôn: “Sŏk hom ndrôk nkuăng rah mbơ̆ may, nây jêng ndrôk nkuăng rơh bar geh jêh pơh năm, jêh nây ƀư rlâm lơi nơng brah Baal jêng ndơ mbơ̆ may hŏ rdâk jêh jêh ri kăl lơi rup brah Asêrah êp meng nơng.

Phung Kôranh Phat Dôih 6:28

Ơm ôi taơ, nôk phung ƀon lan tâm ƀon nây kah rngăl, khân păng saơ nơng brah Baal rlâm chah jêh, êp meng rup brah Asêrah bu kăl lơi jêh, jêh ri ndrôk nkuăng rơh bar hŏ nhhơr jêng ndơ ƀư brah gŭch ta klơ nơng ƀư brah bu mhe ndâk nây.