II Phung Hađăch 18:31 - Nau Brah Ndu Ngơi 2023

³¹ Lơi ta iăt Y-Hêsêkia, yorlah hađăch Asiri lah pô aơ: Ƀư hom nau đăp mpăn đah gâp jêh ri luh ran lăp ma gâp; pôri ăp nơm tâm khân may mra dơi sa kao play tâm đang krăk ƀâu, n'gar rvi păng nơm, jêh ri nhêt dak tă bơh ndrâm ntu păng nơm,

II Phung Hađăch 18:31 ပူးပေါင်းရင်းမြစ်များ

Nau Ntơm 32:20

jêh ri lah: ‘Ri, oh mon may Y-Yakôb, hăn pakơi hên.’” Yorlah Y-Yakôb mĭn êng: “Gâp njuăl lĕ ndơ ăn nây hăn lor ma gâp gay ƀư ma Y-Êsau bah ji nuih, jêh nây dĭng mâp muh măt; klăp lah păng mra vơt dơn gâp ueh.”

Nau Ntơm 33:11

Gâp dăn ma may sŏk hom ndơ gâp ăn ma may, yorlah Brah Ndu hŏ yô̆ nđach gâp, jêh ri ăn ma gâp geh rĭng ăp ndơ jêh.” Păng nchâp ngăn jêh ri Y-Êsau sŏk dơn.

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

I Phung Hađăch 4:25

Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

I Phung Hađăch 5:5

Yor ri, gâp ŭch ƀư du mlâm ngih brah ma amoh Yêhôva Brah Ndu gâp, tĭng nâm Brah Yêhôva hŏ ntĭnh jêh ma Y-Đavit, mbơ̆ gâp pô aơ: ‘Kon bu klâu may, Gâp mra dơm ta sưng hađăch chiă uănh thoi ntrok may, mra ndâk du mlâm ngih brah ma amoh Gâp.’

II Phung Hađăch 18:30

Lơi ăn Y-Hêsêkia ndơm khân may rnơm nsing ma Brah Yêhôva tơlah pô aơ n'hêl nanê̆ Brah Yêhôva mra tâm rklaih he; jêh ri bu mâu mra jao ƀon aơ tâm ti hađăch Asiri ôh.

Nau Hôr 18:16

Ndơ ăn bơh du huê bunuyh pơk trong ăn ma nơm nây Jêh ri njŭn leo tât tanăp măt phung geh nau dơi toyh.

Nau Hôr 27:18

Mbu nơm mât mray tơm rvi mra sa play păng, Jêh ri mbu nơm pah kan ma kôranh păng mra geh nau yơk.

Yêrêmi 14:3

Phung ndrŏng prơh phung oh mon hăn joi dak; Khân păng hăn tât nglao, Ƀiălah mâu saơ dak ôh, Djôt yăng dơm plơ̆ sĭt; Khân păng prêng, rŭng răng, Nkŭm lơi bôk.

Sakari 3:10

Brah Yêhôva ma phung tahan lah: “Tâm nar nây, ăp nơm tâm khân may mra jă bunuyh chiau meng păng gŭ tâm dâng tơm krăk ƀâu jêh ri tơm rvi.”