II Phung Hađăch 17:36 - Nau Brah Ndu Ngơi 2023

³⁶ Ƀiălah Brah Yêhôva, Nơm hŏ sŏk nau brah toyh jêh ri nting tur yơr sŏng, djôt khân may luh bơh Êjipt, Păng jêng Nơm ăn khân may klach yơk, chon mbah, jêh ri nhhơr mpa ƀư brah.

II Phung Hađăch 17:36 ပူးပေါင်းရင်းမြစ်များ

I Phung Hađăch 8:42

(Yorlah khân păng hŏ tăng jêh ma amoh toyh May, ma ti brah May jêh ri ti May yơr sŏng jêh). Tơlah khân păng văch tât mbơh sơm tâm ngih brah aơ,

II Phung Hađăch 17:39

Ƀiălah ăn khân may klach yơk ma Yêhôva Brah Ndu khân may, Păng nơm mra tâm rklaih khân may bơh ti lĕ rngôch phung rlăng khân may.”

Nau Mprơ Ơm 136:12

Ma mpang ti brah jêh ri nting tur yơr, Yor nuih n'hâm ueh Păng hôm tât n'ho ro.

Nau Ngluh Êjipt 14:15

Brah Yêhôva lah ma Y-Môis: “Mâm ƀư may nter ma Gâp? Đă hom phung ƀon lan Israel ăn hăn panăp.

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Nau Ngluh Êjipt 9:15

Aƀaơ, Gâp dơi yơr ti rmal may jêh ri phung ƀon lan may ma nau ji tưp gay ƀư rai may jêh ri phung ƀon lan may bơh neh ntu.

Yêrêmi 32:21

May hŏ dŏng lĕ nau tâm mpơl nau mbên khlay ir ar, yơr mpang ti ktang jêh ri ling tur ti, ƀư nau krit toyh njŭn leo jêh phung ƀon lan May Israel du luh tă bơh n'gor bri Êjipt.

Kan Lêvi 19:32

Ăn khân may dâk tanăp măt phung sŏk ndra, yơk ma phung bu ranh, jêh ri ăn khân may klach yơk ma Brah Ndu khân may. Gâp jêng Brah Yêhôva.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Kôranh Oh Mon 4:30

Dăn yơr ti May gay ƀư bah jêh ri ƀư lĕ nau khlay, nau mbên khlay tâm amoh Oh Mon kloh ueh May jêng Brah Yêsu.”

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Nau Vay Nkah Tay 5:15

Ăn kah gĭt hom may hŏ jêng jêh dĭk nă tâm n'gor Êjipt, jêh ri Yêhôva Brah Ndu may yơr ti bêng nau brah Păng djôt leo may du luh jêh bơh ntŭk nây. Yor ri, Yêhôva Brah Ndu may hŏ ntĭm nti jêh ma may ăn djôt prăp nar rlu.

Nau Vay Nkah Tay 6:12

njrăng hom klach lah may chuêl Brah Yêhôva jêng Nơm hŏ njŭn leo jêh may luh bơh n'gor Êjipt, jêng bơh vâl dĭk bu.

Nau Vay Nkah Tay 6:13

May klach yơk hom ma Yêhôva Brah Ndu may, pah kan ma Păng jêh ri ton ma amoh Păng.

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”