II Phung Hađăch 18:3 - Nau Brah Ndu Ngơi 2023

³ Păng ƀư nau di tanăp măt Brah Yêhôva tâm ban Y-Đavit, chô yau păng, ƀư jêh.

II Phung Hađăch 18:3 ပူးပေါင်းရင်းမြစ်များ

I Phung Hađăch 11:38

Tơlah may tông bâr nau vay Gâp ntăm, hăn tĭng ndô̆ lĕ trong Gâp, ƀư nau di tanăp măt Gâp, djôt prăp lĕ nau vay dăp jêh ri lĕ nau ntăm bơh Gâp nâm bu oh mon Gâp jêng Y-Đavit hŏ ƀư jêh, Gâp mra gŭ ndrel ma may, njêng ma may du nau chiă uănh nâp ktang nâm bu Gâp hŏ njêng jêh ma Y-Đavit, jêh ri Gâp mra ăn phung Israel ma may.

I Phung Hađăch 11:4

Di ngăn, tơlah Y-Salômôn ranh jêh, phung ur hađăch nsŭk nuih n'hâm hađăch hăn tĭng phung brah êng. Nuih n'hâm hađăch mâu hôm răp jăp ôh đah Yêhôva Brah Ndu păng nơm nâm bu Y-Đavit, mbơ̆ hađăch,

I Phung Hađăch 15:11

Y-Asa ƀư nau di tanăp măt Brah Yêhôva, nâm bu Y-Đavit, che păng hŏ ƀư.

I Phung Hađăch 15:5

Yorlah Y-Đavit ƀư jêh nau ueh jêng sŏng tanăp măt Brah Yêhôva, du njăr nau rêh păng mâu chalơi du ntil nau ôh bơh nau Brah Yêhôva hŏ ntĭnh ma păng, padih ma nau đah Y-Uri, bunuyh Hitit.

I Phung Hađăch 3:14

Tơlah may chuat hăn tâm trong Gâp, djôt prăp lĕ nau vay dăp jêh ri lĕ nau vay Gâp ntăm, tâm ban mbơ̆ may jêng Y-Đavit hŏ chuat hăn, Gâp mra ăn ma may dơi rêh jŏ năm.”

II Phung Hađăch 12:3

Ƀiălah, mâu ƀư rai ôh lĕ ntŭk prêh klơ; phung ƀon lan ăt hôm nhhơr mpa ƀư brah jêh ri su n'hôl ƀâu kah ta ntŭk prêh klơ.

II Phung Hađăch 14:3

Păng ƀư nau di tanăp măt Brah Yêhôva, ƀiălah mâu di nâm bu chô yau păng jêng Y-Đavit; păng ƀư tĭng lĕ nau bơh Y-Jôas, mbơ̆ păng hŏ ƀư jêh.

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

II Phung Hađăch 22:2

Păng ƀư nau sŏng tanăp măt Brah Yêhôva, hăn tĭng tâm lĕ trong Y-Đavit, chô yau păng, jêh ri păng mâu teng mpeh pa ma mâu lah mpeh pa chiau ôh.

II Nau Rêh Jêng 29:2

Păng ƀư nau di tanăp măt Brah Yêhôva tĭng nâm lĕ rngôch nau chô yau păng Y-Đavit, ƀư jêh.

Ndrom Samƀŭt bơh Yôp 33:27

Bunuyh nây mra mprơ tanăp kon bunuyh pô aơ: ‘Gâp hŏ ƀư tih jêh ri nkê̆ch ăn kue nau sŏng, Ƀiălah mâu geh ôh nau rmal nâm bu nau gâp mra dơn.

Nau Mprơ Ơm 119:128

N'hêl nanê̆ ngăn, gâp gĭt năl lĕ nau May ntăm ma lĕ ntil mpô mpa jêng di ngăn; Jêh ri gâp tâm rmot ma lĕ rngôch trong nau mƀruh.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Êsai 38:3

“Ơ Brah Yêhôva, dăn kah gĭt hom pô aơ gâp hôm chuat hăn răp jăp tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Samƀŭt Pôl Njuăl Ăn Ma Phung Nsing Ta Ƀon Rôm 7:12

Pôri, nau vay jêng kloh, nau vay ntăm ăt jêng kloh, sŏng srăng, jêh ri ueh.

Êphêsô 6:1

Hơi phung kon, tông hom ma mê̆ mbơ̆ khân may nơm tâm Kôranh Brah, yorlah aơ jêng nau di ngăn.

Nau Vay Nkah Tay 10:12

“Pôri, Hơi phung Israel, aƀaơ aơ moh nau Yêhôva Brah Ndu khân may gay ŭch ăn khân may ƀư, knŏng klach yơk ma Yêhôva Brah Ndu, hăn tâm trong Păng, rŏng ma păng lĕ nuih n'hâm, ma lĕ huêng may jêh ri pah kan ma Yêhôva Brah Ndu,

Nau Vay Nkah Tay 6:18

Ăn khân may ƀư nau sŏng jêh ri nau ueh tanăp măt Brah Yêhôva, gay dơi geh nau ƀŭn lap jêh ri gay dơi lăp sŏk dơn n'gor ueh jêng drăp ndơn bơh Brah Yêhôva hŏ sơm ton ma phung chô yau khân may.