II Phung Hađăch 18:24 - Nau Brah Ndu Ngơi 2023

²⁴ Nđâp tơlah may rnơm nsing ma n'gor Êjipt gay geh ndeh seh jêh ri phung tahan ncho seh, pônây mâm may dơi mprơh du huê kôranh tahan jê̆ lơn tâm phung kôranh tahan kôranh gâp?

II Phung Hađăch 18:24 ပူးပေါင်းရင်းမြစ်များ

Nau Ntơm 50:9

Rlau ma nây geh ndeh seh jêh ri phung rmăk ndeh seh hăn ndrel ma păng đŏng. Khân păng jêng du mpôl bunuyh âk ngăn.

I Phung Hađăch 20:10

Y-Ben-Hadat prơh tay bunuyh êng đŏng hăn lah pô aơ: “Tơlah ndruyh neh ta Samari geh tŏng ma lĕ tahan gâp ăp nơm dơi geh du mbăt, dăn phung brah ƀư nau mhĭk ma gâp jâk ngăn!”

II Phung Hađăch 18:21

Aơ, may rnơm nsing ma n'gor Êjipt hĕ? Ƀiălah Êjipt knŏng tâm ban du mâng ma tơm rpho lĕ deh jêh; tơlah mbu nơm rnơm nsing ma păng, păng mra ntâp bluh lăp tâm ti. Tơlah mbu nơm rnơm nsing ma Pharaôn, hađăch Êjipt, tâm ban pônây.’

II Phung Hađăch 18:23

Pôri, ăn may ƀư nau tâm nkol đah kôranh gâp jêng hađăch Asiri. Gâp mra ăn ma may bar rbăn mlâm seh tơlah may joi tŏng rnoh phung tahan ncho seh gay ncho.

II Phung Hađăch 18:25

Rlau lơn ma nĕ, mâu di hĕ tĭng nâm nau mĭn ŭch Brah Yêhôva gâp hăn hao lơh gay ƀư rai lơi ntŭk nây? N'hêl nanê̆ Brah Yêhôva hŏ lah jêh ma gâp: ‘Hăn hao hom lơh jêh ri ƀư rai lơi n'gor.’”

Êsai 10:8

Yorlah păng lah: “Mâu di hĕ phung kôranh tahan gâp jêng hađăch da dê?

Êsai 30:1

Brah Yêhôva lah: “Rêh ni ngăn ma phung kon tâm rdâng! Khân păng tâm nchră kan mâu tĭng nau mĭn Gâp, Ƀư nau tâm rnglăp mâu tă Brah Gâp ôh, Gay ntop nau tih ma nau tih.

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 31:3

Phung Êjipt knŏng jêng bunuyh dơm, mâu di jêng Brah Ndu ôh; Seh ndơ tâm lơh khân păng knŏng jêng nglay săk, mâu di jêng huêng brah ôh. Tơlah Brah Yêhôva yơr ti Păng, Nơm kơl mra ndĭt ndĭu, nơm geh nau kơl mra prah jŭr, Lĕ rngôch khân păng mra rai yot ndrel n'grŭp.

Êsai 36:6

Aơ, may rnơm nsing ma n'gor Êjipt, jêng mâng ma tơm rpho lĕ deh jêh, ma mbu nơm rnơm nsing ma păng, păng mra ntâp bluh lăp tâm ti nơm nây. Pharaôn, hađăch Êjipt, ƀư jêng tâm ban pônây đah lĕ rngôch phung rnơm nsing ma păng.

Êsai 36:9

Nđâp tơlah may rnơm nsing ma n'gor Êjipt gay geh ndeh seh jêh ri phung tahan ncho seh, mâm may dơi mprơh du huê kôranh tahan jê̆ lơn tâm phung oh mon kôranh gâp?

Yêrêmi 37:7

“Yêhôva Brah Ndu Israel lah: ‘Khân may lah tay ma hađăch Yuđa, nơm hŏ prơh khân may hăn ôp ma Gâp, pô aơ: Aơ, phung tahan Pharaôn hŏ văch gay kơl khân may mra plơ̆ sĭt rlet bri dak khân păng jêng Êjipt.

Êsêkiêl 17:15

Ƀiălah, hađăch nây hŏ tâm rdâng đah hađăch Babilôn, mprơh nơm hăn mbơh tât ma n'gor bri Êjipt gay ma phung Êjipt ăn seh gay tâm lơh jêh ri du phung tahan âk. Păng mra dơi lĕ? Du huê bunuyh dơi klaih lĕ dôl ƀư pônây? Dơi lĕ păng chalơi rlau nau hŏ tâm rnglăp mâm dơi klaih lĕ?’

Êsêkiêl 17:17

Pharaôn mâu mra djôt du phung tahan ktang jêh ri du phung tahan âk kơl tâm lơh tơlah bu njêng pôih ƀư mpêr nchueng jŭm ƀon gay nkhĭt âk bunuyh.

Êsêkiêl 29:6

Rnôk nây, lĕ rngôch phung gŭ tâm n'gor Êjipt mra gĭt Gâp jêng Brah Yêhôva, yorlah may hŏ jêng mâng jra đah rpho ăn ma ngih Israel.

Daniel 4:22

Ơ hađăch, tơm si nây jêng may yơh. Hađăch hŏ jêng toyh ktang jêh ri ndrŏng kuăng; nau dŭt prêh may n'hao tât ta klơ trôk, nau may dơi chiă uănh lăk dĭ tât ta nglĕ dŭt rplay neh.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Nau Vay Nkah Tay 17:16

Knŏng geh du nau hađăch nĕ mâu dơi ôh ntop âk seh, kŏ mâu đŏng yor ŭch ntop âk seh njŭn tay phung ƀon lan plơ̆ sĭt tay ta n'gor Êjipt, yorlah Brah Yêhôva hŏ ntăm jêh ma khân may pô aơ: ‘Khân may mâu đŏng dơi plơ̆ tay ta trong nây.’