II Phung Hađăch 18:10 - Nau Brah Ndu Ngơi 2023

¹⁰ Lôch pe năm, păng sŏk ƀon nây. Pônây, bu sŏk ƀon Samari tâm năm rơh prao rnôk rô̆ Y-Hêsêkia chiă uănh, jêng năm rơh sĭn rnôk rô̆ Y-Hôsêa, hađăch Israel chiă uănh.

II Phung Hađăch 18:10 ပူးပေါင်းရင်းမြစ်များ

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

Êsai 10:9

Mâu di hĕ Kalnô mra tâm ban ma Karkêmis, Hamat mra tâm ban ma Arpat, Samari mra tâm ban ma Damas lĕ?

Ndrom Samƀŭt bơh Ôsê 13:16

Samari mra anh nau tih păng, Yorlah păng tâm rdâng jêh đah Brah Ndu păng! Khân păng mra cha lôt khĭt tâm dâng mpiăt đao, Phung kon se jê̆ khân păng bu mra jot nchah lơi, Jêh ri bu mra roch phung bu ur khân păng lĕ ntreo.

Amôt 3:11

Yor nây, Kôranh Brah Yêhôva lah: “Ri, phung rlăng mra văch tât nchueng bri neh aơ; Păng ƀư rai nau ktang may, Jêh ri pit in lĕ pôih toyh may.”

Amôt 6:7

Yor nây, bu nhŭp khân păng jêng phung bu nă lor, Nau nhêt ndrănh nhŭl hơm jêh ri pâl rlưn nây mra lôch!

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Mika 7:13

Ƀiălah neh ntu phung rlăng mra jêng rngol Yor nau play tă bơh phung gŭ tâm păng ŭch ƀư.

Nau Kơp Bunuyh 32:41

Y-Jar jêng kon bu klâu Y-Manasê hăn tâm lơh pit sŏk lĕ ƀon jê̆ phung ƀon lan Amôrit jêh ri rgâl amoh jêng ƀon jê̆ Jar.