II Phung Hađăch 17:40 - Nau Brah Ndu Ngơi 2023

⁴⁰ Ƀiălah, phung mpôl băl bunuyh mâu ŭch iăt ôh, ăt ƀư tĭng nâm nau vay saơm khân păng nơm.

II Phung Hađăch 17:40 ပူးပေါင်းရင်းမြစ်များ

II Phung Hađăch 17:12

Khân păng yơk mbah ma phung rup brah, ma nau nây Brah Yêhôva hŏ ntăm jêh ma khân păng: “Khân may mâu dơi yơk mbah nau aơ.”

II Phung Hađăch 17:34

Ma tât nar aơ, khân păng ăt hôm ƀư tĭng nâm nau vay saơm khân păng. Khân păng mâu klach yơk ôh ma Brah Yêhôva, mâu đŏng ƀư tĭng ndô̆ nau vay dăp, nau vay ƀư, nau vay, mâu lah nau vay Brah Yêhôva ntăm, hŏ ntăm jêh ma phung kon sau Y-Yakôb, nơm Păng ntơ amoh jêng Israel.

II Phung Hađăch 17:39

Ƀiălah ăn khân may klach yơk ma Yêhôva Brah Ndu khân may, Păng nơm mra tâm rklaih khân may bơh ti lĕ rngôch phung rlăng khân may.”

II Phung Hađăch 17:41

Pônây, phung ntil mpôl bunuyh aơ klach yơk ma Brah Yêhôva, jêh ri tâm ban lĕ khân păng yơk mbah ma lĕ rup brah khân păng trah jêh. Mâm nau phung chô yau khân păng ƀư, pôri phung kon sau khân păng ăt ƀư tâm ban pônây lĕ tât ma nar aơ.

II Phung Hađăch 17:8

gŭ rêh tĭng nâm nau vay phung ƀon lan Brah Yêhôva hŏ mprơh jêh luh bơh phung ƀon lan Israel, jêh ri chuat tĭng nâm nau vay phung hađăch Israel hŏ nkra jêh.

Yêrêmi 13:23

Bunuyh Êthiôpi mra dơi tâm rgâl dak piâk ntâu Mâu lah yau brăch tâm rgâl nau rvanh păng? Tơlah dơi, pôri lĕ rngôch khân may jêng phung hŏ mơng ƀư mhĭk Mra dơi ƀư nau ueh.

Nau Vay Nkah Tay 4:28

Ta nây, khân may mra pah kan ma phung brah ƀư ma si jêh ri ƀư ma lŭ, jêng nau kan ti bunuyh ƀư, rĭ dĭng mâu blau saơ, mâu blau tăng, mâu blau sông sa, mâu lĕ blau n'hơp.