II Phung Hađăch 17:35 - Nau Brah Ndu Ngơi 2023

³⁵ Brah Yêhôva hŏ njêng jêh nau tâm rnglăp đah Israel jêh ri ntĭm nti pô aơ: “Khân may lơi klach ma lĕ brah êng ôh, mâu dơi đŏng yơk mbah, rhŏ pah kan jêh ri nhhơr mpa ƀư brah ma khân păng.

II Phung Hađăch 17:35 ပူးပေါင်းရင်းမြစ်များ

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

Nau Ngluh Êjipt 20:3

Tanăp măt Gâp may lơi ta geh brah êng ôh.

Yêrêmi 10:5

Lĕ rup brah nây nâm bu pla mut tâm lĕ mir rpŭng, Mâu blau ngơi, Mâu blau hăn, bu mra tung. Lơi klach ôh khân păng, Yorlah khân păng mâu dơi srih nau mhĭk mâu lah dơi ăn nau ueh uĭn ôh.”

Yêrêmi 25:6

Lơi tĭng phung brah êng ôh ŭch pah kan jêh ri yơk mbah ma khân păng; lơi ta nsônh nuih Gâp ôh sŏk ma kan ti khân may ƀư, ri mơ Gâp mâu mra ƀư mhĭk ôh ma khân may.’

Nau Vay Nkah Tay 5:2

Yêhôva Brah Ndu he hŏ ƀư jêh du nau tâm rnglăp đah he ta Yôk Hôrep.

Nau Vay Nkah Tay 5:9

May mâu dơi chon mbah ôh tanăp lĕ rup nây mâu lah yơk mbah khân păng, yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât pe puăn rô̆ nuyh.

Nau Vay Nkah Tay 6:14

Mâu dơi tĭng phung brah êng ôh, nđâp lah du brah tâm phung brah lĕ phung ƀon lan gŭ jŭm khân may,

Yôsuê 23:16

Tơlah khân may rlau nau tâm rnglăp Yêhôva Brah Ndu khân may ntĭnh ntăm jêh ma khân may, jêh ri hăn pah kan ma phung brah êng jêh ri chon mon mbah panăp khân păng, rnôk nây Brah Yêhôva mra hao ji nuih ma khân may, jêh ri khân may mra rai yot gơnh ngăn bơh bri ueh Păng hŏ ăn jêh ma khân may.”

Yôsuê 23:7

Lơi tâm rlŭk ôh đah phung ndŭl mpôl hôm e ta nklang khân may, lơi ta kuăl amoh phung brah khân păng mâu lah sŏk amoh phung brah gay ton săk, jêh ri lơi pah kan mâu lah chon mon mbah panăp phung brah khân păng.

Phung Kôranh Phat Dôih 6:10

Gâp lah ma khân may: ‘Gâp jêng Yêhôva Brah Ndu ma khân may, lơi ta klach yơk ôh ma brah phung Amôrit tâm n'gor khân păng ntŭk khân may dôl gŭ.’ Ƀiălah khân may mâu ŭch iăt ôh bâr Gâp!”