II Phung Hađăch 18:32 - Nau Brah Ndu Ngơi 2023

³² kŏ tât tơlah gâp văch njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh, piăng let jêh ri đang krăk ƀâu, du n'gor geh dak ngi ôlive jêh ri dak sŭt. Pônây, khân may mra dơi gŭ rêh jêh ri mâu khĭt ôh. Pônây khân may lơi iăt ôh nau Y-Hêsêkia, yorlah păng ndơm mƀruh khân may nôk pô aơ Brah Yêhôva mra tâm rklaih he.

II Phung Hađăch 18:32 ပူးပေါင်းရင်းမြစ်များ

Nau Ntơm 49:11

Păng kât kon seh bri păng ta tơm krăk ƀâu, Jêh ri kât kon seh bri păng ta n'gĭng tơm krăk ƀâu nse ueh ngăn. Păng mra pih kho ao păng tâm ndrănh krăk ƀâu, Jêh ri pih ao păng tâm mham play krăk ƀâu.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 18:11

Hađăch Asiri njŭn leo phung Israel ma n'gor bri Asiri, dơm khân păng tâm ƀon Hala, ta kơh dak krong Habôr, tâm n'gor Gôsan, jêh ri tâm lĕ ƀon n'gor Mêdơ.

II Phung Hađăch 19:10

“Khân may ngơi hom ma Y-Hêsêkia, hađăch Yuđa, pô aơ: ‘Lơi ăn Brah Ndu may, jêng Nơm may rnơm nsing, ndơm mƀruh may ôh pô aơ Yêrusalem mâu mra tŭp tâm ti hađăch Asiri.’

II Phung Hađăch 25:11

Kôranh phung tahan gak Nêbusaradan njŭn leo phung ƀon lan hôm klen gŭ tâm ƀon, ndrel ma phung du ran lăp jêh ma hađăch Babilôn saơm, jêh ri ndrel ma lĕ rngôch phung ƀon lan hôm e, njŭn leo hăn ƀư bu nă.

Nau Mprơ Ơm 3:3

Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

Nau Mprơ Ơm 42:4

Kăl e gâp hăn ndrel ma băl âk, Leo khân păng tât ta ngih Brah Ndu Geh bâr troh maak jêh ri mprơ tâm rnê, Ta nklang băl âk gŭ tâm rƀŭn. Aƀaơ kah gĭt lĕ nau nây Nuih n'hâm gâp rngot klâng, nuih n'hâm rngot ngăn ngên.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Êsai 36:17

kŏ tât gâp văch jêh ri njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh mhe, du bri geh piăng let jêh ri đang krăk ƀâu.

Nau Kơp Bunuyh 14:8

Tơlah Yêhôva maak đah he, Păng mra njŭn he lăp tâm n'gor nây jêh ri ăn ma he du n'gor bêng ma dak toh jêh ri dak sŭt.

Nau Vay Nkah Tay 11:12

jêng n'gor Yêhôva Brah Ndu khân may mât mray. Măt Yêhôva Brah Ndu khân may uănh treng ƀaƀơ n'gor nây bơh bôk năm tât lôch năm.