II Phung Hađăch 17:37 - Nau Brah Ndu Ngơi 2023

³⁷ Lĕ nau vay dăp, lĕ nau vay ƀư jêh ri nau vay jêh ri nau vay ntăm, Păng hŏ nchih jêh ma khân may, ăn khân may djôt prăp ƀaƀơ. Khân may lơi klach ma lĕ brah êng ôh.

II Phung Hađăch 17:37 ပူးပေါင်းရင်းမြစ်များ

II Phung Hađăch 17:38

Khân may mâu dơi chuêl ôh nau tâm rnglăp Gâp ƀư jêh đah khân may, jêh ri lơi klach ôh ma lĕ brah êng.

I Nau Rêh Jêng 29:19

Dăn ma Kôranh Brah ăn ma Y-Salômôn, kon gâp, du nuih n'hâm mâu geh bu dơi nduyh djôt prăp lĕ nau vay ntăm, lĕ nau ntĭnh, jêh ri lĕ nau vay dăp bơh May, tâm ban ƀư lĕ kan gay ndâk ngih brah, gâp hŏ rơm nŭm jêh.”

Kan Lêvi 19:37

Pôri khân may djôt prăp hom jêh ri ƀư tĭng lĕ rngôch lĕ nau vay dăp jêh ri lĕ nau vay Gâp ƀư. Gâp jêng Brah Yêhôva.’”

Nau Vay Nkah Tay 12:32

Ăn khân may blau njrăng, ƀư tĭng lĕ rngôch nau gâp ntĭnh jêh ma khân may, mâu dơi ôh ntop mâu lah n'hŭch lơi.”

Nau Vay Nkah Tay 31:11

lah lĕ rngôch bunuyh ƀon lan Israel tâm mpơl măt tanăp Yêhôva Brah Ndu khân may ta ntŭk Păng mra săch, pôri ăn khân may răk nau vay aơ tanăp lĕ rngôch bunuyh ƀon lan Israel ăn khân păng tăng lĕ rngôch.

Nau Vay Nkah Tay 31:9

Y-Môis nchih jêh nau vay aơ jêh ri jao ăn ma phung kôranh ƀư brah phung kon sau Lêvi, jêng phung tung Hip Nau Tâm Rnglăp Brah Yêhôva, tâm ban đŏng jao ăn ma lĕ rngôch phung kôranh bu ranh Israel.

Nau Vay Nkah Tay 5:22

Nây jêng lĕ nau ngơi tă bơh klơ yôk, Brah Yêhôva hŏ ngơi bâr huy ntĭnh ma lĕ rngôch phung Israel tâm rƀŭn luh bơh ŭnh, nklang ndâr tŭk krăk kher ngo klĕng. Păng mâu hôm ntop nau êng ôh ƀiălah Păng nchih lĕ nau nây ta bar rlat lŭ jêh ri jao ma gâp.

Nau Vay Nkah Tay 5:31

Ƀiălah ăn may gŭ ta aơ ndrel Gâp, Gâp mra mbơh ma may lĕ nau vay ntăm, nau vay dăp jêh ri nau vay ƀư bơh may mra ntĭm tay ma phung ƀon lan gay ma khân păng ƀư kơt tĭng nau nây tâm n'gor Gâp mra ăn ma khân păng gay ƀư drăp ndơn.’

Nau Vay Nkah Tay 5:32

Pôri, ăn khân may njrăng ƀư dĭng lĕ nau kan di mâm bu Yêhôva Brah Ndu khân may hŏ ntĭm nti; khân may mâu dơi ôh teng pa ma mâu lah pa chiau.

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

Phung Kôranh Phat Dôih 6:10

Gâp lah ma khân may: ‘Gâp jêng Yêhôva Brah Ndu ma khân may, lơi ta klach yơk ôh ma brah phung Amôrit tâm n'gor khân păng ntŭk khân may dôl gŭ.’ Ƀiălah khân may mâu ŭch iăt ôh bâr Gâp!”