II Phung Hađăch 18:37 - Nau Brah Ndu Ngơi 2023

³⁷ Y-Êliakim, kon Y-Hilkia jêng kôranh mât uănh ngih hađăch, Y-Sêpna jêng kôranh nchih samƀŭt jêh ri Y-Jôa jêng kôranh kâp nchih samƀŭt nau tât, kon Y-Asap, nkhêk ao khân păng nơm, jêh nây plơ̆ sĭt nkoch tay ma hađăch Hêsêkia lĕ nau Y-Rabshakeh ngơi.

II Phung Hađăch 18:37 ပူးပေါင်းရင်းမြစ်များ

Nau Ntơm 37:29

Nôk Y-Ruben plơ̆ tay ta ntu nây, mâu saơ ôh Y-Yôsep gŭ tâm dâng nây, pôri păng nkhêk ao păng nơm,

Nau Ntơm 37:34

Y-Yakôb nkhêk kho ao, sŏk bok ƀau mbăn ta bŭt jêh ri rngot klâng ma kon păng jŏ nar.

II Samuel 8:16

Y-Jôap, kon H'Sêruya, jêng kôranh toyh ma lĕ rngôch phung tahan; Y-Jêhôsaphat, kon Y-Ahilut, jêng kôranh kâp nchih samƀŭt prăp nau tât;

II Phung Hađăch 18:18

Khân păng dăn tâm mâp ma hađăch. Ƀiălah kôranh mât uănh ngih hađăch jêng Y-Êliakim, kon Y-Hilkia, kôranh nchih samƀŭt Y-Sêpna, jêh ri nơm kâp nchih nau tât jêng Y-Jôa, kon Y-Asap, luh ran vơt ma khân păng.

II Phung Hađăch 18:26

Y-Êliakim, kon Y-Hilkia, ndrel ma Y-Sêpna jêh ri Y-Jôa lah ma Y-Rabshakeh: “Dăn lah đah phung oh mon may tâm nau ngơi Aram, yorlah hên gĭt rbăng nau nây. Dăn lơi ngơi ôh ma hên nau ngơi phung Yuđa, klach lah phung ƀon lan gŭ ta klơ mpêr ƀon dơi tăng.”

II Phung Hađăch 18:36

Ƀiălah phung ƀon lan gŭ rklăk, mâu plơ̆ sĭt lah du play ngơi ôh, yorlah hađăch ntăm jêh: “Khân may lơi plơ̆ lah ma păng ôh.”

II Phung Hađăch 19:1

Tơlah tăng nau nây, hađăch Hêsêkia nkhêk bok ao păng ro, nsoh ao ƀau jêh ri lăp tâm ngih Brah Yêhôva.

II Phung Hađăch 22:11

Lah tăng lĕ nau ngơi tă bơh ndrom samƀŭt nau vay, hađăch nkhêk ro ao păng nơm.

II Phung Hađăch 22:19

‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

II Phung Hađăch 5:7

Tơlah jêh hađăch Israel răk samƀŭt nây lôch jêh, păng nkhêk ro bok ao păng jêh ri lah: “Păng prơh nơm văch ma gâp gay gâp ƀư bah ji phŭng. Gâp mâu di jêng Brah Ndu lĕ, dĭng dơi nkhĭt jêh ri ăn dâk rêh? Ăn khân may gĭt jêh ri saơ pô aơ păng joi nau gay ƀư jêr đah gâp.”

II Phung Hađăch 6:30

Tơlah hađăch tăng lĕ nau bu ur nây ngơi lôch jêh, păng nkhêk lơi ro bok ao păng nơm. Nôk nây, păng dôl hăn rgăn ta klơ mpêr ƀon, phung ƀon lan saơ, păng nsoh ao ƀau.

II Nau Rêh Jêng 32:1

Lôch kan aơ jêh ri nau răp jăp Y-Hêsêkia ƀư nây, geh Y-Sênakêrip hađăch Asiri văch tât lăp n'gor Yuđa, nchueng ŭch tâm lơh đah ƀon geh pôih tahan jêh ri đă bu ƀư rai ƀon nây.

Êsra 9:3

Tơlah tăng nau nây jêh, gâp nkhêk lơi ao tâm dâng gâp, ao jong gâp, tôch têp, rôk sŏk ta klơ bôk jêh ri gâp gŭ rngot.

Ndrom Samƀŭt bơh Yôp 1:20

Y-Yôp dâk ro, nkhêk ao păng jêh ri poih bôk jêh nây chon mon ta neh mbah yơk

Êsai 22:20

Tâm nar nây, Gâp mra kuăl oh mon Gâp jêng Y-Êliakim, kon bu klâu Y-Hilkia.

Êsai 33:7

Aơ, phung tahan janh ktang khân păng lŭng nter nhĭm padih trong, Phung mbơh ma nau đăp mpăn nhĭm rngot ngăn.

Yêrêmi 36:24

Hađăch nđâp ma phung tĭng ndô̆ păng hŏ tăng lĕ rngôch jêh nau nây, ƀiălah mâu du huê klach ôh mâu lah nkhêk bok ao khân păng nơm.

Mathay 26:65

Nôk nây, kôranh ƀư brah toyh lơn nkhêk ao păng nơm jêh ri lah: “Păng ngơi sưr rlau jêh. Mâm ƀư he ŭch ma nơm mbơh đŏng? Khân may mhe tăng jêh nau păng ngơi sưr rlau nây. Mâm khân may mĭn?”