II Phung Hađăch 18:22 - Nau Brah Ndu Ngơi 2023

²² Klăp lah khân may mra lah ma gâp pô aơ: ‘Hên rnơm nsing ma Yêhôva Brah Ndu hên. Mâu hĕ di Y-Hêsêkia nơm ƀư rai jêh lĕ ntŭk prêh jêh ri nơng ƀư brah klơ ta nây, jêh nây ntăm ma phung Yuđa jêh ri ma ƀon Yêrusalem yơk mbah panăp nơng ƀư brah ta Yêrusalem hĕ?’

II Phung Hađăch 18:22 ပူးပေါင်းရင်းမြစ်များ

II Phung Hađăch 18:23

Pôri, ăn may ƀư nau tâm nkol đah kôranh gâp jêng hađăch Asiri. Gâp mra ăn ma may bar rbăn mlâm seh tơlah may joi tŏng rnoh phung tahan ncho seh gay ncho.

II Phung Hađăch 19:6

jêh ri Y-Êsai lah ma khân păng: “Khân may plơ̆ sĭt mbơh hom ma kôranh khân may pô aơ Brah Yêhôva lah kơt aơ: ‘Lơi klach ôh yor nau ngơi khân may hŏ tăng jêh, jêng lĕ nau phung oh mon hađăch bri Asiri ngơi djơh tât Gâp.

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

II Nau Rêh Jêng 32:12

Mâu hĕ di Y-Hêsêkia aơ yơh lĕ sŏk mƀăr lơi jêh ta lĕ ntŭk prêh jêh ri nơng ƀư brah ma Păng jêh nây ntĭnh phung ƀon lan Yuđa jêh ri Yêrusalem pô aơ: ‘Khân may knŏng yơk mbah panăp du mlâm nơng jêh ri knŏng su ndơ ƀâu kah ta klơ nơng nây dơm ƀơh’?

Êsai 36:7

Klăp lah may lah ma gâp pô aơ: “Hên rnơm nsing ma Yêhôva Brah Ndu hên.” Ƀiălah mâu di hĕ păng yơh jêng Nơm Y-Hêsêkia hŏ sŏk mƀăr lơi jêh ta lĕ ntŭk prêh jêh ri nơng ƀư brah ma Păng, dôl lah ma phung Yuđa jêh ri ma ƀon Yêrusalem pô aơ: “Khân may yơk mbah hom tanăp nơng ƀư brah aơ,” mâu di?

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Mathay 27:43

Păng rnơm nsing ma Brah Ndu. Tơlah Brah Ndu rŏng ma Păng, ăn Brah Ndu tâm rklaih Păng aƀaơ ro; yorlah păng lah: ‘Gâp jêng Kon Brah Ndu.’ ”

I Kôrintô 2:15

Ƀiălah, bunuyh geh Brah Huêng Ueh, sek uănh lĕ ntil ndơ, ƀiălah bunuyh nây mâu geh nơm sek uănh ôh.

Nau Vay Nkah Tay 12:11

Nôk nây mra geh du ntŭk Yêhôva Brah Ndu khân may mra săch an gay amoh Păng gŭ ta nây jêh ri jêng ntŭk khân may mra njŭn lĕ rngôch ndơ gâp hŏ ntĭnh ma khân may tâm ban ndơ ƀư brah gŭch, lĕ mpa ƀư brah, tê̆ pi du kô̆ tâm jât, ndơ nhhơr yơr, jêh ri lĕ ndơ nhhơr ƀư nanê̆ nau ton bơh khân may ton nhhơr ma Brah Yêhôva.

Nau Vay Nkah Tay 12:14

ƀiălah ăn khân may nhhơr ndơ ƀư brah gŭch ta ntŭk Brah Yêhôva săch tă bơh tâm du ndŭl mpôl khân may, jêh ri ta nây khân may mra ƀư tĭng kơt lĕ nau gâp ntăm ma khân may.

Nau Vay Nkah Tay 12:5

Ƀiălah ăn khân may joi ntŭk Yêhôva Brah Ndu mra săch tă bơh ta nklang lĕ rngôch ndŭl mpôl khân may gay dơm amoh Păng, jêng ntŭk Păng gŭ jêh ri jêng ntŭk khân may mra hăn tât.