II Phung Hađăch 18:17 - Nau Brah Ndu Ngơi 2023

¹⁷ Ƀiălah hađăch Asiri prơh Y-Tartan, Y-Rabsaris, jêh ri Y-Rapsaka hăn, djôt leo ndrel ma du phung tahan ktang tă bơh Lakis tât ta ƀon Yêrusalem tâm mâp đah hađăch Hêsêkia. Khân păng hao tât ta ƀon Yêrusalem. Tơlah tât ta nây, khân păng gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

II Phung Hađăch 18:17 ပူးပေါင်းရင်းမြစ်များ

II Phung Hađăch 14:19

Ta ƀon Yêrusalem, bu tâm nchră tâm rdâng đah hađăch, pôri păng nchuăt du tât ma Lakis. Ƀiălah khân păng prơh bunuyh hăn tĭng hađăch tât ta ƀon Lakis jêh ri nkhĭt hađăch ta nây.

II Phung Hađăch 18:16

Nôk nây, ăn Y-Hêsêkia plơk mah ta lĕ mpông jêh ri meh mbong mpông ngih brah Brah Yêhôva jêng ndơ Y-Hêsêkia hađăch Yuđa nơm hŏ mblum jêh, jêh nây djôt leo ndơ nây chê̆ ma hađăch Asiri.

II Phung Hađăch 19:23

May prơh jêh phung mbơh hăn gay mưch rmot ma Kôranh Brah. May lah: “Ma âk ir ndeh seh, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban; Gâp mra kăl lĕ tơm si Sêdar prêh lơn, Jêh ri lĕ tơm si chiprơ dŭt ueh lơn; Gâp mra tât ta ntŭk ngai, Tâm krŏng tơm si dŭt pŭm.

II Phung Hađăch 19:6

jêh ri Y-Êsai lah ma khân păng: “Khân may plơ̆ sĭt mbơh hom ma kôranh khân may pô aơ Brah Yêhôva lah kơt aơ: ‘Lơi klach ôh yor nau ngơi khân may hŏ tăng jêh, jêng lĕ nau phung oh mon hađăch bri Asiri ngơi djơh tât Gâp.

II Phung Hađăch 20:20

Lĕ nau kan êng Y-Hêsêkia ƀư, nau ktang păng, nau păng ƀư nglao dak, jêh ri ƀư rmlông dak jêh ri n'hoch ăn tât dak tâm ƀon, mâu di hĕ bu hŏ nchih da dê tâm ndrom samƀŭt nau rêh jêng ma phung hađăch Yuđa?

II Nau Rêh Jêng 12:4

Y-Sisăk lăp lơh pit sŏk lĕ ƀon nâp tâm bri Yuđa, jêh ri tât ma Yêrusalem.

II Nau Rêh Jêng 32:9

Jêh nau nây, Y-Sênakêrip, hađăch Asiri, ndrel ma lĕ rngôch phung tahan păng hôm nchueng ƀon Lakis. Păng njuăl phung oh mon păng mâp Y-Hêsêkia jêh ri phung Yuđa gŭ ta Yêrusalem jêh ri lah:

Êsai 20:1

Tâm năm hađăch bri Asiri jêng Y-Sargôn njuăl kôranh ma phung tahan hăn tât ta ƀon Asdôt gay rduh lơh jêh ri sŏk ƀon nây,

Êsai 36:2

Hađăch bri Asiri njuăl Rabshakeh bơh Lakis tât ta Yêrusalem đah du phung tahan âk gay nkrit nhhu hađăch Hêsêkia. Rabshakeh gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

Êsai 7:3

Brah Yêhôva lah ma Y-Êsai: “May ndrel kon bu klâu may jêng Y-Sêar-Jasup hăn tâm mâp đah Y-Ahas ta dŭt n'ho rmlông dak bơh nglao klơ, ta trong toyh leo tât ta mir phung ƀư kloh bok.