II Phung Hađăch 17:32 - Nau Brah Ndu Ngơi 2023

³² Khân păng klach yơk ma Brah Yêhôva, ƀiălah săch phung bơh khân păng jêng kôranh ƀư brah ta lĕ ntŭk prêh klơ; yor khân păng phung kôranh ƀư brah nây nhhơr ndơ ƀư brah tâm lĕ ntŭk yơk mbah ta ntŭk prêh klơ.

II Phung Hađăch 17:32 ပူးပေါင်းရင်းမြစ်များ

I Phung Hađăch 12:31

Y-Jêrôbôam ƀư tay đŏng tâm ntŭk yơk mbah ta klơ lĕ ntŭk prêh, săch bunuyh tâm nklang phung ƀon lan jêh ri njêng khân păng ƀư kôranh brah, mâu di săch bunuyh tâm noi deh Lêvi.

I Phung Hađăch 12:33

Tâm nar jât ma prăm khay pham jêng khay păng tâm nal jêh tĭng nâm mĭn ŭch êng păng nơm, Y-Jêrôbôam hăn hao tât ta nơng ƀư brah păng tâm Bêthel. Hađăch njêng du nau nar rƀŭn ma phung ƀon lan Israel, jêh nây hăn hao rlet ma nơng ƀư brah gây su ndơ ƀâu kah.

I Phung Hađăch 13:31

Tâp brôi lôch jêh, păng lah ma phung kon bu klâu păng pô aơ: “Tơlah gâp khĭt, khân may tâp gâp tâm môch hŏ tâp jêh bunuyh Brah Ndu, gay nting gâp ta meng nting păng.

I Phung Hađăch 13:33

Jêh nau nây, Y-Jêrôbôam ăt mâu chalơi trong nau djơh mhĭk păng, ƀiălah hađăch ăt njêng phung kôranh ƀư brah ma lĕ ntŭk prêh klơ săch tâm phung ƀon lan; ma mbu nơm ŭch, păng ăn păng jêng kôranh ƀư brah ma lĕ ntŭk prêh klơ nây.

II Phung Hađăch 17:25

Tơlah khân păng ntơm gŭ ta nây, khân păng mâu klach yơk ôh ma Brah Yêhôva, yor nây Brah Yêhôva prơh yau mŭr hăn tât kăp nkhĭt âk bunuyh tâm khân păng.

II Phung Hađăch 17:29

Ƀiălah ăp ntil mpôl bunuyh njêng phung brah êng ma khân păng nơm, jêh ri dơm brah nây tâm ntŭk yơk mbah ta lĕ ntŭk prêh klơ phung Samari ƀư jêh. Ăp ntil mpôl bunuyh ƀư đŏng ma khân păng nơm pônây tâm lĕ ƀon khân păng gŭ.

II Phung Hađăch 17:33

Phung mpôl băl bunuyh nây klach yơk ma Brah Yêhôva, ƀiălah pah kan ma brah êng khân păng nơm tâm ban lĕ, tĭng nâm nau vay ơm phung mpôl băl bunuyh êlor khân păng ƀư dĭk bu.

II Phung Hađăch 17:41

Pônây, phung ntil mpôl bunuyh aơ klach yơk ma Brah Yêhôva, jêh ri tâm ban lĕ khân păng yơk mbah ma lĕ rup brah khân păng trah jêh. Mâm nau phung chô yau khân păng ƀư, pôri phung kon sau khân păng ăt ƀư tâm ban pônây lĕ tât ma nar aơ.

II Phung Hađăch 23:19

Y-Jôsia rơih đŏng lĕ rngôch ntŭk yơk mbah ta lĕ ntŭk prêh klơ tâm lĕ rngôch ƀon n'gor Samari, ndơ nây jêng phung hađăch Israel ndâk jêh gay nsônh nau ji nuih Brah Yêhôva, hađăch ƀư rai lĕ ntŭk nây nâm bu păng hŏ ƀư ta Bêthel.

Êsra 4:2

khân păng hăn tât ma Y-Sôrôƀaƀel jêh ri ăp kôranh ƀon lah: “Hên ŭch rdâk ndrel ma khân may, yorlah hên joi Brah Ndu tâm ban khân may lĕ, jêh ri hên hŏ ƀư brah ma Păng ntơm bơh rnôk Y-Êsarhadôn, hađăch Asiri, jêng nơm hŏ njŭn hên văch ta aơ.”

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,