II Phung Hađăch 17:9 - Nau Brah Ndu Ngơi 2023

⁹ Phung ƀon lan Israel ƀư lĕ nau mâu di tâm nau ndâp, ŭch tâm rdâng đah Yêhôva Brah Ndu khân păng. Khân păng ndâk lĕ ntŭk prêh klơ tâm lĕ rngôch ƀon, ntơm bơh ngih tŭm gak tât ma ƀon geh pôih nâp.

II Phung Hađăch 17:9 ပူးပေါင်းရင်းမြစ်များ

II Phung Hađăch 18:8

Păng tâm lơh đah phung Philistin tât ta ƀon Gaxa jêh ri nkual neh jŭm ƀon păng, ntơm bơh ngih tŭm gak tât ma ƀon geh pôih nâp.

Ndrom Samƀŭt bơh Yôp 31:27

Tơlah nuih n'hâm gâp geh nau khân păng ndơm, Jêh ri ndop ti gay ŭch yơk mbah ma ndơ nây,

Nau Mprơ Ơm 78:58

Khân păng nsônh nuih Kôranh Brah yor lĕ ntŭk prêh, Ƀư ma Păng ji nuih yor lĕ rup trah.

Êsai 29:15

Rêh ni ngăn phung pôn nau khân păng tâm nchră tâm ntŭk jru ndâp bơh Brah Yêhôva, Kan tâm nau ngo, Jêh ri khân păng mĭn êng: “Mbu dơi saơ he, mbu dơi gĭt he?”

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Ndrom Samƀŭt bơh Ôsê 12:11

Gâp tâm ban lĕ hŏ lah jêh ma phung nơm mbơh lor; Gâp yơh hŏ ăn âk tơ̆ lĕ nau tâm saơ. Dŏng phung nơm mbơh lor Ntĭm nti ma nau ngơi hôr.

Nau Vay Nkah Tay 13:6

Tơlah oh nâu khân may, kon bu klâu, kon bu ur, mâu lah ur khân may rŏng ngăn, mâu lah mĭt jiăng dăch đah khân may, jêng nơm ndơm khân may ma nau ndâp pô aơ: ‘Ăn he hăn jêh ri yơk mbah ma brah êng’ jêng phung brah khân may mâu lah phung chô yau khân may mâu hŏ gĭt năl ôh,

Nau Vay Nkah Tay 27:15

‘Rak rtăp ma nơm ƀư rup trah mâu lah rup tŏ, jêng ndơ Brah Yêhôva tâm rmot ngăn, jêng ndơ bơh ti blau bunuyh ƀư, jêh ri ndâk ndơ nây tâm ntŭk ndâp gay mbah!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 29:25

Bu mra ơh pô aơ: ‘Yorlah khân păng hŏ dun jêh nau tâm rnglăp đah Yêhôva Brah Ndu phung chô yau khân păng ƀư jêh đah khân păng nôk Păng njŭn leo khân păng luh bơh n'gor Êjipt.