II Phung Hađăch 17:6 - Nau Brah Ndu Ngơi 2023

⁶ Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 17:6 ပူးပေါင်းရင်းမြစ်များ

Nau Ntơm 10:2

Phung kon bu klâu Y-Japhet jêng Y-Gômer, Y-Magôk, Y-Madai, Y-Javan, Y-Tubal, Y-Mêsek, jêh ri Y-Tiras.

I Phung Hađăch 8:46

Tơlah khân păng ƀư tih đah Kôranh Brah — yorlah mâu geh du huê bunuyh mâu ƀư tih — ƀư ăn May ji nuih ma khân păng jêh ri jao khân păng ăn ma phung rlăng ăn bu nhŭp khân păng ƀư dĭk tâm n'gor phung rlăng, mâu lah ntŭk ngai mâu lah dăch.

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 18:34

Mbah ntŭk brah ƀon Hamat jêh ri brah ƀon Arpat? Mbah ntŭk brah ƀon Sêpharvaim, brah ƀon Hêna jêh ri brah n'gor Iva? Phung brah nây dơi tâm rklaih n'gor Samari bơh ti gâp lĕ?

II Phung Hađăch 19:12

Lĕ rngôch phung brah tâm lĕ bri dak phung chô yau gâp hŏ ƀư rai jêh, jêng phung brah n'gor Gôsan, Charan, Rêsep, jêh ri phung Êđen gŭ ta ƀon Têlasar, mâp dơi tâm rklaih khân păng lĕ?

II Phung Hađăch 21:13

Gâp mra nthăng ta klơ Yêrusalem rse veh ƀon Samari jêh ri rse yông ndơ jâk ngih Y-Ahap. Gâp mra pih kloh ƀon Yêrusalem tâm ban bu jut du mlâm ngan pala, jêh nây kŭp tâm dâng, klơ jêh rao kŭp lơi păng.

I Nau Rêh Jêng 5:22

Geh âk ngăn bunuyh lĕ cha lôt khĭt, yorlah nau tâm lơh nây luh tă bơh Brah Ndu. Khân păng pit in neh phung nây jêh ri gŭ ta nây ma tât nôk bu nhŭp njŭn leo khân păng ƀư dĭk bu.

I Nau Rêh Jêng 5:26

Pôri, Brah Ndu Israel nsônh nau mĭn Y-Pul, hađăch bri dak Asiri, jêh ri Y-Tiglat-Pilêser, hađăch bri dak Asiri, hăn tât gay nhŭp phung ndŭl mpôl Ruben, Gat, jêh ri du n'gul ndŭl mpôl Manasê, njŭn khân păng tât ma ƀon Hala, ƀon Habôr, ƀon Hara, jêh ri nkual ta dăch dak krong Gôsan, jêng ntŭk khân păng hôm gŭ tât ma nar aơ.

Êsra 6:2

Bu joi dơi saơ tâm pôih ta ƀon Êkbatana, jêng ƀon ta n'gor Mêdơ, du ndrom samƀŭt bu klôn geh nau nchih pô aơ:

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Êsai 10:9

Mâu di hĕ Kalnô mra tâm ban ma Karkêmis, Hamat mra tâm ban ma Arpat, Samari mra tâm ban ma Damas lĕ?

Êsai 13:17

Aơ, Gâp mra ƀư ma phung Mêdơ tâm rdâng đah khân păng; Phung nây mâu chrê ma prăk, Mâu đŏng ŭch mah.

Êsai 17:4

“Tâm nar nây, nau chrêk rmah Yakôb mra n'hŭch, Săk jăn lay mra jêng rgay.

Êsai 21:2

Geh du nau tâm saơ klach krit hŏ mpơl ma gâp: Nơm mâu gŭ răp jăp dôl ƀư rlăng, Nơm ƀư rai dôl ƀư rai! “Ơ phung Êlam, hăn hao hom! Ơ phung Mêdơ, nchueng jŭm hom! Gâp mra ƀư lôch Lĕ nau păng lŭng nter.”

Êsai 36:17

kŏ tât gâp văch jêh ri njŭn leo khân may lăp tâm du n'gor nâm bu n'gor khân may nơm, jêng n'gor geh prăp ba jêh ri ndrănh mhe, du bri geh piăng let jêh ri đang krăk ƀâu.

Êsai 36:19

Ta ntŭk phung brah ƀon Hamat jêh ri ƀon Arpat? Ta ntŭk phung brah ƀon Sêpharvaim? Khân păng hŏ mâp tâm rklaih jêh lĕ n'gor Samari bơh ti gâp mâm dơi lĕ?

Êsai 37:18

Ơ Brah Yêhôva, n'hêl nanê̆ phung hađăch Asiri hŏ ƀư rai jêh lĕ bri dak jêh ri n'gor neh khân păng,

Êsai 8:4

yorlah êlor ma kon se nây gĭt kuăl: ‘Mbơ̆ gâp!’ mâu lah, ‘Mê̆ gâp!’ hađăch Asiri mra hăn sŏk lĕ drăp ndơ bơh Damas jêh ri ndơ pit sŏk bơh Samari.”

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Daniel 5:28

Pêres jêng: Ƀon bri hađăch may bu tâm pă jêh nây ăn ma phung Mêdơ jêh ri phung Persi.”

Ndrom Samƀŭt bơh Ôsê 1:4

Rnôk nây Brah Yêhôva lah ma păng: “Ntơ hom amoh păng jêng Y-Jesrêel, yorlah mâu hôm jŏ đŏng ôh Gâp mra tâm rmal ma ngih Y-Jêhu ma nau tih pling mham ta ntŭk Jesrêel, jêh ri mra ngroh lơi ƀon bri hađăch ngih Israel.

Ndrom Samƀŭt bơh Ôsê 1:6

Păng ntreo đŏng jêh ri deh du huê kon bu ur. Brah Yêhôva lah ma Y-Ôsê: “Ntơ hom amoh păng jêng H'Lô-Ruhama, yorlah Gâp mâu hôm yô̆ nđach ma ngih Israel, mâu lĕ yô̆ an ma khân păng đŏng ôh.

Ndrom Samƀŭt bơh Ôsê 1:9

Brah Yêhôva lah: “Ntơ amoh păng jêng Y-Lô-Ammi, yorlah khân may mâu hôm jêng phung ƀon lan Gâp đŏng ôh jêh ri Gâp mâu lĕ hôm jêng Brah Ndu khân may.”

Ndrom Samƀŭt bơh Ôsê 13:16

Samari mra anh nau tih păng, Yorlah păng tâm rdâng jêh đah Brah Ndu păng! Khân păng mra cha lôt khĭt tâm dâng mpiăt đao, Phung kon se jê̆ khân păng bu mra jot nchah lơi, Jêh ri bu mra roch phung bu ur khân păng lĕ ntreo.

Ndrom Samƀŭt bơh Ôsê 8:8

Israel bu sa rvăn jêh. Aƀaơ aơ khân păng gŭ ta nklang phung ƀon lan Nâm bu ndô ndơ bu mâu ŭch rŏng ôh.

Ndrom Samƀŭt bơh Ôsê 9:3

Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Kan Lêvi 26:38

Khân may mra rai lôch ta nklang phung ndŭl mpôl bunuyh, jêh ri n'gor phung lăng mra rvăn khân may.

Amôt 5:27

Yor nây, Gâp mra ăn khân may jêng bu nă đah ri ƀon Damas.” Brah Yêhôva lah kơt nây, Amoh Păng jêng Brah Ndu ma phung tahan.

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Nau Vay Nkah Tay 28:36

Brah Yêhôva mra njŭn leo khân may jêh ri hađăch khân may hŏ ndâk jêh, hăn tât ta du bri dak ƀiălah khân may jêh ri phung chô yau khân may ê hŏ mâp gĭt ôh. Ta nây, khân may mra pah kan ma phung brah êng ma tơm si, ma lŭ.

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.

Nau Vay Nkah Tay 30:18

gâp mbơh ma khân may nar aơ, khân may n'hêl nanê̆ mra rai lôch, mâu dơi ôh rêh jŏ năm tâm n'gor khân may mra rgăn dak krong Yurdan gay sŏk dơn.